Kjarninn - 08.05.2014, Blaðsíða 41

33/34 orkumál
mikill þrýstingur
Bretar hafa sett sér metnaðarfull markmið um að auka
hlutdeild vistvænnar orku jafnt og þétt á næstu árum.
Evrópusambandið stefnir á að aðildarríkin fái 20 prósent af
orku sinni frá vistvænum orkugjöfum árið 2020, samkvæmt
samþykktum á vettvangi sambandsins, en fátt bendir til þess
að aðildarríkin geti uppfyllt það markmið. Annað sem þrýstir
á að ríkin finni lausnir um orku er sífellt meiri orkuþörf
fyrir tækja og heimila. Ríki kappkosta þannig að vinna að
orkumálum með það að leiðarljósi að vera sjálfbær um orku.
Í skrifum fagtímarita um stjórnmál og viðskipti eru orkumál
sögð vera risavaxið viðfangsefni horft til næstu ára litið. Þar
kemur margt til en einkum þó alþjóðlegar skuldbindingar
um aukið vægi vistvænnar orku og síðan sjálfbær staða
hverrar þjóðar um orku. Hún viðheldur samkeppnishæfni og
styrkir innviði og stoðirnar til vaxtar.
Horft til norðurs
Í þessu samhengi horfa Evrópuþjóðir, ekki síst bresk stjórn-
völd og breskir fjárfestar, til norðurs. Eins og ASG hefur
kynnt verkefnið fyrir fjárfestum og fleiri aðilum telur félagið
að lagning sæstrengsins sé vel möguleg tæknilega. ASG hefur
jafnframt lofað því að fjármagn muni nást í verkefnið, allt
500 milljarðar króna, en það verður ekki að veruleika nema
bresk og íslensk stjórnvöld nái saman um verkefnið, í það
minnsta að veigamiklu leyti.
aðrir hagsmunir hjá landsvirkjun
Landsvirkjun, langsamlega stærsta orkurfyrirtæki lands-
ins, hefur unnið ötullega að öflun upplýsinga um lagningu
sæstrengs og hvað það gæti þýtt fyrir íslenska þjóðarbúið.
Hörður Arnarson, forstjóri fyrirtækisins, hefur opinberlega
talað um að sæstrengur gæti verið stærsta viðskipta tækifæri
sem Ísland hefur staðið frammi fyrir. Að mörgu sé þó að
hyggja og nauðsynlegt sé að haga öllum undirbúningi máls-
ins eins vel og kostur og ræða kosti og galla þess að fara út í
verkefnið.
„Hendry hefur
síðan unnið
ötullega að
undirbúningi
verkefnisins.“