Dagblaðið Vísir - DV - 16.02.2007, Blaðsíða 22

föstudagur 16. febrúar 200722 Fréttir DV
Ríkisstjórn Íslands vissi af fjármála-
óreiðu í rekstri Byrgisins, þegar árið
2002. Ríkisstjórnin ræddi skýrslu Að-
alsteins Sigfússonar sálfræðings um
starfsemi Byrgisins á fundi, snemma
árs 2002. Í kjölfarið var samt ákveð-
ið að halda áfram styrkjum til starf-
seminnar.
Einstakir þingmenn stjórnar-
flokkanna höfðu vitneskju um skýrsl-
una um leið og hún var lögð fyrir
utanríkisráðherra, Halldór Ásgríms-
son. Þannig vitnar Kristján Pálsson,
Sjálfstæðisflokki í skýrsluna í ræðu á
Alþingi þann 13. janúar 2002. Úttekt
Aðalsteins á Byrginu fór fram á tíma-
bilinu 5. nóvember 2001 til 15. jan-
úar 2002.
Í ræðu sinni sagði Kristján Páls-
son að í Byrginu hefðu verið unnin
kraftaverk og ekki hefðu verið gerðar
veigamiklar athugasemdir við starf-
semina í skýrslunni.
Þarf ströng skilyrði
Eins og komið hefur fram, sagði
Aðalsteinn Sigfússon í skýrslu sinni
að fjármál Byrgisins væru í molum
og ekki væri byggjandi á bókhaldi
félagsins. „Forsenda þess að rík-
ið styrki Byrgið áfram, að áliti mats-
manns, er að Byrgið skili uppgjörum
á hálfs árs fresti, árituðum af endur-
skoðanda meðan verið er að koma
fjármálastjórn og bókhaldi í lag,“ seg-
ir Aðalsteinn í skýrslunni. Úr þessu
varð ekki.
Með þessa vitneskju í farteskinu
var ákveðið í félagsmálaráðuneyti að
halda áfram styrkjum til Byrgisins.
Starfshópur aðstoðarmanna
Skömmu eftir að Aðalsteinn skil-
aði skýrslunni um Byrgið var skip-
aður starfshópur til þess að tryggja
að gagnrýninni yrði fylgt eftir. Þenn-
an starfshóp skipuðu þau Birkir Jón
Jónsson, þáverandi aðstoðarmaður
Páls Péturssonar, Egill Heiðar Gísla-
son, þáverandi aðstoðarmaður Hall-
dórs Ásgrímssonar, og Elsa Björk
Friðfinnsdóttir, þáverandi aðstoðar-
maður Jóns Kristjánssonar.
Um það leyti sem Birkir Jón yfir-
gaf félagsmálaráðuneytið hafði verið
undirritað samkomulag milli Byrg-
isins og ráðuneytisins um að áfram-
haldandi greiðslur frá ríkinu yrðu
háðar ströngum skilyrðum um úr-
bætur í bókhaldi og fjármálum.
Strax haustið 2002 var þessu sam-
komulagi ekki fylgt frekar eftir og
Byrgið hélt áfram að þiggja styrki án
þess að hreinsa til í bókhaldinu.
Fengu ekki skýrsluna
Margrét Frímannsdóttir, þing-
maður Samfylkingar, segir að skýrsla
Aðalsteins hafi aldrei verið kynnt
fulltrúum minnihlutans í fjárlaga-
nefnd. „Ef svo var þá var hún aðeins
kynnt meirihlutanum. Við í minni-
hlutanum fengum aldrei að sjá þessa
skýrslu,“ segir Margrét. Hún segir að í
fjárlaganefnd hafi fyrst og fremst ver-
ið rætt um fjárhagserfiðleika Byrg-
isins í tengslum við flutningana frá
Rockville á Miðnesheiði.
Í skýrslunni fékk Byrgið hrós fyr-
ir að skapa úrræði fyrir ákveðinn hóp
fólks sem hvergi annars staðar fékk
inni. „Þar fyrir utan bendir skýrslan
svo ótvírætt til þess að fjármálin séu
í rugli og óreiðu. Menn hefðu vitan-
lega átt að staldra við. Það var á þess-
um tíma sem framlögin byrjuðu að
hækka,“ segir Margrét.
Guðmundur í pólitík
Guðjón Arnar Kristjánsson, for-
maður Frjálslynda flokksins, var ötull
talsmaður Byrgisins og hvatti til þess
á Alþingi að starfsemin fengi aðstoð.
Guðjón vitnaði í tölur við afgreiðslu
fjárlaga í desember 2002. Tölurnar
hafði Guðjón fengið frá stjórnendum
Byrgisins, sem höfðu talið honum trú
um að til væri skýrsla þar sem góður
árangur meðferðarheimilisins væri
tíundaður. Á daginn kom að skýrslan
sem Guðjón vitnaði í var ekki til.
Guðmundur Jónsson, forstöðu-
maður Byrgisins, var á þessum tíma
í tengslum við Frjálslynda flokkinn.
Hann sat meðal annars í ellefta sæti
á framboðslista Frjálslynda flokksins
í Suðvesturkjördæmi í Alþingiskosn-
ingum vorið 2003.
Átta mánaða frestur
Þann 28. september 2001 bað ut-
anríkisráðuneytið Aðalstein Sigfús-
son að gera úttekt á starfsemi Byrgis-
ins. „Þess er óskað að úttekt yðar feli
í sér mat á aðferðum Byrgisins við
meðferð á áfengis- og vímuefnaneyt-
endum, hve vel húsakynnin í Rock-
ville henta til slíkrar
starfsemi til
frambúðar og
hverju öðru
sem þér
teljið máli
skipta,“
segir í
beiðni
ráðu-
neyt-
isins til
Aðalsteins.
Í niðurstöðum skýrslunnar segir
að Byrgið hafi komið til móts við hóp
einstaklinga sem aðrar meðferðar-
stofnanir hafi í mörgum tilfellum
gefist upp á. Gagnrýni á fjármála-
óreiðu í Byrginu er afdráttarlaus. Í
niðurstöðum segir meðal annars:
„Matsmaður mælir með að Byrginu
verði gefnir átta mánuðir til að bæta
úr annmörkum.“
„Forsenda þess að ríkið styrki Byrgið áfram, að áliti
matsmanns, er að Byrgið skili uppgjörum á hálfs
árs fresti, árituðum af endurskoðanda meðan
verið er að koma fjármálastjórn og bókhaldi í lag.“
Ríkisstjórn og meirihluta fjármálanefndar var kunnugt um svarta
skýrslu Aðalsteins Sigfússonar sálfræðings um Byrgið árið 2002.
Vinnuhópur aðstoðarmanna félagsmála-, utanríkis- og heil-
brigðisráðherra var settur á laggirnar til þess að fylgja málinu
eftir. Haustið 2002 var frestur Byrgisins til þess að koma fjárreið-
um í lag runninn út. Byrgið hélt áfram að þiggja styrki án þess að
hreinsa til í bókhaldinu.
SiGtryGGur JóhannSSon
blaðamaður skrifar: sigtryggur@dv.is
Meðferð á kristilegum grundvelli guðmundur byggði
meðferð sína á biblíunni og kristilegum grunni. byrgið
skilgreindi sig sem afeitrunarstöð þrátt fyrir að landlæknir hafi í
tvígang synjað umsóknum um leyfi fyrir slíkri starfsemi.
Ríkisstjórn Íslands var kynnt svört
skýrsla um fjármál Byrgisins árið
2002. Tillögum vinnuhóps um skýrsl-
una var ekki fylgt eftir. Meirihluta í
fjárlaganefnd var einnig kunnugt um
fjármálaóreiðu í Byrginu.
Blekkingar-
vefur í málum
Byrgisins
Byrgið1996-2006
Forstöðumaðurinn
guðmundur Jónsson var á
framboðslista frjálslynda
flokksins í alþingiskosningum
2003. guðjón arnar Kristjáns-
son formaður flokksins barðist
fyrir málstað byrgisins á þingi
með upplýsingum frá
guðmundi.