Nýtt Helgafell - 01.06.1956, Page 48

94
NÝTT HELGAFELL
Ungur snillingur
Ungur bandarískur píanóleikari, Eugene
Istomin, kom hingað til lands á vegum Tón-
listaríélagsins í Reykjavík og hélt hér hljóm-
leika íyrir styrktarmeðlimi félagsins dagana
2. og 3. febrúar, og einnig spilaði hann fyrir
Tónlistarfélag Hafnarfjarðar með sömu verk-
efnum. Efnisskráin klassisk og rómantísk
verk, og er því ekki að neita, að þó að Wald-
steinsónata Beethovens sé stórbrotið verk
og beri meistaranum fagurt vitni, þá gengur
það sannarlega of langt að heyra það leikið
á þrem til fjórum síðustu tónleikum félagsins,
og ætti að vera auðvelt að koma í veg fyrir,
að slíkt geti hent.
En snúum okkur að tónleikunum, sem hóf-
ust á A-dúr sónötu Haydns (Nr. 11), litlu og
gáskaíullu verki, sem píanóleikarinn túlkaði
með sérstakri tónmýkt og yndisþokka, sem
gaf strax til kynna, að hér væri meira en
meðalmaður á ferðinni. Næst spilaði lista-
maðurinn fyrrnefnda Waldsteinsónötu, og
minnist undirritaður ekki að hafa heyrt hana
betur spilaða. Fór þar saman afburðatækni
og innsæi, sem kom manni til að gleyma
stund og stað og einnig því, hversu oft verkið
hefir verið leikið hér áður.
Eftir hléið spilaði píanóleikarinn 2 prelúdí-
ur eftir Debussy -— sú fyrri ágætlega túlkuð,
með þeim þokukennda og mjúka áslætti, sem
nauðsynlegur er fyrir Debussy, en General
Lavine Excentric gat ég aftur á móti ekki
fellt mig við. Þar notaði píanóleikarinn allt of
mikið rubato-spil, sem eyðilagði áhriíin af
þessari skemmtilegu litlu prelúdíu.
Eftirvænting var mikil að heyra hið eina
nýja verk, sem var á efnisskránni, en það
var lítil prelúdía eftir bandarískt „tónskáld"
Abram Chasins, en vonbrigði voru mikil hjá
hlustendum, því hver hefir gaman af að
heyra lélega eftirhermu af 19. aldar píanó-
rómantík. Ut á spilið var ekkert að setja.
Að endingu spilaði Eugene Istomin ABEGG
variationir eftir Schumann op. 1, sem er bráð-
skemmtilegt og fagurt verk en ekki sá frum-
legi Schumann, sem kom strax í op. 2 (Papil-
lon), og þá Ballödu Chopins í f-moll, eitt
þroskaðasta og fegursta verk meistarans og
mjög vandmeðfarið, hvorttveggja túlkað á
svo fullkominn hátt, að betra varð ekki
kosið.
RÖGNVALDUR SIGURJÖNSSON
Alltaf er hann beztur
BLÁI BORÐINN