Fréttablaðið - 29.09.2012, Blaðsíða 102

29. september 2012 LAUGARDAGUR58
lifsstill@frettabladid.is
Einhleypingar á öllum aldri
eiga það til að finnast þeir
vera þriðja hjól í vagni
innan um vini sína sem eru
jafnvel allir í samböndum.
Félögin Sóló og París eru
skemmtilegur vettvangur
fyrir einhleypa til að koma
saman með öðrum í sömu
stöðu og mynda vináttu-
bönd.
„Fólk upplifir oft höfnun úr
hjónasamfélaginu þegar það
verður eitt eftir til dæmis maka-
missi eða skilnað. Við viljum gefa
því tækifæri til að eignast vini til
að gera hluti með, hluti sem fólk
í samböndum gerir venjulega
saman,“ segir Guðrún Bjarna-
dóttir, meðlimur í París, félagi
einhleypra.
París var stofnað árið 2003 og
eru meðlimir um sjötíu talsins.
Félagið er fyrir fólk frá miðjum
aldri og upp úr og er markmið
þess að veita félagsskap og stuðla
að vináttu. „Þetta er ekki stefnu-
mótaþjónusta, þótt það komi að
sjálfsögðu fyrir að fólk kynnist á
þann hátt þarna eins og hvar ann-
ars staðar,“ segir Guðrún.
Sólóklúbburinn er svipað félag,
en fyrir yngra fólk og markhóp-
ur þess er aldurinn frá þrítugu
til fimmtugs. Klúbburinn var
stofnaður árið 2007 og hafa á
milli 700 og 800 meðlimir verið
í félaginu frá stofnun segir Stef-
án H. Jóhannesson, meðlimur og
einn stofnenda.
„Þar sem það er skilyrði að fólk
sé einhleypt til að vera í félaginu
er það auðvitað þess eðlis að fólk
kemur og fer,“ segir Stefán og
bætir við að mörg pör hafi orðið
til innan Sólóklúbbsins, þó hann
sé ekki stefnumótaklúbbur frek-
ar en Parísarklúbburinn. „Auð-
vitað gerist það. það er bara
eðlilegt og skemmtilegt þegar
fólk kynnist í svona venjulegu
umhverfi en ekki ölvað á djamm-
inu,“ segir hann.
Bæði París og Sóló bjóða upp
á fjölda skemmtilegra viðburða í
viku hverri, auk þess sem félögin
starfrækja lokaðar heimasíður
þar sem fólk getur leitað eftir
félaga til gera ýmislegt með, til
að mynda að sækja ákveðnar
leiksýningar sem það langar til
að sjá.
Kynjahlutföll eru körlum í óhag
í báðum félögum en Stefán segir
karlana þó vera hlutfallslega
virkari. „Þó karlmenn skipi ekki
nema um þrjátíu prósent hóps-
ins eru hlutföllin örugglega nær
40/60 þegar horft er til viðbragð-
anna því þeir eru svo duglegir að
taka þátt,“ segir hann. - trs
KYNLÍF: TAKTU ÞÁTT!
Sendu Siggu Dögg póst og
segðu henni frá vandamáli
úr bólinu. Lausnin gæti
birst í Fréttablaðinu.
kynlif@frettabladid.is
VINSKAPUR EINHLEYPRA
VINÁTTA Klúbbarnir Sóló og París eru til þess fallnir að veita einhleypum félagsskap
til að gera ýmislegt sem pör gera yfirleitt saman. NORDICPHOTOS/AFP
Þótt skilgreint hlutverk bæði Sóló
og París sé ekki að leiða fólk
saman í rómantískum tilgangi eru
þó feikimargar síður til á netinu
sem freista þess að gera einmitt
það. Síður eins og einkamal.is hafa
verið vinsælar í lengri tíma og með
tilkomu Facebook hefur ástarleitin
aldrei verið fjölbreyttari. „Mér er
mikið í mun um að eyða þessari
spéhræðslu varðandi það að vera
meðlimur inni á svona síðu. Þetta
er bara venjulegt fólk sem langar að
kynnast fólki en nennir ekki endi-
lega að vera hangandi niðri miðbæ
til að hitta einhvern og ekki bankar
þetta upp á hjá manni,“ segir Drífa
Björk Kristjánsdóttir sem stofnaði
síðuna Síða fyrir einhleypa á
Facebook fyrir tveimur árum. Fjölda
annarra síðna í svipuðum dúr er að
finna á Facebook og má þar meðal
annars nefna Einhleypur Einhleyp,
Ferðavinir einhleypra, Félagsvist
fyrir einhleypa og Einhleypir þrítugir
og yngri. Ekki má svo gleyma hinni
frægu síðu Taggalicious.
Því er óhætt að segja að netið
bjóði upp á hafsjó möguleika til að
finna sér lífsförunaut, hvort sem er
með vinskap í huga eða eitthvað
meira en það.
EINNIG HÆGT AÐ FINNA ÁSTINA Á NETINU
KYNLÍF Alþjóðlegi getnaðarvarn-
ardagurinn var síðasta miðviku-
dag. Ég tók honum fagnandi. Ég fór
snemma á fætur, fékk mér staðgóð-
an morgunmat og fyllti svo alla vasa
af smokkum og lagði af stað út í fal-
legan daginn. Þetta er reyndar eitt-
hvað sem ég geri á hverjum morgni
því ég er smokkakonan. Þú last þetta
rétt. Ég geng borgina endilanga
með úttroðna vasa af smokkum frá
Durex og rétti gestum og gangandi.
Og það alveg ókeypis. Sumum kann
að þykja ég skrýtin en það er nú ekki
ný upplifun fyrir mér. Ég hef stærri
hnöppum að hneppa en að velta mér
upp úr áliti annarra. Ég er að breiða
út fagnaðarerindið sem smokkar
eru. Smokkar eru okkar eina vörn
gegn kynsjúkdómum og getnaði. Í
landi þar sem kunningsskapur stýr-
ir líkindum á notkun verja og næst-
um „allir“ hafa verið með „öllum“ þá
er erindi mitt mjög mikilvægt. Við
státum af alls kyns óeftirsóknar-
verðum kynlífsmetum, eins og meti
í smiti kynsjúkdóma, slakri smokka-
notkun og fjölda bólfélaga. Ég tel
það því vera skyldu mína að auka
sýnileika smokka og aðgengi þeirra.
Ég játa þó að til er Hr. Smokk-
ur og þaðan fékk ég hugmyndina.
Mechai Viravaidya er taílenskur
snillingur sem tók það að sér
smokkavæða samlanda sína. Hann
vissi að til þess að hækka mennt-
unarstigið og koma Taílandi upp úr
fátækt þá yrði fjölskyldustærðin að
minnka. Það gekk heldur ekki að for-
eldrar létust frá börnum sínum úr
kynsjúkdómum. Hann tók til sinna
ráða og kynfræddi og smokkavæddi
landann. Þetta tókst svona glimrandi
vel, fjölskyldustærð minnkaði og
það dró markvisst úr kynsjúkdóm-
um. Hann gerði eitt sem var sér-
staklega sniðugt og það var að láta
alla strætisvagnabílstjóra og lög-
reglumenn ganga með smokka á sér
til gjaldfrjálsrar dreifingar. En frá-
bær hugmynd!
Ekki hætta lestri hér og fletta
blaðsíðunni, bíddu aðeins. Þú held-
ur kannski að dreifing á smokkum
hvetji til kynlífs eða leiði til þess að
börn taki þeim ekki eins alvarlega
og þau ættu. En það hafa engar rann-
sóknir sýnt fram á að kynfræðsla
auki líkur á að börn stundi kynlíf,
heldur hið gagnstæða. Kynfræðsla
seinkar kynlífi og gerir kynhegð-
un ábyrgari og eykur líkur á notk-
un verja þegar það hefst. Þá hafa
Ástralir verið ákafir talsmenn þess
að kynna smokkinn snemma fyrir
börnum til að venja þau við hann og
draga úr feimni og ótta. Smokkur er
eitthvað sem ætti að vera til á öllum
heimilum þar sem er barn á kyn-
þroskaaldri. Stór krukka uppi í hillu
inni á baði sem heimilismenn geta
gengið í að vild. Á hana er svo reglu-
lega fyllt svo ekki sé verið að fylgj-
ast markvisst með notkun og draga
(rangar) ályktanir um kynhegðun
viðkomandi. Þegar við mætumst á
förnum vegi, þiggðu smokkinn og
notaðu hann.
Smokkakonan biðlar til þín
TAKTU VIÐ SMOKKNUM Smokkar eru eina vörnin gegn kynsjúkdómum. Þiggðu einn
slíkan frá Siggu Dögg næst þegar þú mætir henni á förnum vegi. NORDICPHOTOS/GETTY
TÍSKA Keija Minor er nýr ritstjóri
tímaritsins Brides og er þar með
fyrsti ritstjóri útgáfufyrirtækisins
Conde Nast af afrískum uppruna.
Conde Nast gefur út tímarit á borð
við Vogue, W, GQ, Vanity Fair, The
New Yorker og WWD ásamt því
að halda úti vefsíðunni Style.com.
Minor hefur einnig starfað sem
ritstjóri Gotham Magazine og Los
Angeles Confidential.
Af afrískum uppruna
NÝ
KILJA
SÓLAR
í sólarhring!
H fst á ánudagi kl. 12: !e m nn 00
KANARÍ OG TENERIFE
Á FRÁBÆRU VERÐI!
SPENNT Keija Minor tekur við sem rit-
stýra Brides. NORDICPHOTOS/GETTY
Þar sem það er
skilyrði að fólk sé
einhleypt til að vera í félaginu
er það auðvitað þess eðlis að
fólk kemur og fer
STEFÁN H. JÓHANNESSON
MEÐLIMUR SÓLÓ
SINNUM hefur Kanye West sýnt fatalínu sína á tísku-
vikunni í París en eftir blendnar móttökur tískuspekinga
og viðskiptavina virðist West hafa gefið þennan draum
upp á bátinn og sýnir ekki nýja fatalínu í ár.
2