SunnudagsMogginn - 04.12.2011, Blaðsíða 4

4 4. desember 2011
Það virðist blasa við að vilji Stein-
gríms J. Sigfússonar, fjár-
málaráðherra og formanns Vinstri
grænna, standi til þess að bola
Jóni Bjarnasyni landbúnaðar- og
sjávarútvegsráðherra úr rík-
isstjórn.
Hefur það verið rakið til þess
hvernig staðið hefur verið að til-
lögum um breytingar á fisk-
veiðistjórnunarkerfinu, en þó telja
kunnugir að andstaða hans við að
greiða fyrir aðildarumsókninni að
Evrópusambandinu vegi þyngra.
En þetta er viðkvæmt mál innan
Vinstri grænna. Ögmundur Jón-
asson innanríkisráðherra og þing-
maðurinn Guðfríður Lilja Grétarsdóttir hafa ekki farið
dult með að þau muni standa með Jóni í þing-
flokknum, enda sé andstaða hans við ESB í sam-
ræmi við stefnu flokksins. Þetta er ekki í fyrsta
skipti sem þau rísa upp gegn formanni flokksins, en
það gerðist sem kunnugt er einnig í Icesave-málinu.
Spurningin sem liggur í loftinu er sú, hvort Stein-
grími takist að halda meirihluta í þinginu ef hann
ákveður engu að síður að víkja Jóni úr ríkisstjórn. Er
þess skemmst að minnast, að einungis 32 þing-
menn greiddu atkvæði með fjárlögum næsta árs og
31 þingmaður sat hjá.
Deilt um Jón
Jón Bjarnason, Steingrímur J. Sigfússon og Ögmundur Jónasson eiga þó
eitt sameiginlegt áhugamál – íslenska hestinn.
Morgunblaðið/Ómar
Það hefur ekki farið framhjá neinum aðhugur forystumanna ríkisstjórn-arinnar stendur til að stokka upp íráðherraliðinu. En það snýr ekki að-
eins að Jóni Bjarnasyni, heldur er einnig horft
til þess að hliðra til stólum hjá Samfylkingunni.
Árna Páli vikið til hliðar?
Jóhanna Sigurðardóttir forsætisráðherra lýsti
því yfir á mánudag að til stæði að fara í heildar-
uppstokkun á ríkisstjórninni. Samkvæmt
heimildum eru þær hugmyndir á borðinu að
leggja niður efnahags- og viðskiptaráðuneytið,
sem þó var stofnað til í fyrra. Í því felst að Árni
Páll Árnason myndi víkja úr ríkisstjórn og
valdsviðið yrði fært undir Steingrím J. Sigfús-
son fjármálaráðherra.
Eins og nærri má geta er mikil ólga innan
Samfylkingarinnar af þessum völdum. Ástæð-
urnar eru margþættar. Í fyrsta lagi þykir „al-
gjörlega með ólíkindum“ að Samfylkingin ætli
að láta efnahagsmálin algjörlega til Vinstri
grænna, en Jóhanna hafði áður skorið burt for-
ræði yfir efnahagsmálum úr forsætisráðuneyt-
inu.
Í öðru lagi er á það minnt að kveðið sé á um
stofnun efnahags- og viðskiptaráðuneytis í
stjórnarsáttmálanum, en þar stendur: „Til að
tryggja markvissa framkvæmd efnahags-
aðgerða stjórnvalda og endurnýja traust á fjár-
málakerfi landsins mun ríkisstjórnin ráðast í
skipulagsbreytingar í stjórnkerfinu, m.a. með
stofnun sérstaks efnhags- og viðskiptaráðu-
neytis.“
Skortur á stefnufestu
Er talað um að það sé óskynsamlegt, á sama
tíma og Evrópa rambar á barmi alvarlegustu
fjármálakreppu frá því fyrir seinna stríð, að
vera sífellt að stokka upp í ráðuneytum Stjórn-
arráðsins og færa fólk til í starfi „sem ber á öxl-
unum þjóðarhagsmuni sem aldrei fyrr“. Í því
kristallist skortur á stefnufestu ríkisstjórn-
arinnar, sem megi rekja til þess að Jóhanna Sig-
urðardóttir hugsi meira um að halda rík-
isstjórninni saman og bjarga málum Vinstri
grænna en Samfylkingarinnar.
„Það er óþolandi að ráðherrum sé skákað til
bara vegna þess að veikur flokksformaður í
klofnum stjórnmálaflokki vill fá meiri völd,
þannig að enginn geti truflað hann eða skyggt á
hann í næstu kosningabaráttu,“ sagði heimild-
armaður innan Samfylkingarinnar.
En það er fleira sem hangir á spýtunni. Þegar
forræði á Icesave-málinu færðist frá fjár-
málaráðuneytinu yfir til efnahags- og við-
skiptaráðuneytisins staðhæfa heimildarmenn
innan Samfylkingar að nálgun stjórnvalda hafi
gjörbreyst. Í fyrsta skipti hafi Íslendingar tekið
til varna, til að mynda hafi verið fundað með
fulltrúum Advice-hópsins og In Defence og þá
hafi Reimar Pétursson lögfræðingur tekið þátt í
að leggja upp vörnina í málinu, sem barðist
hvað harðast gegn þriðja samningnum um Ice-
save. „Þetta er í fyrsta skipti sem samstaða hef-
ur verið um þennan málarekstur í þinginu og
það er átakanlegt að upplifa hversu fjár-
málaráðherra er ofboðslega viðkvæmur fyrir
því að hagsmunamál þjóðarinnar sé rekið með
þessum hætti.“
Rofnar samstaðan á þingi?
Er því jafnvel haldið fram að fjármálaráðherra
vilji síst af öllu að botn fáist í málið fyrir næstu
kosningar og því til stuðnings er meðal annars
vísað í ítarlega umfjöllun um Icesave í fjárlaga-
frumvarpinu, sem mörgum hafi misboðið, en
þar stendur meðal annars: „Samningsbrotamál
á hendur íslenskum stjórnvöldum fyrir EFTA-
dómstólnum virðist því óumflýjanlegt.“
Svo rammt kveður að andstöðu fjár-
málaráðherra að heimildarmaður innan Stjórn-
arráðsins gengur svo langt að segja: „Hann er
brjálaður. Hann er trylltur.“ Þá kemur fram að
Steingrímur hafi reynt að hafa áhrif á farveg
málsins en það hafi ekki tekist.
Loks er á það bent að samstaðan í þinginu
gæti rofnað ef Icesave yrði aftur undir forræði
fjármálaráðherra vegna þess hvernig hann hafi
haldið á málinu hingað til – ólíklegt sé að
stjórnarandstaðan taki honum fagnandi. „Þetta
er ekki hefðbundið stjórnarmál lengur, heldur
þingsins alls að leysa úr.“
Efna-
hagsmál-
in Vinstri
græn?
Tekist á bak við
tjöldin innan
stjórnarflokka
Steingrímur J. Sigfússon, Árni Páll Árnason og Jóhanna Sigurðardóttir verma öll ráðherrastóla. Er slagur í uppsiglingu?
Morgunblaðið/ÓmarVikuspegill
Pétur Blöndal pebl@mbl.is
Lengst af kjörtíma-
bilinu var talið að átök
væru framundan um
hver myndi leiða Sam-
fylkinguna inn í næstu
kosningar. Nú er hins-
vegar talað um það
innan flokksins að Jó-
hanna Sigurðardóttir
hyggist gefa aftur kost
á sér. En vaxandi
ókyrrð er í hægri armi
flokksins m.a. vegna
aðgerðaleysis í at-
vinnumálum.
Jóhanna
áfram
formaður?
Lambalæri, ferskt
1498kr.kg
FRÁBÆRTVERÐ!
– fyrst o
g fremst
ódýr!