Nýjar kvöldvökur - 01.06.1929, Blaðsíða 32

82
NÝJAR KVÖLDVÖKUR
þegar Olivetta komst eftir einhverju um
Gian Narcone. Við töluðum lengi saman
og loks ljet jeg undan kröfu hennar —
hún er contadma — hún gleymir aldrei —
og jeg skrifaði fyrsta brjefið til hr. Do-
nelly. Jeg var hrædd urn að þjer munduð
sjá og þekkja skrift mína, svo jeg keypti
mjer skrifvjel.
Lögreglustjórinn var drepinn þrátt fyr-
ir aðvaranir okkar og svo gengust þjer
fyrir því að hans yrði hefnt. — Þjer —
eini vinur minn, bróðir Martels. Jeg vissi,
að La Mafia mundi drepa yður nema þjer
gætuð sigrað þá og mjer fanst jeg bera
ábyrgð á þeirri hættu, sem þjer voruð og
eruð í. Mjer fanst það skylda mín að
hjálpa yður til þess að eyðileggja þetta
bræðralag, enda þótt jeg kysi fremur að
láta aðra berjast«.
Hún gekk út að glugganum og leit nið-
ur á dimma götuna.
»Svo þjer hafíð hugsað um mig?«
mælti hann. »Þjer hugsuðuð um mig áð-
ur en við hittumst?«
»Jeg hefi altaf hugsað til yðar«, mælti
hún rólega, »þjer voruð eini vinur minn,
og jeg var einstæðingur. Hún horfði á
hann og brosti. »Og þjer hafið líka stund-
um hugsað um Sikileyjarstúlkuna — var
það ekki?«
Rödd hans skalf, er hann svaraði:
»Hvern dag hefi jeg sjeð yður í huga
mjer, greifynja. Jeg varð þreyttur á bið-
inni, en jeg fann á mjer að við ættum eft-
ir að hittast«.
Hún rjetti honum báðar hendur sínar.
»Vinátta yðar hefir verið mjer mikil
huggun og verður ætíð. Þegar jeg byrja
nýtt líf, verður mjer mikil huggun að því
að vita að yður líður vel—«
»En jeg get aldrei orðið hamingjusam-
ur!« mælti hann með ákefð.
Hún stöðvaði hann með augnatilliti
sínu.
»Nú verðið þjer að fara. Jeg skal vísa
yður veg. Meðan Cardi er laus megið þjer
ekki koma hingað, það er of mikil áhætta
fyrir okkur öll. Ef Olivetta kemst að ein-
hverju skal jeg láta yður vita. Aumingja
stúlkan, hún þarf mín í kvöld! Komið!«
XIX. KAFLI.
Felicité.
»Þú varst einmitt sá maður, sem jeg
vildi frekast hitta«, mælti Bernie Dreux,
er hann morguninn eftir, af tilviljun,
rakst á Norvin. »Jeg hefi uppgötvað dálít-
ið«.
»Svo, hvað er það?«
»Ssh! Veggirnir hafa eyru«. Bernie
leit um öxl. »Komdu!« Hann fór með
Blake inn á kaffihús rjett hjá. »Þú getur
aldrei getið upp á hvað þetta er«, mælti
hann.er þeir voru sestir.
»Jeg ætla heldur ekki að reyna það,
Bernie. Þú ert orðinn svo leyndardóms-
fullur«.
»Jeg hefi fundið hann!«
»Hvern ?«
»Forsprakka glæpamannanna! Belisario
Cardi!«
Blake hrökk saman og brosið hvarf af
vörum hans.
Dreux hjelt áfram:
»Þú trúir mjer kannske ekki, en þú
þekkir hann. O’Neil þekkir hann líka.
Hann nýtur almenningstrausts«.
Norvin fór að halda, að vinur hans
hefði af tilviljun komist að sannleikan-
um. Dreux hallaði sjer aftur á bak í stóln-
um og brosti sigrihrósandi.
»Nú! Hvað heitir hann?«
»Joe Poggi«.
»Poggi? Það er eigandi ávaxtabúðar-
innar, sem þú átt að hafa eftirlit með«.
»Einmitt! Donelly grunaði hann«.
»Bull! Poggi er sjálfur í lögreglunni«.