Sveitarstjórnarmál - 01.12.1976, Qupperneq 5

ALBERT K. SANDERS bæjarstjóri:
NJARÐVÍKUR
KAUPSTAÐUR
í tilefni af því, að Njarðvikurhreppur öðlaðist
kaupstaðarréttindi hinn 1. janúar 1976, fór ritstjóri
Sveitarstjórnarmála þess á leit við mig, að ég segði
lesendum blaðsins frá sögu byggðarlagsins, íbúum
þess og uppbyggingu. Mun ég leitast við í þessu
greinarkorni að gera þessu efni nokkur skil.
Forsaga
Njarðvíkur er fyrst getið í rituðum heimildum um
1300 og er þá í eigu kirkjunnar og nefnd Kirkju-
Njarðvík. Kirkja mun hafa verið reist þar um 1100.
Njarðvik varð bændaeign á 15. öld og skiptist þá í
fleiri býli. Þessar jarðir urðu konungseign árið 1515.
Njarðvíkur voru í Rosmhvalaneshreppi þegar
hreppar yoru myndaðir. Frá 1596 tilheyrðu Njarð-
víkur Vatnsleysustrandarhreppi. Árið 1889 var
Vatnsleysustrandarhreppi skipt og Njarðvikur-
hreppur stofnaður.
I annálum var Njarðvíkur getið vegna mikilla
fiskveiða og mikilvægis víkurinnar vegna hvalareka.
Árið 1703 voru skrásettar þrjár jarðir í Njarðvík auk
hjáleigna. Ennfremur var getið um þrjár jarðir í
eyði. Þá var mannfjöldi í Njarðvík 74.
Ljósmynd af líkani, sem Guðbrandur Magnússon gerði af Ytri-Njarðvík eins og byggðin leit út árið 1926.
SVEITARSTJÓRNARMÁL