Bændablaðið - 20.06.2013, Blaðsíða 28

28 Bændablaðið | Fimmtudagur 20. júní 2013
Fjórðungssamband Vestfirðinga
boðar til málþings um
samgöngumál á Vestfjörðum
á morgun, föstudaginn 21.
júní. Fundurinn verður hefst í
Íþróttahúsinu á Tálknafirði kl.
13.30. Meðal frummælenda verða
Hanna Birna Kristjánsdóttir
innanríkisráðherra og Hreinn
Haraldsson vegamálastjóri.
Búist er við að auk Dýrafjarðar-
ganga muni umræðan að stórum
hluta snúast um samgöngur í
Barðastrandarsýslum. Þar ber hæst
áralangar deilur um vegagerð um
Teigsskóg í Þorskafirði. Börðust
eigendur tveggja eyðijarða gegn þeirri
vegalagningu ásamt náttúruverndar-
samtökum og höfðu betur í máli sem
fór fyrir Hæstarétt. Sveitarfélög og
íbúar vildu þá fara með málið í nýtt
umhverfismat á breyttum forsendum.
Ögmundar Jónassonar, þáverandi
innanríkisráðherra, tók þá af skarið
og ákvað þá að hverfa alfarið frá
vegalagningu um Teigsskóg og fara
svokallaða D-leið með jarðgöngum.
Nýr ráðherra ógildir ákvörðun
Ögmundar
Nú hefur nýr innanríkisráðherra,
Hanna Birna Kristjánsdóttir, snúið
við ákvörðun forvera síns og heimil-
að að fram fari nýtt umhverfismat á
Teigsskógarleið. Hún sagði í fréttum
Stöðvar 2 á þriðjudag að hún hefði
heimilað vegamálastjóra fyrir
tveim vikum að setja vegagerð um
Teigsskóg í nýtt umhverfismat. Þetta
hafi verið krafa sveitarfélaga og íbúa.
Þessi leið sé hagkvæmari en aðrar, og
því hafi verið skynsamlegt að setja
hana í það ferli strax.
Reykhólahreppur hafði áður
samþykkt að fara A-leið, sem
felur í sér þverun Þorskafjarðar úr
Reykjanesi í Skálanes. Á íbúafundi
á sínum tíma voru um 85% sammála
þeirri leið. Sveitarstjórn ítrekaði
þennan vilja sinn í bókun sem send
var ráðuneytinu sumarið 2012. Fleiri
leiðir hafa verið nefndar, eins og
jarðgöng undir Hjallaháls um leiðir
D1 og H. Einnig leið 1 með vegi út
austanverðan Þorskafjörð með þverun
við Laugaland og yfir í Hallsteinsnes.
Þarna mætti líka ná nýrri vegtengingu
út í Reykjanes og til Reykhóla.
Nýjar tillögur Kristins
Kristinn Bergsveinsson á Reykhólum er
mikill áhugamaður um að þoka þessum
málum áfram og hefur m.a. lagt fram
tillögu um nýja leið og lagningu raflínu
með fjörunni neðan Teigsskógar. Hann
hefur sent Bændablaðinu tillögur
sínar um nýja lausn á vegi neðan
Teigsskógar, sem hann telur ódýrustu
lausnina. Hefur Vegagerðin þegar
rissað upp það vegstæði. Bréf Kristins
er svohljóðandi:
„Þann 7. febrúar sl. birti
Bændablaðið samantekt mína um
sögu samgangna í Gufudalssveit
(Vestfjarðavegur 60) á seinni árum.
Í lokin segir þar m.a.:
„Heimamenn fari nú að efla sam-
stöðu sína og átta sig á því, að ekki
eru margir raunverulegir kostir í boði
varðandi veg á láglendi. Sveitarstjórn
gefi út yfirlýsingu um að ekki verði
gefið út framkvæmdaleyfi nema fylgt
sé aðalskipulagi og byrjað sé á að
þvera Þorskafjörð.“
Þá hafði ég í huga þá samstöðu
sem var um þverun Gilsfjarðar og
Gilsfjarðarnefnd. Þær vonir hafa nú
brugðist, því að sveitarstjórnir hafa í
engu sýnt þann samhug og vilja sem
þarf. Þess vegna fór ég að leggja
fyrir sveitarstjórnir tillögur þær sem
hér birtast. Bókun sveitarstjórnar
Reykhólahrepps á fundi 13. júní sýnir
afstöðu hennar.
Ég þakka vegamálastjóra og
Kristjáni Kristjánssyni forstöðumanni
hönnunardeildar Vegagerðarinnar hve
vinsamlega þeir hafa tekið eftirfarandi
tillögum mínum. Ég vona að þeim
gangi vel að vinna að lausn þessa
erfiða máls, sem allt of lengi hefur
tafið samgöngubætur.“
Tillögur að lagningu rafstrengs
„Orkubúið, Vegagerðin og Síminn
kosti sameiginlega lagningu rafmagns
í jörð frá Búlká um Hallsteinsnes,
yfir Djúpafjörð, um Grónes og yfir
Gufufjörð í raflínu á Hofstaðahlíð.
Rökin eru: Landeigendur fengju
rafmagn í sín sumarhús, núverandi og
væntanleg. Vegagerðin fengi rafmagn
í vinnubúðir á Hallsteinsnesi og
Grónesi. Notendur á Gufudalsbæjum
og í Djúpadal fá tryggara rafmagn. Ef
Hjallaháls fer út verður áfram rafmagn
um jarðstrenginn.
Ítarlegri röksemdir, ekki síst
varðandi Teigsskóg við norðanverðan
Þorskafjörð:
Með rafvæðingu og vegi skapast
möguleiki á sumarhúsabyggð og
ferðaþjónustu, jafnvel fastri búsetu
og iðnaði, ef út í það færi. Varðandi
þetta síðasttalda langar mig að rifja
upp söguna:
Á kreppuárunum upp úr 1930 settust
Jón Guðmundsson og fjölskylda hans
að í Teigsskógi og bjuggu þar í allmörg
ár. Jón virkjaði Grímkelsstaðaána
og stundaði málmsteypu og fleira.
Bústofninn var geitur. Þarna ólst
barnahópurinn upp. Barnaskólagangan
var hálfan vetur á ári til fjórtán ára
aldurs. Jón Guðmar Hauksson er
afabarn Jóns í Skóginum, eins og við
Gufsarar kölluðum Jón Guðmundsson.
Jón Guðmar er fulltrúi landeigenda í
Teigsskógi, sem eru sjö talsins.
II.
Orkubúið og Síminn leggi rafmagn í
jörð frá Skálanesi að Eyri í Kollafirði.
Rökin eru: Síðasta vetur varð
rafmagnslaust og símalaust í Kollafirði
og á Klettshálsi í ca. 10 daga vegna
bilunar á Gufudalshálsi. Oft eru þar
aðstæður þannig, að ekki verður komist
til viðgerða nema í þokkalegu veðri.
Jafnframt eru aðstæðurnar þannig, að
menn þurfa að setja sig og tæki í hættu
við ruðning á snjó af línuveginum í
flugbrattri hlíðinni, oftast í mikilli
hálku.
Forgangsmál er að sími haldist í
lagi á Klettshálsi og í eyðibyggðum
meðfram vegum á þjóðvegi 60, rétt
eins og annars staðar á landinu.
Verkin verði boðin út en Orkubúið
sjái um tengingar.
12. maí 2013.
Kristinn frá Gufudal.“
Kristinn ritaði einnig annað
bréf í maí þar sem hann brýnir
sveitarstjórnarmenn til aðgerða.
Til sveitarstjórna Reykhólahrepps,
Tálknafjarðarhrepps og
Vesturbyggðar
„Fyrir um tveimur árum sendu
allir íbúar í Gufudalssveit ásamt
skólabílstjóra og landpósti áskorun
til Alþingis um að þegar yrði farið
í að gera veg yfir Þorskafjörð
milli Kinnarstaða og Þórisstaða.
Áskorunin var studd um 300
undirskriftum og þar á meðal
var fjöldi fólks í Dalabyggð.
Undirskriftalistana ásamt meðal
annars niðurstöðum dr. Agnars
Ingólfssonar vistfræðings og
fuglafræðings um rannsóknir í
Gilsfirði afhenti Einar Kristinsson
sonur minn Birni Val Gíslasyni í
umhverfis- og samgöngunefnd,
sem var þá að hætta þar, sem og
fleiri í nefndinni. Ég ætlaðist til
að nefndarmenn læsu rannsókna-
niðurstöður Agnars og tækju mark
á þeim. Inn í nefndina komu í stað-
inn Ólína Þorvarðardóttir, Mörður
Árnason og Róbert Marshall, öfga-
fólk í umhverfismálum, og stungu
öllu undir stól. Þverun á þessum
stað hefur verið án ágreinings
og umhverfismatið samþykkt án
athugasemda. Engan stuðning var
að hafa frá sveitarstjórnum.
Í umræðuþætti á Stöð 2 núna fyrir
kosningar svöruðu þrír þingmenn
kjördæmisins spurningunni hvort
fara ætti B-leið um Gufudalssveit.
Guðbjartur Hannesson kvaðst alla
tíð hafa verið sannfærður um að
það væri eina leiðin sem kæmi til
greina. Gunnar Bragi Sveinsson og
Einar Kristinn Guðfinnsson voru
enn afdráttarlausari í stuðningi við
þá leið.
Hér fyrir neðan birti ég til-
lögu sem ég sendi sveitarstjórnum
Reykhólahrepps, Vesturbyggðar og
Tálknafjarðarhrepps, í þeirri von, að
þær muni gera hana að sinni (hér
stíluð í orðastað hreppsnefndar
Reykhólahrepps):
Hreppsnefnd Reykhólahrepps
ályktar, að með þverun Þorskafjarðar
frá Kinnarstöðum og vegarlagn-
ingu út Hallsteinsnes, þ.e. B-leið
(B1), væri náð markmiði gild-
andi aðalskipulags sem gert var
í samvinnu Reykhólahrepps og
Vegagerðarinnar. Einungis þessi
valkostur uppfyllir skilyrði um
umferðaröryggi og greiðfærni. Með
honum eru best tryggðir hagsmunir
íbúa Reykhólahrepps og annarra
vegfarenda. Hreppsnefndin leggur
áherslu á, að leiðin er á staðfestu
aðalskipulagi hreppsins. Nefndinni
þykir það öfugsnúið þegar lög-
bundið aðalskipulag er virt að vett-
ugi og hundsað af Vegagerðinni og
viðkomandi ráðherra eins og gert
var á liðnu sumri með framlagningu
þriggja annarra leiða, sem settar
voru í umhverfismat.
Hreppsnefndin lítur svo á, að
kominn sé tími til að nú þegar verði
hafist handa við vegarlagninguna og
leggur eftirfarandi til:
Vegagerðin hefji hönnun
vegar yfir Þorskafjörð milli
Kinnarstaða og Þórisstaða sam-
kvæmt áfanga I á B-leið. Verkið
verði boðið út núna í haust og því
verði lokið 2015.
Vinna hefjist nú þegar við hönn-
un vegarins Þórisstaðir-Kraká
og afleggjara að Djúpadal, sem
samþykkt var að ekki þyrfti að
fara í umhverfismat. Verkið verði
boðið út 2014 og verklok 2017.
Alþingi, sumarþing 2013, leysi
þann hnút sem tafið hefur í áratug
bráðnauðsynlegar samgöngu bætur
í héraðinu. Þingið endurskoði
samgönguáætlun og tryggi
fjármagn til framkvæmdanna.
Framkvæmdaleyfi af hálfu
Reykhólahrepps verður háð því,
að röð áfanga verði samkvæmt
framansögðu.
Til að fylgja málinu eftir skipi
sveitarstjórnir Reykhólahrepps,
Vesturbyggðar og Tálknafjarðar-
hrepps nefnd skipaða fólki frá
fyrirtækjum sem mesta hagsmuni
hafa af því að verkið nái fram að
ganga. Þar má t.d. nefna almenna
vöruflutninga, fiskvinnslu, fiskeldi
og ferðaþjónustu. Nefndin fylgi því
eftir að Vegagerðin og stjórnvöld
standi við verkáætlun.
Reykhólum, 23. maí 2013.
Kristinn Bergsveinsson.“
Kristinn Bergsveinsson í Gufudal krefst enn endurbóta í samgöngumálum í Gufudalssveit og viðrar nýjar hugmyndir:
Með tillögur til sveitarstjórna og Vegagerðarinnar
um nýjan veg og raflínu neðan Teigsskógar
– innanríkisráðherra fer vestur til að ræða samgöngumálin við heimamenn á málþingi Fjórðungssambands Vestfirðinga á Tálknafirði
Rauða línan sýnir hugmynd Vegagerðarinnar um veg í gegnum Teigsskóg sem slegin hafði verið út af borðinu.
Appelsínugula línan sýnir hins vegar leið sem Kristján Kristjánsson, forstöðumaður hönnunardeildar Vegagerðarinnar,
hefur dregið upp. Hún er að mestu samkvæmt forskrift Kristins Bergsveinssonar. Þetta vegstæði yrði neðan
sjávarbakka og færi hvergi í gegnum sjálfan Teigskóg.
Kristinn Bergsveinsson
Mynd / Hlynur Þór Magnússon
Mismunandi hugmyndir að vegtengingum á svæðinu.
Fremst á þessari loftmynd er Skálanes, síðan Gufufjörður en fjærst er
Þorskafjörður.