Bændablaðið - 20.06.2013, Blaðsíða 4

Bændablaðið | Fimmtudagur 20. júní 20134
Fréttir
Kadmíummengun í áburði
frá Skeljungi á nýjan leik
Ein af bæjarhátíðum á Vest-
fjörðum er Dýrafjarðardagar,
sem eru orðnir fastur liður fyrstu
helgina í júlí ár hvert. Reiknað er
með sól og blíðu eins og venjulega
og er búist við fjölmenni á svæðið.
Að þessu sinni ætla bændur
á norðanverðum Vestfjörðum að
kynna starfsemi sína á hátíðinni
og hefur Búnaðarfélagið Bjarmi í
Ísafjarðarbæ veg og vanda að því.
Vonandi getum við greint nánar
frá viðburðum Dýrafjarðardaga og
bændadeginum í Bændablaðinu
sem kemur út hinn 4. júlí
næstkomandi.
Fóðurblandan hefur verið í
fararbroddi á undanförnum
árum við kaup á korni af
bændum innanlands og verður
líklega enn meira keypt í ár ef
uppskeran verður viðunandi.
Bændur hafa verið að auka
ræktun hér heima og eru byrjaðir
að rækta repju og nú hefur
Fóðurblandan byrjað á að kaupa
repjufræ af bændum.
Þeir sem eiga og vilja selja
repju fræ eru beðnir um að hafa
samband við Fóðurblönduna í
síma 570-9800 til þess að fá nánari
upplýsingar.
Fóðurblandan kaupir
repjufræ af bændum
Enn mikill snjór á Leirdalsheiði og Fjörðum:
Búið að opna afréttarlönd en beit
er enn af skornum skammti
Bændur í Grýtubakkahreppi eru
farnir að hugsa sér til hreyfings
með fé sitt á afrétt en enn eru
snjóalög á svæðinu í Fjörðum og
á Leirdalsheiði með ólíkindum
mikil. Liðinn vetur var svo sem
mönnum er enn í fersku minni
óvenju harður og gríðarmikil
snjókoma einkenndi nánast allan
veturinn, frá hausti og fram á vor.
Gamall harður snjór lengi
að þiðna
Afréttarlönd voru að sögn Ástu F.
Flosadóttur, formanns landbúnaðar-
nefndar Grýtubakkahrepps og bónda
í Höfða, enn snjóþung en þó er búið
að opna þau, það var gert 12. júní
síðastliðinn. Það er svipaður tími
og undanfarin ár, en oft hafa þau
verið opnuð í kringum 10. júní eða
fyrr. Enn hefur fé ekki verið rekið
á afréttinn enda segir Ásta að þar sé
mikið af snjó ennþá.
„Við ætlum að skoða aðstæður
í vikunni og jafnvel stendur til ef
aðstæður leyfa að reka þangað fé á
laugardag,“ segir hún. Hlýindi með
sunnan golu hafa verið nánast alla
daga í júní og á Ásta von á að snjó
hafi tekið upp í töluverðum mæli.
„En þetta er gamall snjór og mikið
harðfenni, þannig að hann tekur ekki
svo ýkja hratt upp, hann er lengi að
þiðna.“
Mikinn mannskap þarf í
fjárrekstur
Bændur í Höfða hugðust reka fé í
afrétt síðastliðinn laugardag en hættu
þá við þar sem vart var stingandi strá
að sjá svo langt sem augað eygði og
skaflar upp á tvo metra víðast hvar.
„Það er auðvitað ekki hægt að
reka fé á fjall þegar aðstæður eru
með þeim hætti,“ segir hún. Þá nefnir
Ásta að Leirdalsheiðin sé nokkur
farartálmi, hún er um 400 metra há
og á henni allmikill snjór. Snjó hefur
hins vegar tekið upp þegar kemur
niður að sjó og þar er prýðileg beit.
„En heiðin er flöskuháls, erfitt
að komast yfir hana með 400 kinda
hóp,“ segir hún og gerir ráð fyrir að
mikinn mannskap þurfi í reksturinn
sem fyrirhugaður er um komandi
helgi. /MÞÞ
Uppi á Leirdalsheiði er enn allmikill snjór, eins og sést á þessari mynd sem tekin er við gangnamannakofann á Gili.
Kamarinn á Gili.
Horft af Stórafjalli niður í Hvalvatnsfjörð þegar tæp vika var liðin af júnímánuði.
Fjárbrúin á Gili.
Kristinn Guðnason, formaður Félags hrossabænda:
Vill fækka hrossum
um helming
Kristinn Guðnason, formaður
Félags hrossabænda og formaður
fagráðs íslenska hestsins, segir
að allt of mikið sé af hrossum í
landinu og vill fækka þeim um
helming, úr 80 þúsund niður í 40
þúsund.
„Hestamenn og þar á meðal ég
eru allt of lélegir að afsetja hross.
Það er eflaust mörgu um að kenna
en við þurfum að taka okkur á í
þessum efnum,
skoða hrossin
í stóðinu og
velja hvað á
að fá að lifa og
hvað ekki. Við
höfum ekkert
að gera með öll
þessi hross,“
sagði Kristinn.
/MHHKristinn Guðnason
Dýrafjarðardagar verða haldnir fyrstu helgina í júlí:
Kynning á landbúnaði á
norðanverðum Vestfjörðum
Yfir helmingur þeirra áburðar-
tegunda sem Skeljungur bauð
bændum til sölu í vor reyndist
með of háu kadmíuminnihaldi.
Alls var kadmíuminnihald fosfórs
áburðar ins of hátt í 13 tegundum af
22 sem til boða stóðu. Samkvæmt
reglugerð eru leyfileg efri mörk 50
mg kadmíums í kg fosfórs en gildi
tegundanna þrettán var á bilinu 53
til 111 mg/kg P.
Þetta varð ljóst með niðurstöðum
efnagreininga Matvælastofnunar sem
bárust 11. júní síðastliðinn. Skeljungi
var tilkynnt um niðurstöðurnar
samdægurs og hefur fyrirtækið
upplýst kaupendur áburðarins um
niðurstöðurnar. Gera má ráð fyrir að
bændur séu búnir að bera megnið af
áburðinum á tún sín, en um ellefu
þúsund tonn af áburði með of háu
kadmíum innihaldi var seldur í
vor. Rétt er að geta þess notkun
áburðarins hefur ekki í för með sér
bráða hættu, hvorki fyrir umhverfi
né dýr. Kadmíum er þungmálmur
sem safnast upp í jarðvegi og
getur ítrekuð notkun áburðar með
háu kadmíumgildi skapað hættu á
skaðlegum áhrifum vegna upptöku
plantna á þungmálmnum.
Fyrir tveimur árum kom viðlíka
mál upp og olli miklu fjaðrafoki, ekki
síst í ljósi þess að Matvælastofnun og
Skeljungur tilkynntu bændum ekki
um niðurstöður efnagreininganna
fyrr en mörgum mánuðum eftir að
þær lágu fyrir. Niðurstaðan kom
forsvarsmönnum Skeljungs mjög
á óvart í ljósi þess að fyrirtækið
hafði fyrr á árinu fengið niðurstöður
mælinga óháðrar rannsóknarstofu
sem gáfu til kynna að kadmíummagn
fosfórs í áburðinum væri langt innan
marka. Baðst fyrirtækið afsökunar á
málinu í tilkynningu.
Sigurður Ingi Jóhannsson
landbúnaðarráðherra hefur sagt að
hann hyggist leggja fram frumvarp
á haustþingi sem muni innibera að
efnagreiningar af þessu tagi verði
gerðar fyrr og áburður sem ekki
uppfylli skilyrði komi ekki til landsins,
hvað þá að hann fari í dreifingu. /fr