Bændablaðið - 20.06.2013, Blaðsíða 14

Bændablaðið | Fimmtudagur 20. júní 201314
Grýtubakkahreppur:
Byggingarframkvæmdir í blóma
Framkvæmdir eru hafnar við
byggingu parhúss við Höfðagötu
á Grenivík, en jarðvegsskipti vegna
þeirra eru langt komnar. Íbúðirnar
eru byggðar til að koma til móts við
eftirspurn eftir húsnæði á Grenivík
og þó svo að íbúðirnar hafi enn
ekki risið er þegar búið að sækja
um búsetu í þeim.
Guðný Sverrisdóttir sveitarstjóri
segir að um fjögurra herbergja íbúðir
sé að ræða. „Íbúum hefur fjölgað
hér undanfarin misseri og það er
vissulega gleðilegt, en hér skortir
íbúðir. Hreppurinn bregst við með því
að byggja þetta parhús, en auðvitað er
það ekki óskastaða að sveitarfélagið
þurfi að standa straum af kostnaði
við íbúðarbyggingar. Staðan er svona
víðar um landið, við erum ekki eina
sveitarfélagið í landinu sem þarf að
standa í íbúðarbyggingum,“ segir
Guðný.
Markaðsverð 20-30% lægra
Hún kveðst fyllilega skilja það
að fólk veigri sér við að fara út í
byggingaframkvæmdir, ekki síst
á litlum stöðum víða um landið
þar sem markaðsverð er mun
lægra en í þéttbýlinu suður við
Faxaflóa. „Markaðsverð íbúða
á landsbyggðinni er um 20-30%
lægra en á höfuðborgarsvæðinu og
þéttbýlli stöðum og það er skiljanlegt
að fólk hugsi sig um tvisvar áður
en það ræðst í íbúðarbyggingar á
landsbyggðinni. Fólk þarf í það
minnsta að vera nokkuð visst um að
það ætli að búa í húsinu alla sína tíð,
en í okkar síbreytilega þjóðfélagi er
meiri hreyfing á fólki en áður var
og það er því ekki tilbúið að fara út
í framkvæmdir sem krefjast fjár sem
það fær svo ekki til baka,“ segir hún.
Viðbygging við lyfjaverksmiðju
Framkvæmdir eru einnig hafnar
við viðbyggingu við lyfjafyrirtækið
PharmArctica. Fyrirtækið hefur
verið starfandi á Grenivík í áratug
og er um 200 fermetra húsnæði þess
orðið of lítið, enda hefur umfang
starfseminnar vaxið undanfarin
misseri og reksturinn gengur vel.
Til stendur að reisa um 350 fermetra
viðbyggingu í sumar.
Tvö ný fjárhús
Þá segir Guðný að á tveimur jörðum
í Grýtubakkahreppi sé fyrirhugað
að reisa ný fjárhús, á Hóli og
Bárðartjörn, og hefur sveitarfélagið
samþykkt framkvæmdir fyrir sitt
leyti. „Það er hugur í fólki, sem betur
fer er hér ekki neitt atvinnuleysi og
hefur ekki verið. Við erum því mjög
bjartsýn á framtíðina,“ segir Guðný.
/MÞÞ
Viktor Karl Ævarsson, sölu-
stjóri hjá Kraft vélum, og
Eiður Steingríms son, sölustjóri
landbúnaðartækja, eru þokkalaga
ánægðir með söluna þessa dagana.
Matvæla framleiðslan, með land-
búnað og sjávarútveg í fararbroddi,
þurfi stöðugt að endurnýja sinn
búnað til að halda framleiðslunni
gangandi, þó að verktakabransinn
hafi hrunið nær algjörlega.
Vissulega hefur efnahagshrunið
líka sett strik í reikninginn hjá
bændum og útgerðarmönnum og
hægt á allri endurnýjun, en þeir
félagar eru samt bjartsýnir á að smám
saman rætist úr.
Bankakreppan leiddi til
stökkbreytingar á gengistryggðum
sem og verðtryggðum lánum. Það
hafði strax þau áhrif að sala á
nýjum dráttar vélum stöðvaðist nær
algjörlega. Í stað þess að íslenski
markaðurinn væri að taka inn um 200
og jafnvel yfir 300 nýjar dráttarvélar
á ári var hægt að telja þær á fingrum
annarar handar sem seldust 2009.
Eldri vélbúnaður hefur hins vegar
kallað á aukna viðgerðarþjónustu
og var það því orðið eitt af megin-
verkefnum Kraftvéla sem og annarra
sölufyrirtækja vinnuvéla. Smám
saman er þetta þó að breytast aftur og
er töluverð sala orðin í nýjum tækjum
og einnig notuðum vélum.
Kröfuharðir Íslendingar
Íslendingar virðast þó vera nokkuð
sér á báti í tækjavæðingunni og að
sögn þeirra félaga hefur það lítið
breyst eftir hrun. Segja þeir að
íslenskir kaupendur líti helst ekki við
dráttarvélum, vörubílum, lyfturum
eða öðrum tækjum sem framleidd
eru með stöðluðum búnaði frá
verksmiðju fyrir erlenda markaði.
Þarf því oft að sérpanta vélar og tæki
hingað til lands sem kosta mun meiri
peninga en ella. Vissulega sé þetta þó
líka spurning um þægindi.
Sem dæmi um þetta var einn
vinnuvélaframleiðandinn búinn að
setja saman nokkrar dráttarvélar fyrir
hrun sem voru með öllum búnaði
samkvæmt íslenskum kröfum. Við
hrunið sat hann uppi með vélarnar þar
sem erlendir kaupendur vildu ekki sjá
vélar með slíkum „óþarfa“ búnaði.
Lítið slakað á kröfunum
Samkvæmt upplýsingum Bænda-
blaðsins virðist þetta enn vera
gegnum gangandi viðhorf á
markaðnum hérlendis, hvað sem
veldur. Tæki sem erlendir notendur
telja full boðleg þykja einfaldlega ekki
nógu fín og vel búin fyrir íslenskan
markað. Hér vilja menn t.d. yfirleitt
stærri vélar í vörubíla og önnur tæki
en gengur og gerist, jafnvel öflugri
ljós, vandaðir hljómflutningsgræjur
og margvíslegan annan tæknibúnað
sem víða erlendis þykir hreint bruðl.
Svipað virðist uppi á teningnum
varðandi einkabíla. Flókinn
rafeindabúnaður getur t.d. kallað á
mun dýrara viðhald sem einungis
verður sinnt með aðstoð sérhæfðs
tölvubúnaðar ef eitthvað bilar. Ekki
er að sjá að þetta íslenska viðhorf
hafi mikið breyst þrátt fyrir skellinn
af hruninu. /HKr.
Dráttarvélasala aðeins farin að rétta úr kútnum:
Markaðurinn smám
saman að lifna við
Viktor Karl Ævarsson, sölustjóri hjá Kraftvélum, og Eiður Steingrímsson,
sölustjóri landbúnaðartækja, við nýjustu afurð New Holland, sem er afar
lipur skotbómulyftari. Mynd / HKr.
nýlega. Í sveitarfélaginu er næg atvinna en húsnæði skortir.
Tækjasýning í Kópavoginum
Það var mikið um að vera á sýningu
Kraftvéla og Toyota í fyrri viku. Þar
var sýnt það nýjasta sem á boðstólum
er í atvinnubílum og lyfturum
frá Toyota, trukkum frá Iveco,
margvíslegum landbúnaðartækjum
og dráttarvélum frá New Holland
og Case og ýmislegt fleira.
Eiður Steingrímsson, sölustjóri
landbúnaðartækja hjá Kraftvélum,
segir að þarna hafi m.a. verið tvær
nýjustu línur New Holland T5 og T6
dráttarvélanna. Þar er T5 með mótora
frá 95 og upp í 114 hestöfl.
„Þessar vélar eru með alveg nýrri
hönnun á húsi þar sem sérstaklega er
hugað að góðu rými fyrir ökumann
og farþega, sem hefur sérstakt
farþegasæti með öryggisbelti.
Loftkæling er staðalbúnaður.
Þessi gerð er ákjósanleg fyrir
ámoksturstæki, þar sem útsýnið úr
vélinni er með því allra besta sem
þekkist.“
Hann segir að T6-vélarnar fáist
í sjö stærðum, frá 121 og upp í
175 hestöfl. Í þeim er mjög öflugt
vökvakerfi og þægilegur gírkassi sem
geti verið sjálfskiptur eða beinskiptur,
allt eftir notkun. Þægindi ökumanns
séu því mjög mikil og allur búnaður
með því besta sem finnist.
„Case IH Farmall 115A er alveg ný
dráttarvél hér á landi, þar sem fyrst og
fremst er hugsað um einfaldleikann.
Vel búin vél með 113 hestafla mótor
kostar aðeins kr. 5.750.000 án
virðisaukaskatts. Einnig vorum við
með nokkrar gerðir af haugsugum
og taðdreifurum á sýningunni.
Allar Fellu-vélarnar voru í stærri
kantinum, rakstrarvél með 8,1 metra
vinnslubreidd og í heyþyrlum upp í
13 metra vinnslubreidd. Þá voru þrjár
stærðir af smávélum frá Weidemann
þar sem allar aðgerðarstýringar eru í
einni stöng. Þessar vélar eru auk þess
á flotmiklum hjólbörðum.“
Lyfja skerðir þjónustu við íbúa á norðausturhorninu:
Sagt aðför að öryggi íbúanna
Nýstofnuð Íbúasamtök Raufar-
hafnar harma þá ákvörðun
Lyfju að skerða þjónustu við
íbúa Raufarhafnar, Kópaskers
og nágrennis.
Íbúasamtökin segja að sú
breyting sem gerð hafi verið
skerði lífsgæði íbúa og eins og
póstþjónustu sé háttað taki einn
til tvo daga að fá afgreidd lyf, þar
sem lyfjasendingar komi gjarnan
eftir lokun lyfjaafgreiðslu. Einnig
geti skapast hættuástand þar sem
læknar geti ekki nálgast nauðsynleg
lyf í bráðatilfellum.
Aðför að öryggi íbúa
Þetta telja íbúasamtökin vera
aðför að öryggi íbúanna og
skapa öryggisleysi, ekki síst hjá
eldri borgurum. Íbúasamtök
Raufarhafnar skora á Lyfju að
endurskoða ákvörðun sína með
hagsmuni íbúa svæðisins í huga.
Afrit af áskorun íbúasamtakanna
voru send til Heilbrigðisráðuneytis,
Bæjarstjórnar Norðurþings og
Heilbrigðisstofnunar Þingeyinga,
auk þeirra aðila sem að
átaksverkefninu á Raufarhöfn
standa, það er Byggðastofnunar,
Atvinnuþróunarfélags Þingeyinga
og Háskólans á Akureyri.
Samtökunum barst svar
frá Sigurbirni Gunnarssyni,
framkvæmda stjóra Lyfju, þar
sem gerð var grein fyrir ákvörðun
félagsins, en þar kemur ekki fram
að Lyfja hugsi sér að endurskoða
fyrrnefnda ákvörðun.
Óskað eftir fundi um breytingar
Að mati íbúasamtakanna er
skerðing á þjónustu Lyfju bagaleg
fyrir íbúa Raufarhafnar, Kópaskers
og nágrenni. Til að fá frá fyrstu
hendi hvað breytingarnar þýða og
til að meta þörf á frekari aðgerðum
í málinu, þá óska íbúasamtökin
eftir fundi með framkvæmdastjóra
Heilbrigðisstofnunar Þingeyinga
og heilsugæslulækni og
hjúkrunar fræðingi á Raufarhöfn
og Kópaskeri. Einnig óska
íbúasamtökin eftir að fulltrúi
Norðurþings, bæjarstjóri og/
eða staðgengill bæjarstjóra, sitji
fundinn.
Raufarhöfn.