Læknablaðið - 15.10.1988, Síða 54

344
LÆKNABLAÐIÐ
sérfræðingum. Jafnframt hækkaði yfirvinna
sérstaklega um 3,85%. Frá framangreindum
breytingum var skýrt frekar í Fréttabréfi lækna
6/88.
SAMNINGAR HEIMILISLÆKNA UTAN
HEILSUGÆSLUSTÖÐVA
Samningar hafa verið lausir frá 1. janúar 1986.
Erfiðlega gekk að fá samninganefnd T.r. að
samningaborði þrátt fyrir ítrekuð tilmæli. Þó
rofaði aðeins til á vetrarmánuðum og frá því í
febrúar hafa verið haldnir reglulegir fundir.
Samninganefnd lækna hefur lagt aðaláherslu á að
fá hækkun á greiðslum vegna kostnaðar við
stofurekstur, sem eins og málum er háttað háir
því mjðg að heimilislæknar geti skapað sér
viðeigandi starfsaðstöðu. Niðurstöður samninga
liggja ekki fyrir, en þó hefur frá 1. mars sl. verið
greitt 15% álag á umsamið endurgjald vegna
kostnaðar.
LÆKNAVAKT í REYKJAVÍK, KÓPAVOGI
OG Á SELTJARNARNESI
Samningur um læknavakt rann út 15. nóv. sl. og
var endurnýjaður 23. desember. í samningnum er
gert ráð fyrir að Læknavaktin sf. taki að sér sem
verktaki áframhaldandi vaktþjónustu lækna.
Hann er uppsegjanlegur með þriggja mánaða
fyrirvara miðað við 15. nóv. n.k. en framlengist
annars um eitt ár. í samningnum eru nánari
ákvæði um þjónustu vaktarinnar og hvaða
starfslið skuli vera til staðar.
í nóv. sl. tók stjórn Læknavaktarinnar þá
ákvörðun að segja upp þeim læknum sem tekið
höfðu vaktir og ekki störfuðu sem heimilislæknar
á starfssvæðinu. í framhaldi af þeirri ákvörðun
og eftir að nokkrir læknar lýstu yfir óánægju
sinni í bréfum til læknafélaganna var haldinn
fundur í stjórn Læknavaktarinnar með
formönnum L.í. og L.R. ásamt
framkvæmdastjóra þar sem ákveðið var að
framlengja uppsagnarfestinn til 1. júní. Eftir að
um málið hafði verið fjallað að nýju hjá stjórn
L.í. var ákveðið að þeir sem þess óskuðu fengju
að taka vaktir út samningstímabilið.
í síðasta samningi er kveðið á um, að
Sjúkrasamlag Reykjavíkur greiði rekstrarhalla
vaktarinnar til 15. nóv. 1987 enda hafi við
undirskrift fyrri samnings (ágúst 1985) sem verið
hafi til reynslu, ekki verið Ijóst hver þróun launa
og kostnaðar yrði á samningstímanum.
Mánaðarlegar greiðslur S.R. til
Læknavaktarinnar sf. eru nú rúmar 1.600.000 kr.
Eins og áður eru allir starfsmenn hjá
læknavaktinni undirverktakar nema
ræstingafólk. Hlutfallsleg skipting mánaðarlegra
útgjalda er eftirfarandi: Hjúkrunarfræðingar
34,5%, akstur 32%, ritarar 11%, læknar 10,5%,
yfirstjórn 3,5%, rekstrarvörur, símakostnaður
o.fl. 4,5%, laun og launatengd gjöld 2,%,
afskriftir og opinber gjöld 2%.
Læknavakt í Hafnarfirði og Garðabæ
Samningur er frá 28.8.1985 og hafa greiðslur
samkvæmt honum breyst í samræmi við
launabreytingar heilsugæslulækna.
ORLOFSNEFND
Á árinu fóru fram gagngerðar endurbætur á
íbúðinni á Akureyri og er hún nú sem ný.
Húsgögn voru einnig endurnýjuð. Nýting
orlofshúsnæðis er góð sem fyrr og sumartíminn
fullnýttur, þó er íbúðin í Reykjavík minnst notuð.
Rætt hefur verið um að næsta orlofshús verði
reist á Austurlandi og þá fyrr en seinna.
NÁMSKEIÐS- OG FRÆÐSLUNEFND
Undirbúningur haustnámskeiðs var sem fyrr
helsta verkefni nefndarinnar á árinu. Námskeiðið
var haldið á Holiday Inn hótelinu 22. til 26.
september. Efni þess var fjórþætt: Meðferð
bráðatilfella sem átta læknar fluttu erindi um,
endurlífgun sem Axel Sigurðsson sá um,
hjartasjúkdómar, haldið í samvinnu við
Hjartasjúkdómafélag íslenskra lækna, en um þá
fluttu tveir breskir læknar erindi og flutningur
frjálsra erinda og sýning spjalda. Bárust 27
útdrættir um margvísleg efni, 15 spjöld og 12
frjáls erindi.
Einnig var haldin lyfja- og áhaldasýning í
tengslum við námskeiðið með þátttöku 11 aðila.
Þátttaka á haustþinginu var góð, en alls voru
skráðir 57 læknar. Þátttakendur á námskeiði í
endurlífgun voru 25. í mars var haldið í samvinnu
við Læknablaðið námskeið um tölfræði, siðfræði
og rannsóknir. Kennarar voru tveir danskir
læknar og voru þátttakendur 24. Fellt var niður
vegna áhugaleysis fyrirhugað framhaldsnámskeið
í stjórnun fyrir lækna.
Haustnámskeiðið verður haldið í Domus Medica
dagana 21. til 24. september n.k. Meginefni þess
verður: Meðferð kransæðasjúkdóma,
brjóstakrabbamein, meðferð ákveðinna sýkinga
og meltingarsjúkdóma, og málþing um
geðvefræna læknisfræði. Þá hefur nefndin
ákveðið að halda tveggja daga námskeið um