Morgunblaðið - 03.03.2012, Qupperneq 8

8 FRÉTTIRInnlent
MORGUNBLAÐIÐ LAUGARDAGUR 3. MARS 2012
Bjarni Benediktsson spurði Jó-hönnu Sigurðardóttur að því
á Alþingi í vikunni hvort hún teldi
ekki tilefni til að flýta málum sem
varða uppgjör á skuldamálum í
dómskerfinu.
  
Hann benti á aðfyrir lægi
þingmál frá sjálf-
stæðismönnum sem
hefði fyrst komið
fram árið 2010 um
að slíkum málum
yrði hraðað í gegn-
um dómstóla.
  
Og ekki stóð á svari Jóhönnu,tveimur árum eftir að málið
kom fram á þingi og rúmum
þremur árum eftir að ríkisstjórn
hennar tók við:
  
Háttvirtur þingmaður spurðium flýtimeðferð. Ég tel sjálf-
sagt að skoða það og gera þá
lagabreytingar ef með þarf í því
efni.“
  
Já, það vantar ekkert upp ákraftinn hjá forsætisráðherra
norrænu velferðarstjórnarinnar.
  
Yfirsmiður skjaldborgarinnarlætur ekki taka sig í bólinu
og telur sjálfsagt að skoða að gera
lagabreytingar.
  
Og ekki nóg með það. Forsætis-ráðherra upplýsti að verið
væri „að skoða leiðir“ í ráðherra-
hópi ríkisstjórnarinnar.
  
Þeir sem hafa í hugsunarleysiog ógáti haldið því fram að
hægt gangi hjá ríkisstjórninni eru
þess vegna beðnir að hafa sig
hæga. Ríkisstjórnin er þegar farin
að skoða leiðir og það eru ekki lið-
in nema þrjú ár.
Jóhanna
Sigurðardóttir
Hægan, það eru
bara liðin þrjú ár
STAKSTEINAR
Veður víða um heim 2.3., kl. 18.00
Reykjavík 7 rigning
Bolungarvík 6 rigning
Akureyri 9 skýjað
Kirkjubæjarkl. 7 rigning
Vestmannaeyjar 7 alskýjað
Nuuk -17 léttskýjað
Þórshöfn 7 þoka
Ósló 5 heiðskírt
Kaupmannahöfn 7 heiðskírt
Stokkhólmur 6 heiðskírt
Helsinki 2 skýjað
Lúxemborg 7 skýjað
Brussel 7 þoka
Dublin 8 skýjað
Glasgow 11 skýjað
London 7 þoka
París 11 skýjað
Amsterdam 7 léttskýjað
Hamborg 5 alskýjað
Berlín 6 alskýjað
Vín 15 léttskýjað
Moskva -2 léttskýjað
Algarve 15 léttskýjað
Madríd 11 léttskýjað
Barcelona 15 heiðskírt
Mallorca 15 léttskýjað
Róm 17 léttskýjað
Aþena 12 léttskýjað
Winnipeg -3 snjókoma
Montreal -6 snjókoma
New York 1 alskýjað
Chicago 3 alskýjað
Orlando 22 heiðskírt
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
VEÐUR KL. 12 Í DAG
3. mars Sólarupprás Sólsetur
REYKJAVÍK 8:27 18:54
ÍSAFJÖRÐUR 8:36 18:54
SIGLUFJÖRÐUR 8:19 18:37
DJÚPIVOGUR 7:57 18:22
Við bjóðum Örnu Friðriksdóttur velkomna í
raðir sjúkraþjálfara hjá Sjúkraþjálfun Kópavogs.
Við fögnum því líka að Eva Sigurjónsdóttir og
Svava Sigurðardóttir eru mættar til starfa á nýjan leik.
Nú leggjast fjórtán starfsmenn okkar á eitt um að
veita þér stuðning til bættrar heilsu og aukins atgervis.
GÓÐAR FRÉTTIR
ÚR KÓPAVOGI
Hamraborg 12 . 200 Kópavogi
Sími 564 1766 – 554 5488 . sjk@sjk.is . www.sjk.is
- stendur með þér -
Eva Sigurjónsdóttir
sjúkraþjálfari B.Sc.
Svava Sigurðardóttir
sjúkraþjálfari B.Sc.,MTc.
Arna Friðriksdóttir
sjúkraþjálfari B.Sc.
Steingrímur Jóhann-
esson knattspyrnu-
maður lést á Landspít-
alanum á fimmtudag
eftir erfið veikindi, 38
ára að aldri.
Steingrímur fæddist
14. júní árið 1973.
Hann hóf ungur iðkun
knattspyrnu hjá Þór í
Vestmannaeyjum og
síðar ÍBV. Meistara-
flokksferillinn hjá ÍBV
hófst árið 1990 og lék
hann þar í meira en
áratug. Steingrímur
var einn af lykilmönnum í liði ÍBV
sem varð Íslands- og bikarmeistari
1997 og 1998.
Árið 2001 gekk Steingrímur til
liðs við Fylki og varð
bikarmeistari með lið-
inu árið 2002. Síðar
færði hann sig aftur
til ÍBV og lék einnig
með KFS. Hann skor-
aði alls 81 mark í 221
leik í efstu deild fyrir
ÍBV og Fylki. Var
hann markakóngur í
efstu deild árin 1998
og 1999. Þá lék hann
einn A-landsliðsleik
og þrjá fyrir U21-
landsliðið.
Steingrímur starf-
aði sem rafvirki. Eiginkona Stein-
gríms er Jóna Dís Kristjánsdóttir
og eiga þau tvær dætur, Kristjönu
Maríu og Jóhönnu Rún.
Andlát
Steingrímur
Jóhannesson
„Ég lít á þetta sem brýnt réttlæt-
ismál,“ segir Ögmundur Jónasson inn-
anríkisráðherra um frumvarp um
lækkun fasteignaskatts á hesthús í
þéttbýli. Ráðherra kynnti frumvarpið í
ríkisstjórn í vikunni og það er nú til
skoðunar í þingflokkum stjórnarflokk-
anna.
Í frumvarpinu eru tekin af öll tví-
mæli um það hvernig flokka eigi hest-
hús í þéttbýli við álagningu fast-
eignaskatts. Þau verða öll sett í sama
flokk og íbúðarhús og sumarbústaðir
en ekki atvinnuhúsnæði.
Sveitarfélögin hafa eitt af öðru verið
að hækka skatt-
inn, þar á meðal
Reykjavíkurborg
á þessu ári, vegna
túlkunar ákvæða
laga um tekju-
stofna sveitarfé-
laga um að hest-
hús í þéttbýli ættu
að vera í efsta
gjaldflokki. Verði
frumvarpið að lögum verða öll hesthús
í lægsta gjaldflokki, sama hvar þau
standa og við það mun fasteignaskatt-
urinn lækka umtalsvert. helgi@mbl.is
Brýnt réttlætismál
Ögmundur
Jónasson
„Mér er sagt að í eldhúsum lands-
manna sé mikið rætt um forseta-
kosningar og hvort ég bjóði mig
fram. Fjöldi fólks hefur haft sam-
band við mig eftir vangaveltur sitj-
andi forseta um framboð á Bessa-
stöðum sl. mánudag og hvatt mig til
framboðs. Ég hef ákveðið að verða
við þessum óskum,“ segir Ástþór
Magnússon í yfirlýsingu en hann
hélt blaðamannafund í gær þar sem
hann tilkynnti framboð sitt til for-
setaembættisins.
Ástþór segir framboð sitt enn-
fremur vera áskorun til fjölmiðla,
sitjandi forseta og stuðningsmanna
hans um „að virða rétt þjóðarinnar
til að velja sér forseta í opnu og lýð-
ræðislegu ferli“. Þá vitnar hann í
Kristján Eldjárn, fyrrverandi for-
seta Íslands, um að ekki sé æskilegt
að forseti sitji lengur en tólf ár í
embætti.
„Þótt sitjandi forseti hafi að ein-
hverju leyti bætt ráð sitt eftir að
ganga erinda útrásarvíkinga um ára-
bil hefur þjóðin alla möguleika til að
velja sér nýjan, hæfan og þrautseig-
an forseta. Ég býð mig nú fram í
þriðja sinn til að virkja Bessastaði,
efla lýðræðið og stuðla að friði í
heiminum,“ segir Ástþór.
Ástþór býður sig
fram í þriðja sinn
 Segir fjölda fólks hafa hvatt sig
Morgunblaðið/Golli
Fundur Ástþór kynnir framboð.