Árbók skálda - 01.12.1955, Qupperneq 41

E L 1 A S
M A R
S'umarauki ed'a Adults only
1
Jesús minn almáttugur hvað fólk getur verið ægilegar
skepnurl gall við í þeirri sextán vetra. Frúin móðir hennar
hrökk við í mjúku sætinu hinumegin við dyratjaldið: Hvað
er þetta, barn!
Oooo! Ég get drepið suma, svei mér þá! korraði í dóttur-
inni. Síðan bætti hún við með önuglegri stráksrödd: Það er
búið að skera úr blaðinu. Það er búið að rífa burt mynd eða
eitthvað úr hálfri síðu, svo ég fæ ekki niðurlagið; og hún sem
ætlaði að fara að drep'ann. (Hrópar) Þetta er að gera mig
vitlausa! Ég fer af heimilinu!
Að orðræðu þessari lokinni heyrðist ekkert um stund, nema
hvað þunnum blöðum var flett illskulega svo nærri lá þau
rifnuðu.
Frúin hafði stungið sig á nálinni svo blæddi. Nú lagði hún
frá sér handavinnu sína, núði hendurnar í senn þreytulega
og værðarlega, reis úr sæti og þokaði dyratjaldinu frá Hún
leit á dótturina og sagði: Þarf nú að hrópa svona hátt? Upp
á síðkastið hefurðu......
Ég hrópa eins hátt og mér sýnist, anzaði stúlkan fýlulega
en lægra, og virtist ekki ill lengur, að minnsta kosti ekki að
ráði. Hún flatmagaði á legubekk, klædd þröngum buxum og
angórapeysu og var nýbúin að klippa hár sitt a la Audrey
Hepbum.