Læknablaðið - 15.08.1987, Qupperneq 57

LÆKNABLAÐIÐ
239
eru á milli þrepa. Nýmæli í samningnum eru
yfirvinnugreiðslur í námsfríum og eru þær metnar
til l.SVo launahækkunar. Greiðslur í lífeyrissjóð
hækka lítillega á næstu árum.
í samningnum eru endurskoðunarákvæði og
bókanir um að athuga skuli möguleika á
mismunandi ráðningarformum og að vaktakerfi
verði endurskoðað.
Sverrir Bergmann sagði samninga við
aðildarfélög BHMR vera í svipuðum dúr.
Tryggvi Ásmundsson greindi frá starfi
samninganefndar sérfræðinga utan sjúkrahúsa.
Stöðugar samningaviðræður væru í gangi
varðandi svonefnd »skörunarmál«. Úrskurður
varðandi þau er í höndum sérfræðinefndar
læknadeildar Háskóla íslands og landlæknis, en
þessir aðilar eru seinvirkir.
Samningaviðræður standa yfir um taxta
röntgenlækna. Tryggvi taldi menn almennt
ánægða með samninginn, en hann rennur út 1.
maí.
Ari Jóhannesson gat um vandamál á
landsbyggðinni, sem upp koma vegna
»skörunarmála«.
Ludvig Guðmundsson, formaður
samninganefndar fastráðinna lækna, greindi frá
að með lagabreytingum hefðu
samningsréttarmál breyst á sl. hausti. Allur
samningsréttur væri nú í höndum L.í. og einnig
væri verkfallsréttur fyrir hendi. Fyrri hluti
samningaviðræðna fór í að ræða nýtt námsmat,
einnig var rætt um framkvæmd verkfalls, ef til
þess kæmi. Fram kom tilboð um 14%
launahækkun á tveimur árum. Rætt hefur verið
um greiðslur fyrir heilsuverndarstörf og hækkun
á dagvinnulaunum yfirlækna. Síðan voru tilboð
dregin til baka og nú eru viðræður i biðstöðu.
Ólafur F. Mixa benti á, að bókanir væru
varhugaverðar þar eð gagnaðili efndi þær oft á
tíðum ekki.
Sveinn Magnússon, formaður samninganefndar
heimilislækna utan heilsugæslustöðva, greindi frá
að samningar hefðu runnið út fyrir einu og hálfu
ári. Kröfugerð var lögð fram á réttum tíma og
haldinn einn fundur. Síðan hefur ekkert gerst og
gengur erfiðlega að fá gagnaðila til fundar.
Ludvig Guðmundsson, formaður
gjaldskrárnefndar heimilis- og heilsugæslulækna,
greindi frá að samningurinn, sem byggði á
gerðardómi, gilti til 1. maí 1987. Kröfugerð hefur
verið lögð fram, en engar viðræður hafa átt sér
stað.
V. Atvinnuhorfur lækna: Sigríður Dóra
Magnúsdóttir flutti álitsgerð stjórnar L.í. um
atvinnuhorfur lækna. Gengið var frá álitsgerðinni
í febrúar sl. í framhaldi af málþingi um sama efni,
sem haldið var í desember 1986. Þar er bent á
dulið atvinnuleysi meðal lækna, sem birtist m.a. í
því að menn snúa ekki heim að loknu
sérfræðinámi.
Magni S. Jónsson taldi líklegt að á næstu árum
yrði skortur á aðstoðarlæknum.
María Sigurjónsdóttir greindi frá að í
tengslum við málþingið í desember sl. hafi F.U.L
sett á stofn nefnd um atvinnuhorfur, en hún hafi
ekki enn skilað áliti.
Atli Árnason benti á að læknar yrðu að varast að
glata störfum í hendur hjálparstétta
(paramedical-stétta).
Tryggvi Ásmundsson taldi að við þessa álitsgerð
mætti bæta að efla þyrfti Lífeyrissjóð lækna,
þannig að menn kæmust fyrr á eftirlaun. Með því
losnaði um atvinnutækifæri, en til þess yrðu
eftirlaunin að vera frambærileg.
VI. Útgáfumál: Haukur Þórðarson sagði frá
að á síðasta ári hefði Guðjón Magnússon óskað
eftir að ganga úr ritstjórn Nordisk Medicin. Örn
Bjarnason hefur tekið við af honum.
Örn Bjarnason greindi frá stöðu útgáfumála og
sagði að Læknablaðið hafi nú fengið eigið
húsnæði á skrifstofu læknafélaganna. Allar
greinar sem Læknablaðinu berast eru sendar til
dómenda. Útgáfustarfsemin er með miklum
blóma og liggur fyrir efni fram til september.
Félagslega efnið hefur aukist að undanförnu.
Birna Þórðardóttir ritstýrir nú Fréttabréfi lækna
og Jóhannes Tómasson er kominn í fullt starf til
Læknablaðsins, hann sér einnig um Handbók
lækna.
Útgáfa íðorðasafns gengur vel. Stafkaflar A, B
og C eru komnir út og D er á leiðinni.
Orðabókarsjóður hefur tekið 350.000 króna lán
hjá Námssjóði til kaupa á kerfistölvu, sem
staðsett verður í íslenskri málstöð. Verður tölvan
síðan eign stofnunarinnar á næstu fjórum árum
og skoðast framlag Orðabókarsjóðs sem greiðsla
fyrir vinnuaðstöðu Orðanefndar læknafélaganna,
en starfsmaður nefndarinnar hefur eigið herbergi
í íslenskri málstöð.