Læknablaðið - 01.12.1969, Síða 82

246
LÆKNABLAÐIÐ
Hjartavernd Á síðastliðnu vori skrifaði stjórn Hjartaverndar stjórn
Læknafélags Reykjavíkur bréf, þar sem farið var fram
á það, að umræður hæfust um möguleika á því, að læknar gætu vísað
sjúklingum til Hjartaverndar til þess að fá þar rannsókn, svipaða eðlis
og kerfisbundnar hóprannsóknir Hjartaverndar. Voru haldnir nokkrir
fundir með fulltrúum Hjartaverndar. Var þar rætt um, hvort heimila
ætti, að félög mættu taka tilvísanir sem læknar.
Málið lá niðri um sumarið, en var tekið upp aftur í janúar 1969.
Lögðu þá fulltrúar Hjartaverndar fram tillögur að greiðslum fyrir
þjónustuna. Lögðu þeir til, að nokkrar helztu rannsóknirnar yrðu
seldar samkvæmt gjaldskrá L.R., en rannsóknir í eigin þágu að sjálf-
sögðu gerðar ókeypis. Á fundi 3.1. 1969 með fulltrúum Hjartaverndar
gaf stjórnin í skyn, að hún gæti samþykkt tilvísanir til lækna Hjarta-
verndar. Hins vegar gæti verið ýmsum annmörkum háð, að Hjarta-
vernd sem stofnun væri sá aðili, sem vísað væri til og tæki á móti
greiðslum. Málið var síðan borið undir stórráðsfund, og var þar sam-
þykkt að vísa málinu til þeirra aðildarfélaga L.R., sem þar áttu
mestan hluta að máli, þ. e. Félags íslenzkra lyflækna og Félags ís-
lenzkra meinafræðinga. Enn fremur var nokkru seinna sama erindi
sent Félagi röntgenlækna. Umsagnir bárust frá tveim fyrmefndu fé-
lögum, og voru bæði mótfallin því, að Hjartavernd gæti tekið við til-
vísunum. Hins vegar væri ekki hægt að hafa á móti því, að tilvísanir
yrðu sendar á sérfræðinga Hjartaverndar, og yrði þá þjónustan seld
samkvæmt umsömdum taxta.
Málið var síðan lagt fyrir almennan aukafund föstudaginn 31.
janúar. Virtist afstaða manna almennt varðandi umsókn Hjartavernd-
ar vera sú hin sama og stjórnin hafði áður tekið og samhljóða ályktun
Félags íslenzkra lyflækna og Félags íslenzkra meinafræðinga. Málið
var síðan afgreitt til Hjartaverndar með eftirfarandi hréfi dags. 12.2.:
„Stjórn L.R. hefur tekið til athugunar tilmæli Hjartaverndar um
heimild til að taka við tilvísunum frá læknum.
Niðurstaða þeirrar athugunar varð sú, að L.R. getur ekki sam-
þykkt, að tilvísanir verði stílaðar á Hjartavernd. Hins vegar er heimilt
að vísa til sérfræðinga þeirra, sem hjá Hjartavernd starfa, á sama hátt
og til annarra sérfræðinga. Greiðslur fyrir unnin störf fari eftir samn-
ingum L.R. við Sjúkrasamlag Reykjavíkur og Tryggingastofnun ríkis-
ins.
Domus Medica Á árinu gekk úr stjórn Domus Medica fulltrúi Lækna-
félags Reykjavíkur, dr. med. Jón Sigurðsson borgar-
læknir. í hans stað var tilnefndur af stjórn Domus Medica og síðar
samþykktur af stjórn L.R. Arinbjörn Kolbeinsson.
í fyrri skýrslu kemur fram gagnrýni vegna lítils ihlutunarréttar
stjórna læknafélaganna á stjórn Domus Medica. Enn hefur ekkert
áunnizt í því máli, en það er í athugun.
Á aðalfundi 1968 var endanlega gengið frá því, að framlag til
Domus Medica 1968 og framvegis verði skoðað sem lán. Sjá nánar
íundargerð aðalfundar L.í. 1968.