Árbók skálda - 01.12.1955, Síða 67

65
•upp um sig pilsin og flýr sem fætur toga í áttina að Kaup-
félaginu, og í öðru lagi gerist það að strákamir halda að það
sé komið hádegi og eru komnir langleiðina að skúmum þegar
þeir uppgötva að klukkan er ekki enn orðin hálf tólf. Enn-
fremur gerist það, að ég rek hakann í skurðbakkann og fylli
stígvélin mín, og á meðan ég er að hella úr þeim byrja ég
að hugsa um Gvend í Bót og Vikublaðið og Inga og Ástu
og þar fram eftir götunum, og ég get ekki annað en dáðst að
því hvað forsjónin er sniðug þegar hún á annað borð er í
essinu sínu. Ég fæ ekki betur séð en að henni hafi tekizt að
ganga svo frá hnútunum í þessu máli að allir megi vel við
una. Ingi og Ásta halda íbúðinni. Ritstjóri Vikublaðsins hlýt-
ur að hafa fengið einar 5000 krónur fyrir auglýsingarnar.
Gvendur er með allar kompur fullar af skítugum vinnufatnaði.
Og jafnvel ég hef ekki gleymst. Því að sannleikurinn er sá,
að ég er satt að segja feginn að Gvendur í Bót skuli eiga
Siglufjarðarmyndina en ekki Vikublaðið, svo að dæmi sé
nefnt. Það er eins og Gvendur segir að það kunna ekki allir
að meta svona fallega og kúnstneriska mynd, og ég veit að
konan mín tilheyrir þeim hópi.
5