Kjarninn - 07.11.2013, Blaðsíða 49

04/05 kjarninn Íþróttir
þjálfaði drenginn um skeið. Það voru
því töluverð vonbrigði þegar Carlsen
tilkynnti árið 2010 að hann drægi sig
út úr áskorendakeppninni, þar sem
skipulag keppninnar gæfi ríkjandi
heimsmeistara ósanngjarnt forskot.
Þeim mun meiri er tilhlökkunin að
sjá hann ráðast á Anand eftir að
hafa unnið áskorendamót síðastliðið
vor á stigum eftir að hafa orðið jafn
Kramnik að vinningum.
Einvígið
Þeir Anand og Carlsen teljast báðir
meðal bestu skákmanna sögunnar en
stíll þeirra er að mörgu leyti frekar
ólíkur. Skákstíl Anands má líkja við stíl Kasparovs, sem
byggir á sóknartaflmennsku með löngum út reikningum,
þó svo að hann hafi róast með árunum. Anand byggir
byrjanataflmennsku sína á löngum og nákvæmum tölvu-
stúderingum í flestum afbrigðum og er talinn hafa besta
teymi aðstoðar manna og tölvubúnaðar sem í boði er. Þessi
undir búningur hans hefur gegnum tíðina skilað honum
nokkrum auðveldum en glæsilegum sigrum jafnvel gegn
bestu skákmönnum heims, þegar þeir hafa rambað inn í
völundarhús byrjanaþekkingar heimsmeistarans. Carlsen
reiðir sig meira á djúpa þekkingu á stöðunum sem koma úr
byrjununum, enda hefur hann sagst líta svo á að hann sé
besti skák maðurinn hvar sem hann teflir og því vilji hann
einfaldlega komast í miðtaflið og neyta þar aflsmunar.
Carlsen er þekktur fyrir að tefla til síðasta manns og leita
vinnings þar sem flestir myndu sættast á skiptan hlut. Hefur
hann sviðið margan öflugan skákmanninn í endatafli, jafnvel
upp úr fræðilegum jafnteflisstöðum. Þá hefur öflugt líkam-
legt atgervi Norðmannsins unga komið sér vel.
Hjörvar Steinn Grétarsson, nýjasti stórmeistari okkar
Íslendinga, telur að aldursmunur keppenda muni hafa mikið
Smelltu til að sjá
Magnus Carlsen
og Liv tyler sitja
fyrir í auglýsingum
G-Star raw
Magnus Carlsen þungt hugsi