Fréttatíminn - 12.10.2012, Page 70

Fljótsdalshreppur
Laugarfellsskáli
Hé
rað
sp
ren
t
Sveitarstjórn Fljótsdalshrepps auglýsir Laugarfellsskála
til leigu fyrir rekstur ferðaþjónustu frá og með 01.01. 2013.
Laugarfellsskáli er staðsettur við Laugarfell á Fljótsdalsheiði. Skálinn er á 2 hæðum með
gistirými á efri hæð fyrir allt að 40 manns, í 8 minni herbergjum og 2 stærri. Á efri hæð er
einnig aðstaða fyrir skálavörð, ræstirými og snyrtingar. Á neðri hæð skálans er anddyri,
eldhús, notaleg 50 manna borðstofa með kamínu, snyrtingar og sturtuaðstaða sem einnig
er ætluð laugargestum. Rafmagn er í skálanum og er hann hitaður upp með heitu vatni úr
borholu. Tvær heitar náttúrulaugar eru við skálann. Umhverfi skálans er frágengið með
hellulögnum og hlöðnum steinveggjum.
Skálinn er vel staðsettur með tilliti til ferða að Snæfelli, í Vatnajökulsþjóðgarð, að
Kárahnjúkastíflu og gönguleiðum niður í Fljótsdal og suður í Lón, svo eitthvað sé nefnt.
Fagrir fossar eru í Laugará og víðsýnt af Laugarfelli. Aðkoma að skálanum er um
Kárahnjúkaveg sem lagður er bundnu slitlagi. Af Kárahnjúkaveg er um 2 km malarvegur að
skálanum, farið er yfir Laugará á steyptri brú. Vegurinn er vel fær öllum bifreiðum á sumrin,
en er ekki haldið opnum á vetrum.
Áhugasamir skili inn skriflegri umsókn með hugmynd að leigugjaldi á ársgrundvelli,
ásamt áætlun um rekstur skálans, til Fljótsdalshrepps, Végarði, 701 Egilsstaðir,
merkt Laugarfellsskáli. Umsóknarfrestur er til 30.10. 2012.
Rekstraraðili skal gera ráð fyrir að greiða allan kostnað við rekstur hússins og afla þeirra
leyfa sem með þarf. Öllum umsóknum verður svarað. Áskilinn er réttur til að ganga til
samninga við hvaða umsækjanda sem er, eða hafna öllum.
Nánari upplýsingar veitir oddviti í síma 471 1810 eða gsm 847 0116.
 Leikhús NemeNdaLeikhúsið frumsýNir í kvöLd verkið Tímaskekkju
v ið erum föst í löngu úreltri hugmyndafræði um kynin,“ segir Thelma Marín, ein út-
skriftarnema leiklistardeildar Listahá-
skóla Íslands, en hún og bekkjar-
félagar hennar frumsýna frumsamið
verk í Nemendaleikhúsinu í kvöld.
Verkið kallast Tímaskekkja og fjallar
um samskipti kynjanna. Það er ókeyp-
is inn en áhugasamir panta miða með
því að senda ímeil á leikhus@lhi.is.
„Verkið er hugleiðing um samskipti
og sambönd kynjanna og er unnið
með svokallaðri Devised-tækni,“ segir
Hildur Berglind en „devised“ er aðferð
sem hefur verið í tísku síðustu ár. Þá
semja leikarar eða þátttakendur sjálfir
verkið og vinna oft mikla rannsóknar-
vinnu sem nýtist í spuna og er að
lokum raðað saman í eina heild.
Frumsamið verk um samskipti kynjanna
„Rannsóknar-
vinnan okkar hófst
á því að við skoð-
uðum hvernig kynin birtast
í samfélaginu og hvernig
afþreyingarefni er mótað.
Það var síðan tilviljun ein
sem réði því að verkið varð
á léttu nótunum,“ segir
Elma Stefanía og bekkjar-
bróðir hennar, Oddur
Júlíusson, bætir við að
vinnan hafi ekki einskorð-
ast við fjölmiðla, alls ekki,
heldur hafi hópurinn lagt
til persónulega reynslu og
hugmyndir sínar um
kynin og samskipti
þeirra þegar verkið
var samið: „Þetta
er að því leyti mjög
persónulegt verk.
Við gáfum mikið af
okkur sjálfum í það.”
Hópurinn sammælist um
að þau hafi sjálf lært mikið
af ferlinu, bæði um sig sjálf
og samfélagið: „Það var
einnig mjög áhugavert að
skoða og greina eigin for-
dóma út frá viðfangsefn-
inu,“ segir Þór Birgisson og
hópurinn allur kinkar kolli
honum til samþykkis. Það
kom þeim á óvart hversu
rótgrónar hugmyndirnar
um hlutverk kynjanna séu í
þeirra eigin lífi.
„Verkefnið hefur
kennt okkur öllum að
vera mun meira með-
vituð um reglur sam-
félagsins,“ segir Haf-
dís Helga og bætir
við að síðustu vikur
hafi verið mjög upplýsandi.
Arnmundur Backman
bætir við: „Hugmyndirnar
um það annars vegar hvað
karlar vilja og svo hvað
konur vilja eru mjög breyti-
legar í raunveruleikanum
en samt er fjölbreytileikan-
um gefið svo lítið svigrúm
í umræðunni.“ Thelma
Marín tekur í sama streng:
„Við erum mjög hlekkjuð í
viðjum vanans og það
er áhugavert að velta
því fyrir sér.“
Tímaskekkja er
sýnd í húsakynnum
Listaháskólans að
Sölvhólsgötu 13, í
Smiðjunni, kjallara
skólans.
Útskriftarbekkur
leiklistardeildar
Listaháskóla Íslands
hefur samið verk um
samskipti kynjanna.
Verkið heitir Tíma-
skekkja og að sögn
nemendanna er
það í léttum dúr en
þeir þurftu engu að
síður að yfirstíga
eigin kynjafordóma
við vinnslu verksins.
Þessar stjörnur
framtíðar settust
niður og útskýrðu
verkið.
Nafn: Arnar Dan,
Aldur: 24
Hvaðan: Setberg, Hafnarfjörður
Draumahlutverk: Einhver sjúkleg
dönsk stórmynd
Nafn: Arnmundur Ernst
Aldur: 23
Hvaðan: Úr Vesturbænum
Draumahlutverk:
Heimavinnandi húsfaðir
Nafn: Oddur Júlíusson
Aldur: 23
Hvaðan: Vesturbærinn
Draumahlutverk: Minn eigin
herra
Nafn: Elma Stefanía
Aldur: 26
Hvaðan: Ólst upp á Hvolsvelli en
búsett í Reykjavík
Draumahlutverk: Nína í Mávinum
Nafn: Hafdís Helga
Aldur: 22
Hvaðan: Alin upp í Kópavogi
Draumahlutverk: Ronja
ræningjadóttir
Nafn: Thelma Marín
Aldur: 25
Hvaðan: Reykjavík
Draumahlutverk: Að vera
listakona allt til dauðadags
Nafn: Salóme Rannveig
Aldur: 24
Hvaðan: Reykjavík
Draumahlutverk:
Batman
Nafn: Þorleifur Einarsson
Aldur: 23
Hvaðan: Uppalinn í Breiðholti
Draumahlutverk: Mikki Refur,
allt frá 2ja ára aldri.
Nafn: Þór Birgisson
Aldur: 24
Hvaðan: Akranesi
Draumahlutverk: Hamlet
Nafn: Hildur Berglind
Aldur: 23
Hvaðan: Hafnarfjörður
Draumahlutverk: Karólína eða
Dollý úr Djöflaeyjunni.
58 menning Helgin 12.-14. október 2012