Kjarninn - 16.01.2014, Síða 22
06/06 Danmörk
en þar vinna tæplega 4.000 manns, þar af um það bil 150
hönnuðir. Auk verksmiðjunnar í Billund á fyrirtækið
nokkrar verksmiðjur og er með 7.000 starfsmenn í öðrum
löndum. Lego hefur ætíð lagt áherslu á að eiga sínar verk-
smiðjur en kaupa ekki af undirverktökum. Eftir því sem næst
verður komist hefur aðeins eitt fyrirtæki sem ekki er í eigu
Lego fengið leyfi til að framleiða Lego-kubba. Það er Reykja-
lundur, en þar voru í mörg ár framleiddir Lego-kubbar sem í
fyrstu voru kallaðir SÍBS-kubbar. Þessir kubbar, og kassarnir
utan um þá, eru safngripir í dag.
Margir hafa spurt: hver er galdurinn á bak við Lego? Því
getur enginn svarað en kannski er svarið það að Lego býður
upp á nær endalausa möguleika og höfðar til allra aldurs-
hópa. Að „kubba“ er ekki bara leikur yngstu borgaranna, því
tugþúsundir fólks á öllum aldri, um allan heim, dunda sér við
Lego og árlega eru haldnar um viða veröld
samkomur þar sem Lego-aðdáendur hitt-
ast og bera saman (kubba) bækur sínar.
Þegar Lego-fyrirtækið varð áttrætt í
ágúst 2012 tóku starfsmennirnir til gam-
ans saman nokkrar tölur, hér skulu örfáar
nefndar. Ef allir Lego-kassar sem seldir
voru árið áður væru látnir þekja fimm
þúsund fermetra blett, svona álíka og einn
fótboltavöll, yrði þar til stafli sem væri 193
metra hár, það er álíka og 55 hæða hús.
Ef allir kubbarnir sem seldust árið 2011 væru lagðir hver við
endann á öðrum myndu þeir ná rúmlega 16 sinnum umhverfis
jörðina. Þetta sama ár voru alls framleiddar 340 milljónir
Lego-karla og -kerlinga og ef þeim væri stillt upp hlið við hlið
yrði það 7.900 kílómetra lengja, álíka og frá Billund á Jótlandi
til Dallas í Texas (Lego-fólkið kom á markaðinn árið 1978). Á
hverri einustu mínútu verða til í verksmiðjunni í Billund 42
þúsund hlutir og af færibandinu í þeirri sömu verksmiðju
buna um það bil 1.400 kassar af Lego-dóti á hverri einustu
klukkustund. Ef ársframleiðslu allra Lego-verksmiðjanna yrði
safnað saman á einn stað yrði það myndarlegur haugur.
„Á hverri einustu mínútu
verða til í verksmiðjunni í
Billund 42 þúsund hlutir og
af færibandinu í þeirri sömu
verksmiðju buna um það bil
1.400 kassar af Lego-dóti á
hverri einustu klukkustund.“