Læknablaðið - 15.08.1990, Qupperneq 53

LÆKNABLAÐIÐ
319
t
Oddur V.G. Ólafsson
Fæddur 26. apríl 1909
Dáinn 18. janúar 1990
Oddur var um flest fágætur maður. Að sama
skapi var læknisferill hans á margan hátt
óvenjulegur, sagt í jákvæðri merkingu, og
ekki sfður ferill hans í félagsmálunum. A
yfirvegaðan hátt fór hann aðrar leiðir en
viðteknar ef honum bauð svo við að horfa
og taldi það vænlegast til að ná settum
markmiðum.
Oddur var Suðumesjamaður, fæddur og
uppalinn á bænum Kalmanstjöm, sjósóknar-
og búskaparbýli frá fomu fari skammt
frá Höfnum. Foreldrar hans voru Olafur
Ketilsson bóndi þar og hreppstjóri og
Steinunn Oddsdóttir. Hann bar nafn Odds V.
Gíslasonar, móðurafa síns, sem um skeið var
prestur í Grindavík og þekktur fram á þennan
dag fyrir framsæknar hugmyndir, meðal
annars varðandi sjóslysavamir. Kunn er sú
sögn að hann hafi, presturinn í Grindavík, sótt
verðandi brúði sína, Onnu Vilhjálmsdóttur,
á laun úr foreldrahúsum í Höfnum, þar eð
foreldrar hennar voru andvígir ráðahagnum.
Séra Oddur og kona hans eignuðust mörg
böm og fluttust til Vesturheims árið 1894
með átta þeirra. Steinunn, móðir Odds, varð
eftir hér á landi. Þegar séra Oddur gerðist
leiður á prestskap í Vesturheimi lærði hann
á sjötugsaldri til læknis og varð skráður
meðlimur í bandaríska læknafélaginu árið
1910, þá 74 ára. Þegar við Oddur og konur
okkar vorum á ferð í íslendingabyggðum
vestanhafs fyrir einum áratug gafst okkur
sá ánægjulegi kostur, í bænum Arborg í
Manitoba, að líta augum læknisfræðibókasafn
séra Odds og ýmis lækningaáhöld.
Oddur fór í Menntaskólann í Reykjavík 14
ára gamall. Á þeim árum, þriðja áratugnum,
tröllreið berklaveikin þjóðinni eins og flestum
er kunnugt. Oddur sagði frá því að helmingur
sambekkinga hans í MR hafi fengið smitandi
berkla í skóla eða síðar á ævinni. Ekki veiktist
Ljósm.: Jóhannes Long
Oddur þó af berklum í menntaskóla en taldi
sjálfur að þar hefði hann orðið fyrir sýkingu.
Hann brautskráðist úr MR vorið 1929 og
hóf nám í læknadeild Háskóla íslands um
haustið. Námið sóttist vel og fljótlega gerðist
hann virkur í félagslífi stúdenta. Haustið 1932
stóð hann að því ásamt öðrum að stofna nýtt
stúdentafélag og var kosinn í stúdentaráð á
vegum þess. Oddi sagðist svo frá að lítið
hefði verið sofið og hvílst þessar haustvikur,
námið var stíft og félagsstússið mikið. í
nóvember fór hann norður á Kristnes til að
vinna um tíma sem stúdent og hugsaði gott til
glóðarinnar að komast í nýtt umhverfi, hvílast
og lifa reglubundnu lífi enda þreyttur orðinn
og slappur. Eftir stutta veru norðanlands og
án þess að hressast kom í ljós við skoðun