Kjarninn - 08.05.2014, Blaðsíða 37

30/30 líbanon
sýrlenskra flóttamanna koma á heilsugæslurnar daglega.
Ástandið er tímabundið og markmiðið einfalt: Að halda lífi
í flóttamönnunum þar til þeim er óhætt að snúa aftur heim
til Sýrlands. Erfiðlega hefur reynst að ná til stórra hópa
flóttamanna sem halda til á afskekktum svæðum. Því hefur
Rauði krossinn á Íslandi, í samstarfi við norska og líbanska
Rauða krossinn, séð um rekstur svokallaðra færanlegra
heilsugæslna frá því haustið 2013. Líbanskt heilbrigðis-
starfsfólk, oftast sjálfboðaliðar, fer daglega með sjúkrabíl
á þessi afskekktu svæði og veitir nauðsynlega aðhlynningu
og þjónustu. Nú þegar eru starfræktar þrjár færanlegar
heilsugæslur og sú fjórða verður gangsett innan nokkurra
vikna. Þörfin er mikil og brýnt er að fjölga þeim enn frekar.
Aldrei er jafnmikilvægt að veita fé til hjálparstarfs og á
krepputímum. Kreppa hjá þróuðum hópi þjóða þýðir marg-
föld kreppa hjá þeim þjóðum sem þegar búa við bág kjör. Við
sem unnum það lífsins lottó að fæðast á Íslandi getum stutt
bræður okkar og systur í Líbanon sem leggja á sig gífurlegar
fórnir svo að sýrlenska þjóðin geti snúið heim heil á húfi að
stríði loknu.
Þeir sem vilja leggja hjálparstarfinu í Sýrlandi lið eru
hvattir til að hringja í söfnunarsíma Rauða krossins: 904 1500
(1.500 kr.), 904-2500 (2.500 kr.) og 904-5500 (5.500 kr.).