Fréttablaðið - 29.09.2012, Blaðsíða 43

KYNNING − AUGLÝSING Ferðir29. SEPTEMBER 2012 LAUGARDAGUR 5
NORWEGIAN
FLÝGUR TIL NEW YORK
Norska flugfélagið Norwegian,
sem flýgur meðal annars til
Íslands, tilkynnti í vikunni að
félagið myndi hefja flug til New
York næsta vor. Fargjaldaverði
verður haldið í lágmarki en
ódýrustu sæti verða á 2.000
norskar krónur (Um 42 þúsund
íslenskar) báðar leiðir.
Áhugi Norðmanna á Banda-
ríkjunum hefur aukist mikið og
er það ekki síst sá áhugi sem
varð til þess að Norwegian sótti
um leyfi til Bandaríkjaflugs.
Félagið hef fengið pláss á John
F. Kennedy-flugvellinum í New
York. Áhugi er fyrir að fljúga til
fleiri borga ef vel gengur með
New York-flugið. Sala á miðum
hefst núna í haust. Flugfélagið
SAS flýgur einnig til New York. Þá
hefur Norwegian sótt um leyfi til
að fljúga til Bangkok í Taílandi.
SÍMAR ERU VINSÆLIR HJÁ ÞJÓFUM
Það er aldrei of varlega farið á ferðalögum. Vasaþjófar eru um allt og nota hinar ýmsu aðferðir til að
nálgast þínar eigur. Sumir ganga upp að ferðamanni, hella yfir hann „óvart“ en bjóðast síðan
til að þrífa eftir sig. Um leið er þjófurinn að tæma vasa. Önnur vinsæl þjófaleið er þegar
nokkrir eru saman og sýna einhvers konar atriði og beina þannig athygli ferða-
manns frá þjófnum sem nýtir sér tækifærið. GSM-símar eru mjög vinsælir hjá
þjófum. Símaþjófnaður jókst um 43% í löndum Evrópu á síðasta ári. Ekki
er ráðlagt að leggja síma eða myndavél frá sér á borð þegar matar er
neytt á veitingahúsi. Ekki hengja veski á stólbak þegar sest er
að snæðingi. Betra er að hafa beltistösku. Ekki hafa mikla
peninga á þér í skoðunarferðum. Ekki borga lítilræði
með stórum seðlum. Taktu ljósrit af passanum áður en
haldið er í ferðalag.
SKOÐAÐU HEIMINN Í
ÞRÍVÍDD
Fyrirtækið Google er þekkt
fyrir nýjungar á sviði tækni.
Fyrir nokkrum árum hóf það
þróun á aðferð við að taka
myndir af svæðum á nýstár-
legan máta. Tæknin kallast
Google Street View og gerir
fólki kleift að ferðast um götur
og stræti í tölvunni heima hjá
sér eða í snjallsímanum sínum.
Með nokkrum smellum getur
notandinn ferðast um götur
Lundúnaborgar líkt og hann
sjálfur gangi þar um eða virt
fyrir sér fagra náttúru sviss-
nesku Alpanna. Aðferðin við að
taka myndirnar er háþróuð og
betrumbætt af sérfræðingum
Google. Allt að 15 myndavélum
sem taka myndir í 360 gráður er
komið fyrir í litlu mastri sem fest
er á farartæki. Myndavélarnar
eru svo tengdar lítilli tölvu, GPS-
tæki og þrívíddargeisla sem
mælir fjarlægðir. Farartækið er
ýmist bíll, hjól, bátur, handkeyrð
kerra eða snjósleði. Myndunum
er svo rennt í gegnum sér forrit
og settar á netið þannig að fólk
um allan heim geti notið þeirra.
ÍS
L
E
N
S
K
A
S
IA
.I
S
I
C
E
5
93
51
0
4/
12