Fréttatíminn - 21.04.2011, Blaðsíða 10

Áskriftarsjóður
ríkisverðbréfa
Góður ávöxtunarkostur – einnig í áskrift
*Árleg nafnávöxtun frá 15.01.2001 til 31.03.2011. Ávöxtun í fortíð er ekki
ávísun á ávöxtun í framtíð.
Áskriftarsjóður ríkisverðbréfa er verðbréfasjóður skv. lögum nr. 30/2003
um verðbréfasjóði og fjárfestingarsjóði. Rekstrarfélag verðbréfasjóða ÍV
hf. er rekstrarfélag sjóðsins. Útboðslýsingu og nánari upplýsingar er hægt
að nálgast á heimasíðu www.iv.is. Fjárfestar eru hvattir til að kynna sér
útboðslýsingu sjóðsins og þá sérstaklega umfjöllun um áhættuþætti.
Við öflum fyrir þig
10,3%
100% RÍKISTRYGGING
ÁRLEG NAFNÁVÖXTUN*
Strandgata 3 600 Akureyri I Sigtún 42 105 Reykjavík
Sími: 460 4700 I www.iv.is I iv@iv.is
Hafðu samband við
ráðgjafa okkar í
síma 460 4700 eða
kynntu þér málið
á www.iv.is
Öflugur greiðendavefur með hagnýtum
upplýsingum s.s.
• Yfirlit mála
• Samkomulög
• Greiðslur með korti
• Góð ráð og margt fleira
Þjónustuver 440 7700
www.ekkigeraekkineitt.is
Hug­
mynd
Hrings­
kvenna
um
söfnun
til upp­
bygging­
arinnar.
 Kópavogshæli heimsóKn hringsKvenna
Glittir í gamlan virðuleika
þrátt fyrir niðurníðsluna
D yrum Kópavogshælisins gamla var lokið upp í fyrsta sinn í nokkur ár síðastliðinn föstudag. Hið merka
hús, sem Guðjón Samúelsson teiknaði á
sínum tíma, hefur verið í niðurníðslu árum
og áratugum saman og plötur fyrir dyrum
og gluggum. Hringskonur stóðu fyrir bygg-
ingu hælisins en það var tekið í notkun
1925-26. Hringurinn gaf ríkinu húsið á
sjöunda áratug liðinnar aldar en það er nú í
eigu Kópavogsbæjar. Stjórn Hringsins vildi
skoða ástand hússins en það er loks komið
í friðunarferli, eins og fram hefur komið í
Fréttatímanum.
Í blaðinu hefur enn fremur verið sagt frá
áhuga og tillögum nokkurra arkitektastofa
og Þorleifs Friðrikssonar sagnfræðings
á að gera Kópavogshælið og gamla Kópa-
vogsbæinn að miðstöð safna á Kópavogs-
túni. Þorleifur var í fylgd Hringskvenna og
starfsmanna Kópavogsbæjar þegar ástand
hússins var skoðað. Þar var og tíðindamað-
ur Fréttatímans. Húsið er augljóslega illa
farið og þarfnast mikillar endurnýjunar.
Forn glæsileiki sést engu að síður þegar
grannt er skoðað, marmarastigi milli hæða
og vistarverur sem mega muna sinn fífil
fegri.
Þorleifur segir að afstaða Kópavogsbæjar,
bæjarstjórnar jafnt sem embættismanna, til
uppbyggingar sé jákvæð. Það sé vilji fyrir
því að opna safnasvæði þótt engar ákvarð-
anir hafi verið teknar. Þótt talsvert muni
kosta að gera húsið endanlega upp sé það
mat starfsmanna Kópavogsbæjar að ekki
sé mjög dýrt að ganga þannig frá húsinu
að það liggi ekki lengur undir skemmdum,
setja á rafmagn og hita það upp.
Sagnfræðingurinn segir raunar að for-
maður stjórnar Hringsins hafi orðað hug-
mynd um að efna mætti til söfnunar meðal
Kópavogsbúa til endurreisnarinnar, enda
Hringskonur vanar sjálfboðastarfi og söfn-
unum. Með þeim hætti mætti leggja til fé til
þess að gera þetta merka hús upp, án þess
að bíða eftir framlagi frá bænum. Þorleifur
nefnir einnig þá hugmynd að Hringskonur
fái aðstöðu í húsinu, þegar þar að kemur,
svo þær geti betur sinnt sínu stórmerka
starfi. Hið sama gæti gilt um aðstöðu fyrir
fleiri félagasamtök, verði safnasvæðið á
Kópavogstúni að veruleika.
Jónas Haraldsson
jonas@frettatiminn.is
Fyrsta skoðunarferðin í húsið í mörg ár. Afstaða Kópa­
vogs bæjar jákvæð til uppbyggingar og hugsanlegs
safnasvæðis.
Þrátt fyrir niðurníðslu glittir í fornan virðuleika
hússins, m.a. marmarastigann. Ljósmynd/jh
Æðruleysismessa í
Stöðvarfjarðarkirkju
Fjölmennt hefur verið undanfarin ár í
Stöðvarfjarðarkirkju á föstudaginn langa.
Þar fer þá fram æðruleysismessa með yfir­
skriftinni „Æðruleysi til vonar“ í samstarfi
við AA­fólk og velunnara á Austfjörðum,
að því er fram kemur í
tilkynningu Gunnlaugs
Stefánssonar, sóknar­
prests í Heydölum.
Áhersla er lögð á
fjölbreytta tónlist
sem kirkjukórinn leiðir
undir stjórn Daníels
Arasonar og í messunni
núna mun kvintett úr Tón­
listarskóla Eskifjarðar og Reyðarfjarðar
auðga tónlistarflutninginn. Fluttir verða
vitnisburðir af reynslu úr lífinu og sr. Jóna
Kristín Þorvaldsdóttir flytur hugleiðingu.
AA­félagar bjóða í hressingu í safnaðar­
heimilinu eftir messu og efnt verður til
samskota. Messan verður í Stöðvarfjarðar­
kirkju á föstudaginn langa, 22. apríl, kl. 15.
Allir eru hjartanlega velkomnir. ­jh
Málstofa um
erfðatækni
Samtök íslenskra líftæknifyrirtækja og
Samtök iðnaðarins efna til málstofu um
erfðatækni, notagildi og möguleika til
atvinnusköpunar næstkomandi miðviku­
dag, 27. apríl. Guðmundur Eggertsson,
Háskóla Íslands, flytur erindi um upphaf
erfðatækninnar. Plöntukynbætur í fortíð,
nútíð og framtíð heitir erindi Áslaugar
Helgadóttur, Landbúnaðarháskóla Íslands.
Helga M. Pálsdóttir frá Matvælastofnun
fjallar um erfðatækni í lyfjaframleiðslu og
Ólafur S. Andrésson, Háskóla Íslands, um
erfðatækni sem rannsóknartæki. Þá fjallar
Arnar Pálsson, Háskóla Íslands, um erfða­
tækni og umhverfi. Að loknum fyrirlestrum
verða pallborðsumræður. Málstofan
verður haldin á Grand Hótel Reykjavík og
stendur frá klukkan 9 til 12. Fundurinn er
opinn og aðgangur ókeypis. ­jh
 alþingi Tillaga um að Draga esB-aðilDarumsóKn Til BaKa
Sofnuð í nefnd og ekkert grillir í hana
Hélt að tillagan kæmist í umræðuna, segir fyrsti flutningsmaður hennar, Unnur Brá Konráðsdóttir.
Jónas
Haraldsson
jonas@
frettatiminn.is
„Málið bíður bara eftir að komast á dag-
skrá,“ segir Unnur Brá Konráðsdóttir,
þingmaður Sjálfstæðisflokksins, um
tillögu til þingsályktunar um að draga
til baka umsókn Íslands að Evrópusam-
bandinu. Meðflutningsmenn Unnar Brár
eru Ásmundur Einar Daðason, þingmað-
ur utan flokka, og Gunnar Bragi Sveins-
son, þingmaður Framsóknarflokksins.
„Ég veit ekki hvort tillagan kemst á
dagskrá á þessu þingi,“ segir Unnur
Brá. „Flestar tillögur stjórnarand-
stöðuþingmanna fara í nefnd og sofna
þar. Þessi er hins vegar annars eðlis en
margar svo maður hélt að hún kæmist í
umræðuna, en það hefur ekkert grillt í
hana.“
Í greinargerð er m.a. vísað til þess að
einhugur sé ekki í ríkisstjórninni um
það hvort hagsmunum þjóðarinnar sé
betur borgið innan eða utan Evrópusam-
bandsins. Stjórnvöld hefðu þurft að hafa
skýrt umboð til þess að fara af stað í
aðildarviðræður. Hyggilegast hefði verið
að þjóðaratkvæðagreiðsla hefði farið
fram um hvort sækja skyldi um aðild.
Tillaga þess efnis var felld í þinginu en
þegar Alþingi ályktaði í júlí 2009 að fela
ríkisstjórninni að leggja inn umsókn
um aðild að Evrópusambandinu féllu
atkvæði þannig að 33 þingmenn sögðu
já en 28 nei.
Flutningsmenn segja að breið pólitísk
samstaða sé ekki að baki umsókninni
og áhugi sé lítill hjá ráðamönnum
þjóðarinnar að axla ábyrgð á aðildarum-
sókninni. Ráðherrar hafi ítrekað vísað
ábyrgð á málinu á Alþingi og sagt að það
hafi valdið til að stöðva umsóknina.
Unnur Brá
Konráðs­
dóttir
alþingis­
maður.
Breið pólitísk samstaða
ekki að baki umsókninni.
10 fréttir Helgin 21.­24. apríl 2011