Sveitarstjórnarmál - 01.10.1986, Page 26

SAMTALIÐ
„Stóríója vió Eyjafjörö myndi flýta fyrir
alhliöa atvinnuuppbyggingu”
Samtal viö Ingimar Brynjólfsson,
oddvita í Arnarneshreppi
Ingimar Brynjólfsson, bóndi á Ásláksstöðum,
hefur átt sæti í hreppsnefnd Arnarneshrepps samfellt
í 38 ár, eða frá árinu 1948 og hefur verið oddviti
hreppsins frá árinu 1966 eða í tuttugu ár í sumar.
Og nýlega var hann endurkosinn oddviti hreppsins
fyrir kjörtímabilið 1986-1990.
Arnarneshreppur liggur út með Eyjafirði
vestanverðum, í Hörgárdal, norðan Hörgár og á
Galmaströnd. Að honum liggja þrír hreppar,
Glæsibæjarhreppur, sem er milli Arnarneshrepps og
Akureyrar, Skriðuhreppur, sem er í framhluta
Hörgárdals, og Árskógshreppur. í hreppnum er 231
íbúi, þar af um 50 á Hjalteyri, eina þéttbýli hreppsins.
- Þú manst líklega tímana tvenna á Hjalteyri?
„Vegna hinnar góðu hafnaraðstöðu komu útlend-
ingar sér upp aðstöðu á Hjalteyri um síðustu aldamót
og fram að heimsstyrjöldinni fyrri. Það voru
Þjóðverjar, Norðmenn og Svíarog jafnvel
Hollendingar. Þeir byggðu bryggjur og hús, sem sum
standa enn og bera nöfn þeirra manna, sem byggðu
þau. Sumir verkuðu fisk í landi, aðrir verkuðu um
borð í skipum, sem lágu fyrir landi. Hjalteyri varð
verzlunarstaður um 1880, og fór þá fólk frá næstu
bæjum í hreppnum að setjast þar að, vinna og stunda
sjósókn. Þar ráku einstaklingar verzlun allar götur til
ársins 1978, er hún lagðist niður. Þegar Kaupfélag
Eyfirðinga opnar þar verzlun á ný á árinu 1980, hafði
þar verið samfellt verzlun í eina öld að undanteknum
þessum tveimur síðustu árum á undan. Á ýmsu hefur
gengið með atvinnurekstur á staðnum, stundum
hefur verið blómlegt atvinnulíf, en á milli dottið
niður. Á árinu 1937 byggði Kveldúlfur hf. stóra
síldarbræðslu á staðnum. Var það í minnum haft,
hversu stuttan tíma tók að reisa verksmiðjuna.
Byrjað var á byggingu hennar í febrúarmánuði, og
farið var að bræða í júlí sama ár. Byggingarmeistari
var Helgi Eyjólfsson, sem margir könnuðust við. Með
byggingu verksmiðjunnar lifnaði yfir atvinnulífinu.
Þar gátu allir fengið atvinnu, sem vildu, yfir sumarið,
og þar var brædd síld á hverju sumri allar götur til
ársins 1966, er síldin hvarf. Með þessa sögu í huga
verð ég að svara því játandi, að ég muni tímana
tvenna á Hjalteyri, í blíðu og stríðu, ef svo má að orði
komast.“
- Þú verður oddviti um sama leyti og halla fer
undan fæti í atvinnumálum í hreppnum?
,,Já, um þær mundir, sem ég varð oddviti, kringum
árið 1966, missti um þriðjungur hreppsbúa atvinnu
sína, og margir fluttust brott úr hreppnum. Mikið
hnignunarskeið hófst þá á Hjalteyri. Ekki voru tök á
að fá húsin eða aðstöðu þar til afnota á neinn hátt. Á
Hjalteyri stóð síðan allt fast í tólf ár. Landsbanki
íslands yfirtók eignir Kveldúlfs hf., fljótlega eftir að
starfsemi síldarbræðslunnar lagðist niður, en vélar
hennar voru einnig seldar á brott.“
— Eignaðist hreppurinn síðan aðstöðuna á
Hjalteyri?
„Já, Arnarneshreppur keypti af Landsbanka
íslands landið og öll hús á Hjalteyri, sem bapkinn
átti, bæði verksmiðjuhúsin og flestöll íbpðarhúsin á
staðnum. Hreppurinn hugsaði til þess að koma upp
atvinnurekstri á ný og seldi íbúðarhúsin því fólki, sem
í þeim bjó. Þetta var árið 1978. Á því ári fékkst
samþykki fyrir smábátahöfn, og var á sama ári byrjað
á gerð hennar. Leyfið fékkst þó því aðeins, að
hreppurinn legði sjálfur fram fjármagn í fyrstu
framkvæmdirnar við höfnina. Hafnaraðstaða er fyrst
og fremst fyrir smábáta og er viðunandi fyrir þá. Við
hugsum þó unt frekari framkvæmdir í hafnarmálum."
240 SVEITARSTJÓRNARMÁL