Morgunblaðið - 14.03.2012, Blaðsíða 4
4 FRÉTTIRInnlent
MORGUNBLAÐIÐ MIÐVIKUDAGUR 14. MARS 2012
Jón Bjarnason, fyrrverandi sjávar-
útvegs- og landbúnaðarráðherra,
sagði í umræðum um aðildarum-
sóknina að Evrópusambandinu á Al-
þingi í gær, að umsóknarferlið væri
komið á krossgötur. „Ég held að það
sé komið á það stig að erfitt er að
halda áfram því aðlögunarferli sem
nú er að fara ganga í garð án þess að
Alþingi taki málið aftur til endur-
skoðunar,“ sagði hann.
Jón sagði að staðan væri sú að
rýnivinnu væri lokið, þ.e. að bera
saman lög og reglur Íslands og ESB.
„Fyrir liggur hvar munurinn er og
að Evrópusambandið hefur greint
frá því hvar Ísland þurfi að breyta
sínum lögum og reglum.“ Hann
sagði það ekki samræmast þeirri
þingsályktunartillögu sem sam-
þykkt var á Alþingi á sínum tíma um
að senda inn umsókn. Í henni hefði
verið mjög afmörkuð og skýr skil-
yrði um hversu langt ganga mætti í
ferlinu. Því þyrfti að endurnýja um-
boðið.
Rétt sluppu fyrir horn
Umræðurnar fóru fram um þings-
ályktunartillögu Vigdísar Hauks-
dóttur, þingmanns Framsóknar-
flokks, um að efnt yrði til
þjóðaratkvæðagreiðslu um hvort
halda ætti aðildarviðræðunum
áfram. Ásmundur Einar Daðason,
þingmaður Framsóknarflokks,
spurði Jón út í vinnu hans í ráðu-
neytinu, varðandi fyrirvara og skil-
yrði sem hann setti sem ráðherra.
Jón sagði að þegar rýnivinnu um
landbúnað og byggðarþróun lauk
spurðist ESB fyrir um það hvenær
og hvernig Ísland ætlaði að laga sig
að sambandinu. Þá hefði hann svarað
því til að hann ætlaði ekki að hefja
breytingar á lagarammanum eða
gera skipulagsbreytingar fyrr en bú-
ið væri að semja við Evrópusam-
bandið og þjóðin hefði greitt atkvæði
um samninginn í þjóðaratkvæða-
greiðslu. Hann ætlaði sér ekki að
stuðla að aðlögun að sambandinu áð-
ur.
Hann sagði að þá hefði verið spurt
á móti hvernig Ísland ætlaði þá að
vera tilbúið að taka upp lagaramma
Evrópusambandsins á fyrsta degi
aðildar. „Þessi skilyrði voru mjög
skýr,“ sagði Jón sem óskaði eftir
fundi í Brussel um skilyrðin. „En
þeir rétt sluppu fyrir horn,“ sagði
hann.
Eingöngu aðlögun
Umsóknarferlið
hjá ESB komið á
krossgötur
Morgunblaðið/Árni Sæberg
Jón Bjarnason Gagnrýndi viðræð-
urnar við ESB á Alþingi í gær
Alls voru liðlega 12 þúsund manns á
atvinnuleysisskrá í lok febrúar,
heldur fleiri en mánuði fyrr. At-
vinnuleysið er hins vegar nokkru
minna en fyrir ári. Mesta atvinnu-
leysið er sem fyrr á Suðurnesjum.
Skráð atvinnuleysi í febrúar var
7,3% sem svarar til þess að 11.621
hafi verið atvinnulaus að meðaltali í
mánuðinum, samkvæmt yfirliti
Vinnumálastofnunar. Fjölgaði at-
vinnulausum um 169 frá janúar eða
um 0,1 prósentustig.
Ef hlutfallslegt atvinnuleysi í
febrúar er borið saman við fyrri ár
sést að atvinnuleysið hefur minnk-
að milli ára. Þannig var það 8,6% í
febrúar 2011 og 9,3% í febrúar
2010. Venjulega er atvinnuleysi í
hámarki í janúar til mars. Því má
búast við að atvinnuleysið verði
svipað í mars og það var í febrúar
en fari síðan lækkandi fram á sum-
ar.
Langtímaatvinnuleysi eykst
Langmesta atvinnuleysið í febr-
úar var á Suðurnesjum. Þar var
1.321 atvinnulaus að meðaltali sem
er 12,6% atvinnuleysi. Á höfuðborg-
arsvæðinu var 8.041 atvinnulaus
sem svarar til 7,9%. Minnsta at-
vinnuleysið var á Norðurlandi
vestra, 2,9%.
Þeim fjölgar meira sem hafa ver-
ið atvinnulausir lengur en sex mán-
uði samfellt. Þeir eru nú 5.820 og
hefur fjölgað um 362 frá lokum jan-
úar, samkvæmt yfirliti Vinnu-
málastofnunar. helgi@mbl.is
Morgunblaðið/Ómar
Smíðar Atvinnuleysi er umtalsvert
minna en var á sama tíma í fyrra.
1.321 án
vinnu á Suð-
urnesjum
Skráð atvinnuleysi
svipað og í janúar
Löngum vill vera hart í búi hjá smáfuglunum
sem dvelja á Íslandi yfir kaldan veturinn og þá
er gott að eiga að mannfólkið sem lætur sig
varða skepnurnar úti við. Þótt óðfluga styttist í
vorið eru enn jarðbönn víða um land og smáfugl-
arnir þurfa því að treysta á matargjafir eitthvað
áfram til að ná að lifa af, jafnt þeir sem éta korn
og hinir sem eru í mýkra fæði. Þessi svart-
þröstur, sem er kvenfugl, hefur verið á Siglufirði
í allan vetur ásamt með nokkrum öðrum af báð-
um kynjum og einni silkitoppu. Hann naut þess
að bragða á epli við prestsetrið Hvanneyri í gær.
Morgunblaðið/Sigurður Ægisson
Smáfuglarnir þurfa að treysta á matargjafir
Stjórnendur Sandgerðisbæjar hafa verið og eru
að hrinda í framkvæmd margvíslegum aðgerð-
um til að bjarga fjárhag bæjarins.
Sandgerðisbær á við mikinn skuldavanda að
etja, eins og fram kom í skýrslu Haraldar L.
Haraldssonar. Þar eru ýmsar tillögur um sparn-
að og auknar tekjur sem Sigrún Árnadóttir
bæjarstjóri segir að unnið sé að.
Laun starfsmanna bæjarfélagsins hafa verið
lækkuð, meðal annars með skerðingu á fastri
yfirvinnu og afnámi ýmissa fríðinda. Sigrún seg-
ir reynt að lækka launakostnað án þess að segja
upp starfsfólki.
Viðræður standa yfir við Brunavarnir Suð-
urnesja um yfirtöku á Slökkviliði Sandgerðis.
Telur Sigrún að það myndi
hafa í för með sér sparnað.
Þá sé bærinn að losa sig út
úr rekstri Fræðaseturs og
koma því í sjálfseign-
arstofnun, Þekkingarsetur
Suðurnesja. Loks má nefna
að verið er að vinna í skulda-
málum, meðal annars með
samningum við Eignarhalds-
félagið Fasteign.
„Þetta skilar okkur áleiðis
en það er langtímaverkefni að vinna úr þessum
skuldamálum,“ segir Sigrún.
helgi@mbl.is
Viðræður um sameiningu
slökkviliða og Fræðasetri breytt
Launalækkanir hjá Sandgerðisbæ vegna skuldavanda bæjarins
Aðgerðir í fjármálum
» Bæjarstjórn Sandgerðisbæjar hefur hækk-
að skatta vegna erfiðrar skuldastöðu. Útsvar
er í hámarki sem og fasteignaskattur.
» Gjöld vegna þjónustu við íbúana hafa verið
hækkuð. Bæjarstjórinn segir þó að ekki megi
ganga of langt í því vegna viðkvæmrar stöðu
í atvinnumálum.
» Í febrúar voru 155 íbúar sveitarfélagsins
skráðir atvinnulausir.
Sigrún
Árnadóttir
Vigdís Hauksdóttir, þingmaður
Framsóknarflokksins, neitaði því
harðlega á Alþingi í gær að hafa
brotið þingsköp með því að skrifa
um efni nefndarfundar á Facebo-
ok-síðu sína í gær.
Ásta Ragnheiður Jóhannes-
dóttir, forseti þingsins, úrskurðaði
hins vegar að Vigdís hefði brotið
þingsköpin með færslunni á vefinn.
Málið kom til umræðu á Alþingi
þegar rætt var um störf þingsins í
gær. Valgerður Bjarnadóttir, for-
maður eftirlits- og stjórnskipunar-
nefndar þingsins, sagðist þá telja
það algerlega ólíðandi að þegar
gestir kæmu á lokaðan vinnufund í
þingnefnd og segðu það sem væri
þeirra persónulega skoðun, væri
því útvarpað á fésbók áður en fólk-
ið kæmist út af fundinum.
Valgerður sagðist hafa slitið
nefndarfundinum í kjölfarið vegna
þess að ljóst var að ekki ríkti
traust milli þeirra sem eftir sátu.
Vigdís sagðist
hins vegar telja
að brotið hefði
verið á sér þegar
nefndarfundinum
var slitið um
morguninn. Hún
las upp Face-
book-færsluna,
sem hún sagðist
hafa skrifað
klukkan 10.10 í gærmorgun og var
eftirfarandi: „-stórfrétt – nú var
eiginlega endanlega verið að slá út
þjóðaratkvæðagreiðslu um skýrslu
stjórnlagaráðs samhliða forseta-
kosningum!!!“
„Ekkert gestanafn, enginn
nefndarmaður nefndur. Ég mót-
mæli því ofbeldi sem ég hef verið
beitt hér á þingi, sagði Vigdís.
Færslan hafði síðdegis í gær
verið fjarlægð af Facebook-síðu
Vigdísar.
Fundi slitið
vegna Facebook
Vigdís Hauksdóttir