Dagblaðið Vísir - DV - 27.07.2007, Side 33
þjálfað Skjern í fjöldamörg ár en
vildi breyta til og sinna öðrum verk-
efnum innan félagsins. Aron segir
það hafa hjálpað sér mikið að hafa
jafnfæran þjálfara og Anders Dahl
sér við hlið. „Ég tók við starfinu hjá
Skjern og hafði Anders Dahl-Niel-
sen sem aðstoðarþjálfara en hann
þjálfaði liðið í mörg ár áður en ég
tók við því. Það hjálpaði mér mikið
að hafa jafnreyndan mann með mér
og Anders Dahl en hann varð sjálf-
ur framkvæmdastjóri félagsins. Árin
þrjú í Skjern þar sem ég var atvinnu-
þjálfari gáfu mér mjög mikið. Ég
fékk tækifæri til þess að kynna mér
allt ofan í kjölinn eins og til dæmis
líkamlega þáttinn. Ég hef trú á því
að það hafi komið sér vel fyrir mig
því á þremur árum sem atvinnu-
þjálfari hef ég lært hluti sem tækju
mig heila eilífð að læra sem þjálfari
hér heima á Íslandi.“
Þurfum að hugsa fram á við
Á löngum ferli sínum hefur Aron
leikið undir stjórn fjölmargra reyndra
þjálfara. Hann segir það hafa hjálpað
sér mikið í þjálfun sinni að vera með
ólíka blöndu þjálfara á sínum leik-
mannaferli. „Það hafa verið forrétt-
indi að hafa haft eins marga góða
þjálfara og ég hef haft á mínum ferli
sem leikmaður. Þeir þjálfarar sem ég
hef haft hafa verið sterkir á mismun-
andi sviðum. Ég hef haft Jóhann Inga
Gunnarsson ásamt Gauta Grétars-
syni sem var sterkur með líkamlegu
hliðina. Ég hafði Viggó Sigurðsson
í mörg ár auk Gunnars Gunnars-
sonar og Sigurðar Gunnarssonar að
ógleymdum Anders Dahl-Nielsen
sjálfum. Þeir landsliðsþjálfarar sem
ég hafði voru líka góðir og ég lærði
mikið af þeim. Nokkrir af þessum
þjálfurum voru leikstjórnendur eins
og ég og því græddi ég mikið á þeim.
Þannig hef ég líka myndað mér skoð-
un hvernig ég ætla mér að nýta leik-
stjórnanda í mínu liði. Það er mitt
mat að þjálfarinn og leikstjórnand-
inn þurfi að sjá hlutina með svipuð-
um hætti ef sóknarleikur liða á að
virka vel,“ segir Aron.
Auk þess að vera þjálfari meist-
araflokks Hauka hefur hann ráðið sig
sem framkvæmdastjóri handknatt-
leiksdeildar félagsins. Aðspurður
hvernig starfslýsingin sé segir Aron
að hún sé tvenns konar. Annars veg-
ar sinnir hann þjálfuninni og sér um
tengingu milli elstu flokka hjá fé-
laginu auk þess sem hann kemur
að vinnu utan vallar. Sú vinna teng-
ist fyrst og fremst umgjörð félags-
ins. „Starfslýsingin hjá mér er í raun
í mótun ennþá. Haukar eru stórt
íþróttafélag og aðalstjórn félagsins
hefur unnið að því að fá menn til að
vinna betur saman innan félagsins.
Ég kem að þeirri vinnu ásamt öðr-
um innan félagsins. Þannig að körfu-
boltinn, handboltinn og fótboltinn
vinna saman svo að æfinga- og leik-
tímar rekist ekki á. Þannig er hægt
að koma í veg fyrir að börnin þurfi
að velja á hvaða æfingu þau ætla sér
að fara. Starf mitt felst í því að sinna
þjálfuninni og stofna teymi þjálf-
ara frá 4. flokki og upp úr hjá hand-
knattleiksdeildinni til að starfið verði
faglegra þar. Við ætlum að reyna að
fá fleiri leikmenn til að skila sér upp
í meistaraflokk félagsins og erum
auk þess að vinna að kerfi sem skil-
ar okkur fullmótuðum leikmönnum
í meistaraflokkinn.
Hinn hluti starfs míns hér sem
framkvæmdastjóri felst í því að bæta
umgjörðina í kringum félagið. Það
hafa ótrúlega margir unnið í kringum
Haukana undanfarin ár og það verð-
ur að haldast þannig áfram. Það er
ekki nóg að ráða bara framkvæmda-
stjóra og henda allri vinnu á hann því
þá verður engin þróun fram á við hjá
félaginu. Ég ætla mér líka að sækja
hugmyndir til þess hvernig hlutirnir
hafa verið gerðir í Danmörku. Hluti
af þeim hugmyndum snertir um-
gjörð í kringum styrktaraðila félags-
ins. Ég ætla mér að reyna að koma af
stað nokkurs konar fyrirtækjaklúbb
innan deildarinnar. Þangað fara þau
fyrirtæki sem setja pening í starfið og
fá eitthvað meira í staðinn en bara
auglýsinguna sína. Við ætlum í raun
að gera handboltann að meiri aug-
lýsingavöru og markmiðið er að það
verði eftirsóknarvert að vera með í
fyrirtækjaklúbbnum hjá Haukum. Ég
þarf bara að passa mig að vera ekki í
vinnunni frá sex á morgnana til tvö
á nóttunni því verkefnin eru gríðar-
lega mörg.“
Aron bætir við að það hafi að
mörgu leyti gleymst að líta fram á
við hjá félaginu. Hann segir að menn
hafi verið of duglegir að hugsa um
það sem gert hafi verið áður hjá
Haukum. „Meistaraflokkurinn hef-
ur verið í ákveðinni lægð undanfar-
ið og það gerist oft þegar það hefur
verið mikil velgengni að fólk verður
dálítið ánægt með sig. Þá gleymist
að líta fram á veginn og menn kíkja
frekar til baka og stæra sig af fyrri af-
rekum. Við það er hætt við að önn-
ur lið fari fram úr manni vegna þess
að það ætla sér allir að ná þeim sem
leiðir hópinn.“
Höfum sofið á verðinum
Talið berst að stöðu handboltans
hér heima á Íslandi. Aron segir það
ótrúlegt hversu mikið áhorfendum
á handboltaleikjum hefur fækkað.
„Það eru ekki svo mörg ár síðan að
það voru mjög margir áhorfendur
á handboltaleikjum. Það er ótrú-
legt hvað hefur fækkað áhorfend-
um á leikjum hér heima á stuttum
tíma. Handbolti er og verður þjóð-
aríþrótt Íslendinga, það er þar sem
íslenska þjóðin sameinast. Það eru
svona turnar í íslensku íþróttalífi
eins og handboltalandsliðið er sem
sameinar þjóðina. Það sýnir manni
að áhuginn er til staðar og því tel
ég mikilvægt að fyrirtæki í landinu
setji líka peninga í handboltann hér
á landi.
Ég held það séu þó nokkrar ástæð-
ur fyrir því að það fækkar á hand-
boltaleikjum. Við höfum misst marga
leikmenn út í atvinnumennsku og
allt í einu eru það orðnir mjög ung-
ir leikmenn sem spila leikina og al-
menningur þekkir þá leikmenn ekki.
Mér finnst samt tilhneigingin vera
sú að leikmenn komi heim frá út-
löndum sem gerir vonandi deildina
meira spennandi. Auk þess tel ég að
markaðs- og fjárhagslega höfum við
algjörlega sofið á verðinum bæði
hvað félagsliðin og sambandið varð-
ar. Það er samt ekki alltaf bara hægt
að benda á handboltasambandið
eða næsta félag við hliðina á. Maður
verður fyrst að taka til hjá sjálfum sér
áður en maður fer að benda á aðra.
Það erum við í Haukum að reyna að
gera.“
Haukar hafa bætt við sig nokkrum
öflugum leikmönnum fyrir veturinn
og telur Aron að liðið eigi góða mögu-
leika á að blanda sér í toppbaráttuna
á næsta keppnistímabili „Það hafa
verið miklar breytingar hjá okkur eft-
ir síðasta tímabil. Við höfum misst
hornamennina Guðmund Pedersen
í FH og Samúel Árnason sem hætt-
ir. Auk þess er skyttan Árni Sigtryggs-
son farinn til Spánar. Við höfum bætt
við okkur í skyttustöðunum með til-
komu Gunnars Berg Viktorssonar,
Halldórs Ingólfssonar og Arnars Jóns
Agnarssonar. Þar fyrir utan höfum
við líka fengið Gísla Guðmundsson
í markið með Magnúsi Sigmunds-
syni. Auk þess sem Arnar Pétursson
fer á línuna næsta vetur sem er nýtt
fyrir hann, þar verður hann ásamt
Kára Kristjáni Kristjánssyni. Þetta er
ekki mikil viðbót í leikmannafjölda
en ég held að breiddin sé fín í lið-
inu og blanda leikmanna sé góð. En
það gæti tekið tíma að fá liðið til að
virka saman. Ég held samt að við ætt-
um alveg að geta verið með lið sem á
heima í fjórum efstu sætunum,“ segir
Aron að lokum. kari@dv.is
DV Sport föstudagur 27. júlí 2007 33
Hugmyndasmiður Haukamanna
„Þá varð ég að velja
hvort ég vildi fara í end-
urhæfinguna og taka
sénsinn hvort ég gæti
komið til baka sem leik-
maður eða hvort ég
vidi hella mér út í þjálf-
un strax. Ég ákvað að
taka þjálfarastöðuna
hjá Skjern og sé alls ekki
eftir því.“
Er stórHuga
aron ætlar sér stóra hluti með Haukana.
gömul kEmpa
aron var öflugur leikmaður á sínum tíma.