Dagblaðið Vísir - DV - 27.07.2007, Page 21

Það er í rauninni merkilegt hversu
veðurfarið hefur áhrif á margt. Meira
að segja neyslumynstrið. Við vitum
vel að veðrið ræður för ferðamanna.
Einu sinni gátu menn treyst á það
að útlensku ferðamennirnir kæmu
óháð veðrinu. Þeir pöntuðu ferðir,
fóru um í langferðabílum og í stórum
hópum og urðu að hlíta fyrirframgef-
inni dagskrá, hvort sem skólin skein
eða himnarnir helltu úr sér vætunni.
En nú er þetta breytt. Ferðavenjurnar
hafa breyst, útlendingar ferðast um á
bílaleigubílum og eru því í jafngóð-
um færum og við innlendir að velja
áfangastað með hliðsjón af veður-
fari.
Sólríkt sumar hefur líka áhrif á
það hvað við borðum. Hinir öflugu
verslunarhringir landsins sem hafa
getað farið sínu fram verða að játa sig
sigraða fyrir veðurguðunum. Sólskin
og sunnanvindur ræður neysluvenj-
unum í meira mæli en Baugur, Kaup-
ás og Samkaup samanlagt. Það kom
þá að því að einhver átti eitthvað í
þessar verslunarkeðjur !
Í góðu veðri er það ómótstæðileg
freisting að færa sig undan þakinu
sem maður hefur jafnan yfir höfð-
inu og út í veðursældina. Grillið er
þá freistingin og fátt jafnast á við það
að njóta þess að matbúa og helst að
borða úti undir berum himni. Og við
það breytast neysluvenjurnar.
Við sjáum af sölutölum að flest-
ir hugsa eins og sækjast í að grilla.
Það hefur jákvæð áhrif á kjötmark-
aðinn. Það er kannski til marks um
breytta samfélagshætti að nú hafa
menn tekið upp á því að kalla yfir-
standandi sumar grillsumarið mikla.
Hér áður og fyrr hefðu menn vænt-
anlega kennt sumar sem einkennd-
ist af þurrkum við eitthvað annað;
sennilega við góða heyskapartíð eða
annað svipað. En svona breytast tím-
arnir.
Og góða veðrið gleður einnig
hvalveiðimenn. Nú berast fréttir af
stóraukinni sölu á hrefnukjöti. Land-
inn er greinilega að átta sig á kost-
um þessa heilnæma fæðis; og einnig
þarna spilar góða veðrið stóra rullu.
Hrefnan er góð á grillið og og fun-
heitar glóðirnar fá því það hlutverk
að breyta þessu hráefni í góðan mat,
rétt eins og gildir um annað íslenskt
gæðakjöt.
En með kjöti fylgir meðlæti, sal-
öt, sósur sem búnar eru til úr mjólk-
urafurðum, kartöflur og annað slíkt
góðgæti. Góða veðrið glæðir slíka
neyslu því örugglega. Sem og á
fiskafurðum sem einnig eiga erindi
á glóðirnar.
Af þessu leiðir að gott veður er al-
mennt talað gott fyrir íslenska mat-
vælaframleiðslu. Sem aftur rifjar
það upp að minn gamli góði félagi
Vilhjálmur Egilsson benti stundum
á það að með því að flýta klukkunni
á sumrin, til samræmis við það sem
þekkist í helstu markaðslöndum
okkar í Evrópu, lengdist sá tími sem
menn gætu notið utanhúss, svo sem
við grillhlóðirnar. Það yki því neyslu
á lambakjöti og öðrum kjöttegund-
um. Eins og svo oft, fyrr og síðar, átti
Vilhjálmur kollgátuna. Gott veður
í sumar, þar sem fólk er meira ut-
andyra, hefur nú sannað kenningu
hans svo ekki verður um deilt.
Hestarnir í Reykjahlíð Það er ekki endilega tekið út með sældinni að vera góður klár í Reykjahlíð í Mývatnssveit þegar strókar af bitmýi umlykja allt.
Þessir hestar virtust fegnir að fá frið frá vargnum í kvöldsólinni. Mýið er þó ekki öllum til ama, helsta æti margra fugla og fiska á svæðinu.
DV-MYND SIGTRYGGUR
myndin
P
lús
eð
a m
ínu
s
Hreiðar Már Sigurðsson, forstjóri
Kaupþings, fær plúsinn að
þessu sinni fyrir að hafa stýrt
bankanum í gegnum fyrri
helming árs með þeim árangri að
hagnast um 46,8 milljarða. Það þýðir
fullt af sköttum í ríkissjóð - sem
gagnast okkur öllum.
Spurningin
„Nú höfum við tækifæri til þess að sjá
hvort notkunin breytist og þá getum
við metið það hvort það eigi að breyta
gjaldskránni,“ segir Þorbjörg Helga
Vigfúsdóttir, borgarfulltrúi Sjálfstæðis-
flokks.
Reykjavíkurborg hefur tilkynnt að
námsmenn muni fá frítt í strætó frá og
með haustinu. Í tilkynningunni segir
að vonast sé eftir því að önnur
sveitarfélög á höfuðborgarsvæðinu
geri slíkt hið sama.
HVENÆR VERÐUR
STRÆTÓ ALVEG GJALD-
FRJÁLS, ÞORBJÖRG?
Sandkassinn
Það er mikill sjónarsviptir að
Einari Oddi Kristjánssyni alþing-
ismanni. Sennilega eru margir
betur til þess
fallnir að minn-
ast Einars á
prenti en blaða-
maður sem
varla hafði slitið
barnsskóm þeg-
ar þjóðarsátt
náðist á Íslandi.
Engu að síður
hafði þessi mæti maður stimplað
sig inn í vitundina fyrir að vera
berorður, hreinskilinn og trúr
eigin sannfæringu, burtséð frá
flokkslínum og tískustraumum.
Þetta er ekki öllum gefið.
Erfiðleikar vofðu yfir heimabæ
Einars, Flateyri, nú með vorinu.
Hann fór strax vestur á Sólbakka
og dvaldi þar með sínu fólki, í
bæjarfélagi sem þolað hafði mikil
áföll.
nokkrir af áhrifamestu nú-
lifandi Íslendingum báru enda
kistu Einars Odds, grátklökkir, út
úr Hallgrímskirkju á miðvikudag.
Fyrir þá sem ekki voru á staðn-
um segja fréttamyndirnar allt
sem segja þarf. Myndirnar eru
ekki dæmigerðar fréttamyndir,
atburði í mótun. Þær einkennast
fremur af kyrrstöðu andlátsins og
tilfinningu missis sem umlykur
alla athöfnina. Það þarf engan
sérfræðing til að átta sig á svip-
brigðum forsætisráðherra, seðla-
bankastjóra og ríkissáttasemjara.
Sorg og missi þekkja allir.
Það er bæði hlýlegt og sérís-
lenskt fyrirbæri að flestir æðstu
stjórnendur landsins geti komið
saman undir
sama þaki og
minnst manns
sem annað-
hvort hefur
reynst þeim
traustur sam-
herji eða öflug-
ur andstæðing-
ur án þess að
þurfa að óttast mjög um öryggi
sitt. Sjálfsagt hefur þurft einhvern
öryggisviðbúnað vegna samkom-
unnar. En á Íslandi er þetta hægt
án þess að miðbærinn sé allur
undirlagður af her og sérsveitum.
nú er sjálfsagt enginn sem get-
ur fyllt skarðið sem Einar Oddur
skilur eftir sig. Það má hins vegar
óska þess að þeir, sem nú stunda
stjórnmál eða hafa köllun til
þess í framtíðinni, taki sér Einar
Odd Kristjánsson til fyrirmyndar.
Fyrst og fremst með því að fylgja
sannfæringunni og kölluninni.
Sigtryggur staðnæmist yfir
fréttamyndum af minningarathöfn.
Góða veðrið er gott fyrir
matvælaframleiðsluna
Hjörtur skrifar:
Ónothæfar heimasíður
Það er alveg með ólíkindum
hvað margar heimasíður hjá versl-
unum og þjónustufyrirtækjum eru
lélegar.
Ekki er hægt að nýta kvöldin í að
afla sér upplýsinga eins og ég hélt
að væri orðið í netvæddu nútíma-
samfélagi. Ég ætla að kaupa parkett
og byrjaði að kanna á netinu hvar
ég sæi eitthvað til þess að skoða
betur en það gagnast mér mjög lít-
ið og illa að skoða parkett og hafa
enga hugmynd um fermetraverðið.
Þetta er frekar pirrandi og ég er að
hugsa um að eiga mín viðskipti við
það fyrirtæki sem þó hafði skástar
upplýsingarnar. Eins ætlaði ég að
leigja gám í nokkra daga, alla vega
að athuga hvort það væri ekki hag-
kvæmara en aka með rusl í Sorpu
á kerru. En, nei, það er ekki hægt
nema á skrifstofutíma og með því að
hringja. Af hverju get ég ekki fengið
þessar upplýsingar í gegnum netið?
DV Umræða föStudaGuR 27. júlÍ 2007 21
EiNAR k.
GUÐFiNNSSON
ráðherra skrifar
„Og góða veðrið
gleður einnig hval-
veiðimenn. Nú berast
fréttir af stóraukinni
sölu á hrefnukjöti.“
LESEndUR