Bændablaðið - 21.02.2013, Blaðsíða 41

41Bændablaðið | Fimmtudagur 21. febrúar 2013
Vélabásinn
Benz Citan:
Benz blandar sér í slag litlu sendibílanna
Fyrir nokkru frumsýndi Askja
nýjan „sendibílsskutlu“ sem er ekki
ósvipuð að stærð og Ford Transit
Connect bíllinn sem ég prufuók í
nóvember 2011. Bíllinn heitir Benz
Citan og fæst í nokkrum útgáfum
og þrem lengdum. Tvær lengri
gerðirnar eru í boði hjá Öskju
(minnsti bíllinn er ekki til á lager
hjá Öskju eins og er) og tók ég styttri
bílinn, sem er þó 4.321 mm langur, í
smá prufuakstur.
Prufuaksturinn var ekki langur, en
ég reyndi bílinn við mjög mismunandi
aðstæður á mismunandi vegum. Fyrst
prófaði ég bílinn í mikilli hálku þar
sem vegslóðinn var einn svellbunki og
reyndi þar á spólvörnina, sem virkar
eins og spólvörn er ætlað. Eini gallinn
við spólvarnir er hversu fljótt maður
missir ferðina á Benz vegna þess að
þegar spólvörnin fer á missir maður
allan kraft, þar sem spólvörnin er að
vinna sitt verk með því að halda gripi
á drifhjólin í svellið þarsem ekkert grip
er að fá. Ef maður tekur spólvörnina af
heldur maður ferðinni en ef ekið er yfir
50 km hraða fer spólvörnin sjálfkrafa
á aftur.
Fjöðrunin kom verulega á óvart
Næst var það holóttur malarvegur
með fullt af drullupollum, en þar
kom fjöðrunin mér verulega á óvart.
Flestir smásendibílar sem ég hef ekið
með engan farangur hafa verið frekar
lausir að aftan, en Citan er stöðugur
og algjörlega laus við þennan leiðin-
lega kvilla sem fylgir flestum smærri
sendibílum. Malarvegahljóðið var
ekkert mikið og hef ég keyrt marga
sendibíla með meira malarvegahljóð.
Eftir skvettukeyrslu í drullupollunum
fór ég aftur fyrir bílinn til að skoða
hversu mikill sóði hann er við sjálfan
sig við þessar aðstæður og mér til
furðu var bíllinn mun hreinni en ég
bjóst við.
Á bundnu slitlagi liggur bíllinn
ekkert ósvipað og venjulegur fólks-
bíll þrátt fyrir að vera mjög léttur að
aftan (nálgast suma sportbíla í fjöðr-
un á slitlagi). Sennilegast má þakka
þennan mikla stöðuleika því að bíll-
inn er með ESP-stöðuleikastýringu
sem staðalbúnað.
Í innanbæjarakstri er Citan
lipur og þægilegur sem snattbíll í
þungri innanbæjarumferðinni hér
í Reykjavík. Þó fannst mér vanta
aðeins upp á öryggistilfinninguna
þegar ég bakkaði í stæði og hvorki
bakkmyndavél né skynjarar sögðu
mér hversu nálægt næsta bíl ég væri
komin. Speglar á hliðum eru stórir og
sýna ágætlega aftur fyrir bílinn, að
undanskildum smá hluta beint fyrir
aftan bílinn.
Gott hleðslurými
Hurðir að aftan eru stórar og opnast
óvenju langt til hliðar þannig að
hægt er að koma breiðum hlutum
inn í bílinn (jafn breitt og innanmál
hjólaskála). Þetta má þakka nettum
afturljósum, en oft hefur mér fundist
afturljós á bílum vera ótrúlega stór
og ekki í neinu samræmi við bílana.
Á þessum eru þau hins vegarfrekar
mjó og há.
Tvennt þyrfti að bæta
Það var tvennt sem ég var ekki sáttur
við, en stefnuljósarofinn finnst mér
vera full neðarlega miðað við að
flestir halda um stýrið ofarlega
þá þarf maður að færa vinstri
hendina niður til að ná að gefa
stefnumerki. Hin athugasemdin er
að mér fannst óþægilegt að spenna
öryggisbeltið. Ég hélt fyrst að þetta
væri klaufaskapur, en eftir að hafa
prófað nokkrum sinnum komst ég
að því að plássið fyrir hendina var
einfaldlega aðeins of lítið.
Nægur kraftur
Krafturinn í vélinni er fullkomnlega
nægur fyrir ekki stærri bíl, en
1,5 lítra 4ra strokka dísilvélin á
að skila 90 hestöflum við 4.000
snúninga. Alls ók ég bílnum 69
km á meðalhraða upp á 39 km á
klst. Samkvæmt aksturstölvunni í
bílnum hafði ég eytt fjórum lítrum
af dísilolíu og miðað við 100 km.
akstur hefði ég verið að eyða 6,2
lítrum á hundraðið. Þar sem nokkrar
stærðir eru í boði vil ég benda á
vefsíðu umboðsins með nánari
upplýsingar á slóðinni: www.
askja.is. Verðið er fullkomlega
sambærilegt við aðra sambærilega
bíla frá öðrum framleiðendum og er
grunnverðið á ódýrasta Benz Citan
frá 3.490.000 með virðisaukaskatti.
Sundlaug Eyjafjarðarsveitar er við
Hrafnagilsskóla, um 10 kílómetr-
um sunnan við Akureyri. Laugin
var vígð í ársbyrjun 2007. Áður var
minni sundlaug á sama stað, byggð
árið 1980. Sundlaugin stendur við
Íþróttamiðstöð Eyjafjarðar sveitar
sem byggð var 1989 og þjóna bún-
ingsklefar bæði íþróttahúsinu og
sundlauginni. Ráðist var í endur-
bætur á íþrótta miðstöðinni á sama
tíma og sundlaugin var í byggingu
og er öll aðstaða hin glæsilegasta.
Öll mannvirki úti við eru sem áður
segir ný.
Hentar barnafjölskyldum
sérlega vel
Laugin sjálf er 10 x 25 metrar. Við
hana er stór vaðlaug sem er ein-
staklega skemmtilegt buslusvæði
fyrir börnin en jafnframt notalegt
sólbaðssvæði fyrir þá sem eldri eru.
Að auki er við sundlaugina heit-
ur pottur og eimbað, að ógleymdri
stórri vatnsrennibraut sem ætíð er
líf og fjör í kringum.
Svæðið hentar sérlega vel barna-
fjölskyldum, enda skipulagt þannig
að afar gott er að sjá yfir það allt
hvort sem er frá sundlaug, vaðlaug
eða potti.
Ókeypis fyrir börn yngri en 15 ára
í laugina
Ókeypis er fyrir börn yngri en 15 ára
í laugina og sömuleiðis fyrir öryrkja
og ellilífeyrisþega. Sundlaugin er
opin frá 6.30 til 21.00 á virkum
dögum en frá 10.00 til 17.00 um
helgar. Nánari upplýsingar má fá
í síma 464-8140 eða með því að
senda póst á netfangið sundlaug@
esveit.is.
Sundlaug Eyjafjarðarsveitar, Hrafnagili
Laugar landsins
Vélaprófanir
hlj@bondi.is
Hjörtur L. Jónsson
Bíllinn sóðar furðu lítið upp á sig að aftan á blautum malarvegi.
Þægilegt er að lesa á mæla en
stefnuljósa ro er full neðarlega.
Með litla Citan-sendibílnum er Benz kominn með allar stærðir bíla í sendibíla óruna. Myndir / HLJ
Hurðir að aftan eru stórar og opnast
óvenju langt til hliðar.
Nett afturljós auka rýmið í hleðsluplássi.