Fréttablaðið - 29.09.2012, Blaðsíða 26
29. september 2012 LAUGARDAGUR26
Enn er nægur tími til stefnu fyrir þá sem hyggjast gefa kost á sér til þingmennsku og ætla að taka slaginn í
forvali flokkanna. Þó nokkrir hafa þó nú þegar tilkynnt um fyrirætlun sína.
NÝ ANDLIT Á ALÞINGI?
● Jónína Benediktsdóttir hefur lýst því yfir að hún
sækist eftir því að vera á lista fyrir Framsóknar-
flokkinn. „Ég er búin að ákveða það að bjóða mig
fram en það er algerlega undir flokksmönnum
komið að ákveða hvort þeir vilji nýta starfskrafta
mína,“ sagði hún í samtali við Mbl.is.
● Elín Hirst sækist eftir 3. sæti á lista Sjálfstæðis-
flokksins í Suðvesturkjördæmi. Hún starfaði um
árabil sem fréttamaður og fréttastjóri. „Frétta-
mennska og fréttastjórastarfið er að mörgu leyti
skylt þingmennsku, þ.e. að þjóna almenningi þó
með ólíkum hætti sé.“
● Brynjar Níelsson hæstaréttarlögmaður sækist
eftir þriðja sæti í prófkjöri Sjálfstæðisflokksins í
Reykjavík. „Með þessari ákvörðun er ég að svara
áskorunum og kalli fjölda fólks, sem hvatt hefur
mig eindregið til stjórnmálaþátttöku og vísað til
þess að þörf sé á nýju fólki í fremstu röð.“
● Frosti Sigurjónsson rekstrarhagfræðingur sækist
eftir því að leiða lista Framsóknarflokksins í öðru
hvoru kjördæminu í Reykjavík. Í tilkynningu hans
segir að Framsóknarflokkurinn hafi á undan-
förnum misserum lagt fram skynsamlegar tillögur
í lykilmálum og sýnt staðfestu í baráttu fyrir þeim.
„Sú endurnýjun sem átt hefur sér stað innan
Framsóknarflokksins er mikilvægur grunnur sem
ég vil taka þátt í að byggja á.“
● Arndís Soffía Sigurðardóttir varaþingmaður vill
leiða lista Vinstri hreyfingarinnar – græns fram-
boðs í Suðurkjördæmi. „Ég býð fram krafta mína
til að leggja öllum þeim lið sem vinna að því að
gera Ísland að réttlátara og heiðarlegra samfé-
lagi.“
● Inga Sigrún Atladóttir, forseti bæjarstjórnar í
Vogum, sækist einnig eftir því að leiða lista Vinstri
hreyfingarinnar – græns framboðs í Suðurkjör-
dæmi. „Mér finnst ég hafa mikið fram að færa,
bæði menntun og reynslu,“ segir Inga Sigrún í
samtali við Smuguna. „Ég vil leggja upp með
gagnrýnar spurningar og skapa betra samfélag.“
● Heiða Kristín Helgadóttir, framkvæmdastjóri
Besta flokksins, mun skipa sæti á lista Bjartrar
framtíðar, en óljóst er hvaða sæti og í hvaða kjör-
dæmi.
● Birgir Þórarinsson varaþingmaður sækist eftir
öðru sæti á lista Framsóknarflokksins í Suðurkjör-
dæmi.
● Guðlaugur G. Sverrisson, fyrrverandi stjórnar-
formaður OR, sækist eftir því að leiða lista Fram-
sóknarflokksins í Reykjavík. „Ég tel að samvinnu-
hugsjónin sé gulls í gildi við núverandi aðstæður
í þjóðfélaginu og vil beita mér fyrir framgangi
hennar, bæði í uppbyggingu atvinnulífsins og
samstarfi milli stjórnmálaflokka.“
● Hanna Birna Kristjánsdóttir borgarfulltrúi gefur
kost á sér í fyrsta sæti á lista Sjálfstæðisflokksins í
Reykjavík. Hún sagði, í samtali við mbl.is, að hún
vildi vinna í þágu almennings og útilokaði ekki
framboð til varaformanns flokksins. „Það eru margir
mánuðir í það og því finnst mér ekki tímabært að
gefa neinar yfirlýsingar um framboð á þeim fundi
strax. En ég útiloka ekkert í því sambandi.“
„Undir venjulegum kringumstæðum
er það hins vegar þannig að ef formaður
flokksins heldur að hann dragi atkvæði til
flokksins ætti hann að fara fram í stóru og
fjölmennu kjördæmi til að auka atkvæða-
hlutfall flokksins. Ég játa einfaldlega að ég
veit ekki alveg hvað er þar á ferðinni, en það
getur verið að að baki búi einhver sniðug
flétta sem ég hef ekki komið auga á.“
Formannsslagur
Jóhanna Sigurðardóttir dregur
sig í hlé í íslenskum stjórnmál-
um eftir langa setu á þingi. Hún
tók við formennsku í flokknum við erfiðar
aðstæður, þegar hún var farin að huga að
því að setjast í helgan stein. Í staðinn tók
við formennska og forsætisráðherraemb-
ættið. Brotthvarf hennar gefur prófkjörum
flokksins enn meira vægi, en þau munu hafa
mikið að segja um stöðu mögulegra arftaka
Jóhönnu.
Helgi Hjörvar og Sigríður Ingibjörg Inga-
dóttir hafa bæði verið nefnd til sögunnar.
Helgi var í þriðja sæti á eftir Jóhönnu og Öss-
uri í síðasta prófkjöri og líklegt verður að
teljast að hann sækist eftir efsta sæti í öðru
hvoru kjördæminu. Það gerir Sigríður Ingi-
björg, en hún varð í fjórða sæti í prófkjör-
inu síðast, en sameiginlegt prófkjör var fyrir
bæði kjördæmin þá líkt og nú og þau skipuðu
bæði annað sæti lista.
Það stefnir í stórslag í Suðvesturkjördæmi
þar sem Árni Páll Árnason vill leiða listann
á ný. Reikna má með að Katrín Júlíusdóttir
sækist einnig eftir fyrsta sæti, en hún skip-
aði annað sætið síðast. Líklegt er að for-
mannsslagurinn standi á milli þeirra tveggja
og ljóst er að það sem hefur sigur í prófkjör-
inu stendur með pálmann í höndunum.
Guðbjartur Hannesson hefur einnig verið
nefndur sem arftaki Jóhönnu. Hann býður
sig aftur fram til fyrsta sætis í Norðvestur-
kjördæmi. Ólína Þorvarðardóttir býður sig
fram í fyrsta eða annað sætið. Líkt og ann-
ars staðar mun árangurinn í prófkjöri segja
til um möguleikann á formannsembættinu.
Kristján L. Möller sækist eftir því að leiða
listann í Norðausturkjördæmi og Björgvin
G. Sigurðsson í Suðurkjördæmi.
Nýir flokkar
Guðmundur Steingríms-
son mun bjóða fram fyrir
Bjarta framtíð, en enn er
óráðið hvar eða í hvaða sæti.
Þór Saari hyggur einnig á áframhaldandi
þingsetu.
„Ég mun að sjálfsögðu gefa kost á mér á
lista Dögunar, en hvar veit ég ekki.“
Alþingi nýtur ekki mikillar virðingar,
en þó má reikna með að margir vilji reyna
fyrir sér varðandi sæti á framboðslista,
hvort sem er hjá gömlu flokkunum eða þeim
nýju.
Enn er ekki ljóst hve margir flokkar verða
í framboði til Alþingis í vor. Nú þegar hafa
fjölmörg samtök kynnt áform sín um fram-
boð. Hvernig skipað verður á lista þeirra, eða
hvenær, er hins vegar enn á huldu.
Þau framboð sem eru í farvatninu eru Björt
framtíð, Dögun, Húmanistaflokkurinn, Sam-
staða, Hægri grænir og Lýðræðisflokkurinn. Við
þennan lista getur bæst og ekki er öruggt að
allir nái að uppfylla formsatriði fyrir framboði.
JÓNÍNA
BENEDIKTSDÓTTIR
FROSTI
SIGURJÓNSSON
ELÍN HIRST BRYNJAR NÍELSSON
ARNDÍS SOFFÍA
SIGURÐARDÓTTIR
GUÐLAUGUR G.
SVERRISSON
HANNA BIRNA
KRISTJÁNSDÓTTIR
INGA SIGRÚN
ATLADÓTTIR
HEIÐA KRISTÍN
HELGADÓTTIR
BIRGIR
ÞÓRARINSSON
HNOSSIÐ Stjórnmálaflokkarnir velja brátt á framboðslista fyrir næstu Alþingiskosningar. Langflestir þing-
manna sækjast eftir endurkjöri. Frá þingsetningu árið 2009. FRÉTTABLAÐIÐ/GVA
„Ég hef tekið þá ákvörðun að gefa áfram kost á mér til að
leiða lista Framsóknarmanna í Suðurkjördæmi og þá hef
ég einnig gefið kost á mér til að gegna stöðu varaformanns
Framsóknarflokksins á næsta flokksþingi sem verður í
febrúar fái ég stuðning og kjör til þess.“ Sigurður Ingi Jóhannsson
„Ég er enn óráðin varðandi framhaldið.“ Lilja Mósesdóttir
„Ætla fram í mínu heimakjördæmi Norðausturkjördæmi, fyrir
sama gamla góða flokkinn minn, Samfylkinguna og framar-
lega á listanum vil ég vera.“ Jónína Rós Guðmundsdóttir
„Já ég hef ákveðið að bjóða mig líka fram í forystusæti Fram-
sóknarflokksins í Norðausturkjördæmi. Það er „sure thing“
eins og þeir segja. Nei, ég hef bara ákveðið að fara fram í
Reykjavík. Hef ekki sett miðið á neitt ákveðið sæti. Félagar
mínir ákveða það.“ Róbert Marshall
„Ég hef nú ekkert gefið út og mun ekki beinlínis gera, annað
en að ég hef ekki hugleitt enn sem komið er að hætta í pólitík.
En, við erum með kjördæmisþing fyrir norðan 7. október og þá
verður nú sjálfsagt eitthvað um þetta rætt.“ Steingrímur J. Sigfússon
„Eftir að hafa ráðfært mig við stuðningsmenn og félaga í kjör-
dæminu ákvað ég að gefa áfram kost á mér til þess að leiða
lista flokksins í Suðurkjördæmi og sækist eftir 1. sæti í flokks-
vali því sem fram fer 16.-17. nóvember næstkomandi.“
Björgvin G. Sigurðsson
„Ég hef ákveðið að sækjast á ný eftir oddvitasæti Fram-
sóknarflokksins í Reykjavíkurkördæmi suður – og vonast ég
eftir umboði framsóknarmanna í Reykjavík til þess. Félagar
mínir í flokknum hafa lokaorðið í því efni.“ Vigdís Hauksdóttir
„Já ég gef kost á mér til endurkjörs. Í ljósi þess að Ásbjörn Ótt-
arsson sem leiddi listann í síðustu kosningum, gefur ekki kost
á sér til endurkjörs, sækist ég eftir 1. sætinu á framboðslista
Sjálfstæðisflokksins í Norðvesturkjördæmi.“ Einar K. Guðfinnsson
FRAMHALD AF SÍÐU 24
■ ORÐRÉTT
■ FJÖLDI NÝRRA FRAMBOÐA
þingmanna sem
tóku sæti á þingi
eftir kosningarn-
ar 2009 settust á þing 2007
eða síðar.
2/3