Dagskrá: tímarit um menningarmál - 01.12.1958, Page 31

Þorsteinn Jónsson frá Hamri:
Hjá vök blendíngsins
Stormkvika í morgunsárinu
og jökulbrúnin geymir liarðspora risans
vötnin frosin og vakir blendíngsins opnar
vindar stynja: gröfin er laungu týnd
refhvörf launúngarinnar hríslast í snjónum
og óttinn er inní mér
ég veit
að stunur fljótanna
grátur vinda og ilmur skóga
saungur lækja og fögnuður votrar sóleyjarinnar við brunninn
draumar mínir fornir: þys álfa galdur fugla
lifa enn og vœnta mín í lýngvöxnum lilíðum
forða hríðum og forða mér við hríðum
ég landleysínginn kveiki eld í hlóðum kofans
ég draumhuginn bœri varir mínar
ég víkíngurinn lœt heift mína ösla brimið uppí landsteina
ég fjármaðurinn hvíldist hjá vök blendíngsins
undir morguntúngli
meðan sögnin hvarf hljóðlega fyrir leiti
vindar grétu gröfin var laungu týnd
þegar ferðaþys álfanna vakti mig af svefni:
hornið er þeytt og hornið er laungu þeytt.
DAGSKRÁ 29