Læknablaðið - 15.04.1987, Blaðsíða 41

LÆKNABLAÐIÐ 1987;73:139-43
139
Birna Þórðardóttir
HEILSUGÆSLUSTÖÐIN Á AKUREYRI
Heilsugæslustöðin á Akureyri var stofnuð 1.
janúar 1985. Þar með var sameinuð í eitt
starfsemi Læknamiðstöðvar,
Heilsuverndarstöðvar og heilsugæsla í skólum.
Þá hafði Læknamiðstöðin á Akureyri starfað í
rúm tíu ár.
Auk Akureyrar standa 11 nærliggjandi
sveitarfélög að rekstri stöðvarinnar og greiða
sveitarfélögin allan kostnað við stöðina nema
laun lækna, hjúkrunarfræðinga og ljósmæðra
sem ríkið greiðir. Stöðin þjónar liðlega 17 þúsund
íbúum á svæðinu og er lang stærsta
heilsugæslustöð landsins.
Heilsugæslustöðin er til húsa á efri hæðum
Amarohússins í Hafnarstræti og þar hittum við
að máli Hjálmar Freysteinsson yfirlækni og
Konny K. Kristjánsdóttur hjúkrunarforstjóra.
Veittu þau okkur góðfúslega allar umbeðnar
upplýsingar.
Fyrst var Hjálmar tekinn tali og fræddi hann
okkur um skipulag stöðvarinnar.
Á Heilsugæslustöðinni eru stöðuheimildir fyrir 11
heilsugæslulækna. Fram til þessa hafa læknar þó
ekki verið fleiri en 10 en vonast er til að úr því
rætist bráðlega. Hjálmar taldi að 11 læknar væru
mjög hæfilegur fjöldi til að þjóna 17 þúsund
íbúum. Sjúklingar eru skráðir hjá ákveðnum
lækni og er þess gætt að hver læknir hafi ekki of
marga sjúklinga.
Auk starfs á Heilsugæslustöðinni hafa læknar
móttöku tvisvar í viku á Grenivík, en lítið er um
vitjanir þangað þar sem
heilsugæsluhjúkrunarfræðingur er nú búsettur
þar.
Nú eru allir heimilislæknar á Akureyri
heilsugæslulæknar og sinna engir aðrir læknar á
Akureyri heimilislækningum. Aðspurður taldi
Hjálmar ekki útilokað að heimilislæknir gæti sett
upp lækningastofu úti í bæ, svo fremi að
yfirlýsing fengist frá Sjúkrasamlaginu og
Læknafélagi íslands um að þörf væri fyrir fleiri
heimilislækna.
AÐBÚNAÐUR
HEILSUGÆSLUSTÖÐVARINNAR
Húsnæðið sem Heilsugæslustöðin hefur til
umráða er leiguhúsnæði sem tryggt er til næstu
aldamóta. Tvær hæðir eru nú í notkun, þriðja
hæðin og sú fimmta en fé vantar til að innrétta
fjórðu hæð hússins sem stöðin hefur einnig á
leigu. Aðgangur að stöðinni er tiltölulega
auðveldur, til dæmis komast hjólastólar í lyftu og
sjúklingar á sjúkrabörum komast inn í stöðina
bakatil.
Ríkið á að greiða 85% af húsaleigu og
stofnkostnaði heilsugæslustöðva. Fyrir árið 1986
vantar hins vegar næstum eina milljón króna til
greiðslu á húsaleigu.
Nýkjörin bæjarstjórn Akureyrar kom nýlega í
heimsókn á stöðina og vonandi verður það til þess
að auka skilning á málum heilsugæslunnar.
Það hversu stöðin er stór hefur sína kosti en
einnig vissa ókosti. Að mati Hjálmars hefði ef til
vill verið heppilegra að byggja starfsemina upp í
tvennu eða jafnvel þrennu lagi, en hins vegar var
sú ákvörðun tekin að byggja eina stóra
heilsugæslustöð á Akureyri. En vel kemur til
greina að setja síðar upp tvö útibú, annað til
dæmis í Glerárhverfi.
Hjálmar Freysteinsson yfirlœknir.