Bændablaðið - 21.02.2013, Síða 42

42 Bændablaðið | Fimmtudagur 21. febrúar 2013
Bærinn stendur við Löngufjörur.
Laufey Bjarnadóttir er upp-
alin á Stakkhamri en Þröstur
Aðalbjarnarson er frá Lundi í
Öxarfirði.
Laufey er þriðji ættliður sem býr
jörðina. Um þessar mundir eru tíu
ár síðan Þröstur og Laufey tóku við
rekstrinum af foreldrum hennar,
Bjarna Alexanderssyni og Ástu
Bjarnadóttur. Síðan þá hefur verið
byggt upp, tún ræktuð og gripum
fjölgað.
Býli? Stakkhamar.
Staðsett í sveit? Eyja- og
Miklaholtshreppi, Snæfellsnesi.
Ábúendur? Laufey Bjarnadóttir
og Þröstur Aðalbjarnarson.
Fjölskyldustærð (og gæludýra)?
Börn eru Alexandra Ásta og Bjarndís
Erla 4 ára skvísur – og Kolur hvers
manns hugljúfi.
Stærð jarðar? Fer eftir því
hvenær er mælt, hvort um flóð
eða fjöru er að ræða. Um 650 ha á
flóði en 1.500 ha á fjöru.
Gerð bús? Mjólkur- og kjötfram-
leiðsla af nautgripum (ungkálfa-
kjöt beint frá bónda), kindur og
hestar til ánægju og yndisauka.
Fjöldi búfjár og tegundir?
Nautgripir 100 hausar, 20 kindur og
7 hestar.
Hvernig gengur hefðbundinn
vinnudagur fyrir sig á bænum?
Fyrsta vers er að koma heima-
sætunum í veg fyrir skólabílinn. Þá
er farið í morgunverkin. Milli mála
eru hin ýmsu tilfallandi störf innt
af hendi og á þessum tíma grípur
Laufey í tamningar. Kvöldverkin eru
á milli 5 og 8. Vinnudagurinn endar
með kvöldheimsókn í fjósið og
kýrnar signdar.
Skemmtilegustu/leiðinlegustu
bústörfin? Það fer eftir því
hver er spurður. Útreiðar eru
vinsælastar hjá sumum og fjárrag
hjá öðrum. Leiðinlegust eru
veikindi í skepnum.
Hvernig sjáið þið búskapinn fyrir
ykkur á jörðinni eftir fimm ár?
Það verður með svipuðu sniði.
Hvaða skoðun hafið þið á
félagsmálum bænda? Við berum
mikla virðingu fyrir þeim sem gefa
sig að félagsmálum bænda en fleiri
mættu vera virkari. Framvarðarsveit
bænda þarf sífellt að vera á tánum.
Hvernig mun íslenskum land-
búnaði vegna í fram tíðinni?
Það fer eftir því hver mun halda á
spilunum en grundvallaratriði er að
halda sig utan ESB.
Hvar teljið þið að helstu tæki-
færin séu í útflutningi íslenskra
búvara? Í tómötum.
Hvað er alltaf til í ísskápnum?
Smjör, mjólk, ostur, fetaostur og
tómatar.
Hver er vinsælasti maturinn á
heimilinu? Mismunandi kjötréttir.
Eftirminnilegasta atvikið við
bústörfin? Þegar Frú Agla reis á
þriðja degi (páskadag) upp frá doða
og átti marga kálfa eftir það.
Svava Gunnarsdóttir hefur haldið
úti matarblogginu ljufmeti.com
frá því síðasta sumar og hefur
lesendahópurinn vaxið hraðar
en hana óraði nokkurn tíma
fyrir í byrjun. Á síðunni, sem
hún uppfærir daglega, má finna
einfaldan og fjölskylduvænan mat
úr hráefni sem auðvelt er að nálgast,
en Svava veit fátt skemmtilegra en
að dunda sér í eldhúsinu.
Fylltar tortillaskálar
› mjúkar tortillakökur (minni tegundin)
› 1 bakki nautahakk
› 1 poki taco-krydd
› 1 dl vatn
› ½ krús tacosósa
› 1 dós refried beans
› rifinn cheddar-ostur
Aðferð:
Steikið nautahakkið á pönnu, kryddið
með taco-kryddi og hellið um 1 dl af
köldu vatni yfir. Látið sjóða saman í
nokkrar mínútur á pönnunni. Hrærið
taco-sósu og refried beans saman við
og setjið til hliðar. Spreyið olíu (ég
nota PAM) í möffinsform og setjið
tortillakökur í þau (það er allt í lagi
þó þær standi upp úr), fyllið þær
með nautahakksblöndunni og stráið
rifnum cheddarosti yfir. Setjið í 200°C
heitan ofn í 10-15 mínútur, eða þar
til osturinn er bráðnaður. Berið fram
með góðu salati, nachos og sýrðum
rjóma, guacamole og salsasósu.
Nutellaformkaka
fyrir 2
› 2 ¾ bolli hveiti (420 g)
› 2 ½ tsk. lyftiduft
› ¼ tsk. salt
› 1 bolli smjör við stofuhita (135 g)
› 2 bollar sykur (465 g)
› 4 stór egg
› 1 bolli Nutella (300 g)
› 1 bolli nýmjólk
Aðferð:
Hitið ofninn í 175°C og smyrjið
formkökuform. Hrærið saman
hveiti, lyftidufti og salti og leggið
til hliðar. Hrærið saman í annarri
skál smjör og sykur þar til blandan
verður ljós og létt, það tekur um
3 mínútur. Hrærið einu eggi í einu
saman við og þar á eftir Nutella.
Setjið helminginn af þurrefnunum í
deigið og helminginn af mjólkinni.
Hrærið saman og endurtakið með
afganginum af þurrefnunum og
mjólkinni. Hrærið þar til allt hefur
blandast en varist að hræra deigið
of lengi. Setjið deigið, (sem er frekar
þykkt), í smurða formkökuformið og
bakið í 45-55 mínútur. /ehg
Líf og lyst
BÆRINN OKKAR
MATARKRÓKURINN
Bardúsar alla daga í eldhúsinu
Alexandra Ásta og Bjarndís Erla 4 ára skvísur.
Stakkhamar
Brák og Ljósufjöll í baksýn.