Dagfari - 01.11.2006, Blaðsíða 33

legar. Fyrir þær ber að refsa.“ í stjórnarskrá Austur
Tímor segir svo: „Lýðveldið Austur Tímor mun halda
uppi friðsamlegum samskiptum og samvinnu við allar
aðrar þjóðir, stefna að friðsamlegri lausn deilumála,
almennri, jafnri og skipulegri afvopnun, nýrri
sameiginlegri skipan öryggismála og nýrri alþjóðlegri
efnahagsskipan sem geti tryggt frið og réttlæti í sam-
skiptum þjóða.“
Tvö ríki hafa það hins vegar í stjórnarskrá sinni að
ekki skuli stofnaður her í landinu, Costa Rica og
Japan. í stjórnarskrá Costa Rica er lagt bann við „her
sem varanlegri stofnun“. í japönsku stjórnarskránni
segir beinlínis: „... mun aldrei verða komið á fót land-,
sjó- eða flugher né öðrum vígbúnaði. Réttur ríkisins til
hernaðar mun aldrei verða viðurkenndur."
Vissulega hafa ráðamenn sumsstaóar haft laga á að
fara kringum þessi ákvæði, eins og sjá má af þátttöku
Þýskalands í innrás í Júgóslavíu 1999 og Japans í
hernámi íraks, en þó teljum við þessi ákvæði ekki
þýðingarlaus.
Þegar Dagfari fór í prentun lá enn ekki fyrir
niðurstaða Stjórnarskrárnefndarinnar. Ekki er
sérstök ástæða til bjartsýni, enda virðast fulltrúar
meirihluta nefndarinnar telja það forgangsatriði að
endurskoða ákvæði um málskotsrétt forseta en láta
önnur atriði sitja á hakanum. Þá tiltók varaformaður
nefndarinnar, Þorsteinn Pálsson, tillögur SHA
sérstaklega í umræðum á málþinginu sem dæmi um
breytingar sem honum væri ekki að skapi.
Sérstaklega taldi hann það íþyngjandi fyrir
framkvæmdavaldið ef sett væru ákvæði sem bönnuðu
ríkisstjórn að lýsa yfir stríði á hendur öðrum ríkjum.
Barátta herstöðvaandstæðinga fyrir endurskoðun
stjórnarskrárinnar heldur þó áfram.
- Stefán Pálsson