Morgunblaðið - 14.03.2012, Blaðsíða 14
14 FRÉTTIRInnlent
MORGUNBLAÐIÐ MIÐVIKUDAGUR 14. MARS 2012
Verðlaun Icelandair fékk þau í fyrra.
Íslensku þekkingarverðlaunin
verða afhent á morgun kl. 16 á Hilt-
on Reykjavík Nordica hótelinu. Fé-
lag viðskipta- og hagfræðinga
stendur að verðlaununum, sem nú
verða veitt í 12. sinn, en einnig
verður valinn viðskiptafræðingur/
hagfræðingur ársins. Þrjár tilnefn-
ingar eru til þekkingarverðlaun-
anna sjálfra; Eimskip, Landspítal-
inn og Marel. Forseti Íslands mun
afhenda verðlaunin.
Þrjú tilnefnd til
Þekkingarverðlauna
Íþrótta- og menningaráð Sand-
gerðis kynnti tilnefningar til
íþróttamanns ársins í samkomuhús-
inu nýverið. Sveinn Hans Víum
fékk sérstaka viðurkenningu fyrir
áratugastörf að körfubolta þar sem
hann hefur unnið mikið og fórnfúst
starf. Dagbjört Ottesen Karlsdóttir
var tilnefnd af sunddeild, Rúnar
Ágúst Pálsson tilnefndur af körfu-
boltadeild, Guðmundur Gísli Gunn-
arsson tilnefndur af knattspyrnu-
deild, taekwondomaðurinn Karel
Bergmann Gunnarsson var til-
nefndur af frístunda-, forvarna- og
jafnréttisráði og þá var af Golf-
klúbbi Sandgerðis tilnefndur Pétur
Þór Jaidee.
Pétur Þór, sem er 23 ára, var síð-
an kjörinn íþróttamaður Sand-
gerðis árið 2011 en hann hefur þótt
sýna yfirburða spilamensku á golf-
vellinum þrátt fyrir ungan aldur.
Varð hann m.a. stigameistari
klúbbsins á síðasta ári. Mikil gróska
hefur verið í starfi golfklúbbsins
eftir að hann var stækkaður í 18
holur.
Morgunblaðið/Reynir Sveinsson
Afreksfólk Þau voru tilnefnd í kjörinu í Sandgerði, f.v. Dagbjört Ottesen, Rúnar Ágúst
Pálsson, Pétur Þór Jaidee, Karel Bergmann Gunnarsson og Guðmundur Gísli Gunnarsson.
Kylfingurinn Pétur Þór Jaidee kjörinn
íþróttamaður Sandgerðis fyrir árið 2011
Tilboð marsmánaðar fyrir þá sem
hafa menningarkort Reykjavíkur
undir höndum er vinavika í Lista-
safni Reykjavíkur – Kjarvals-
stöðum. Þá geta korthafar tekið vin
sinn með á safnið án þess að hann
greiði aðgangseyri, auk þess sem
Kaffi kompaní á Kjarvalsstöðum
býður handhöfum kortsins upp á
súpu á 2 fyrir 1 þessa sömu viku.
Í vinaviku stendur yfir á Kjar-
valsstöðum stór sýning eins helsta
listamanns Spánverja á síðari tím-
um, Antoni Tápies.
Í tilkynningu frá Reykjavíkur-
borg segir að menningarkortið hafi
fengið frábærar móttökur hjá borg-
arbúum og gestum þeirra. Sala
kortanna hófst í ársbyrjun 2011 og
hafa á níunda þúsund manns keypt
kortið. Það kostar 5.000 krónur á
ári og veitir korthöfum ótakmark-
aðan aðgang að öllum menningar-
stofnunum Reykjavíkur; bókasöfn-
um, listasöfnum og minjasöfnum,
ásamt ýmsum tilboðum og fríð-
indum. Til samanburðar er nefnt að
stakt bókasafnsskírteini kostar
1.600 kr. og heimsókn í Listasafn
Reykjavíkur eða Minjasafnið kostar
1.100 kr. á hvorn stað. Nálgast má
nánari upplýsingar á menningar-
kort.is.
Menning Tilboð fyrir menningarkorthafa
er á Kjarvalsstöðum þessa vikuna.
Tilboð í vinaviku
með menningarkort
Reykjavíkurborgar
Hagsmunasamtök heimilanna fagna því að Samkeppniseftirlitið hafi tek-
ið tillit til heildarhagsmuna neytenda í ákvörðun um undanþágubeiðni
Samtaka fjármálafyrirtækja vegna dóms hæstaréttar. Þar með sé komið
að hluta til móts við þau sjónarmið sem samtökin settu fram í umsögn-
um sínum. Samtökin ítreka í yfirlýsingu að ýtrasti réttur neytenda skuli
virtur í hvívetna og neytendur njóti ávallt vafans eins og lög gera ráð
fyrir.
Hagsmunasamtökin segja að neytendur og lántakendur hafi unnið
áfangasigur með ákvörðun Samkeppniseftirlitsins um undanþágubeiðni
Samtaka fjármálafyrirtækja vegna fyrirhugaðs samráðs um viðbrögð við
dómi Hæstaréttar í máli þar sem afturvirk endurákvörðun og innheimta
seðlabankavaxta af áður gengistryggðu láni var dæmd ólögmæt.
Í innsendum umsögnum Hagsmunasamtaka heimilanna vegna málsins
var mælt gegn því að beiðnin yrði samþykkt og gerð athugasemd við að
ekki væri gert ráð fyrir þeim aðilum og stofnunum sem ættu að gæta
hagsmuna neytenda.
Segja úrskurð áfangasigur fyrir neytendur
Samstaða, flokkur lýðræðis og vel-
ferðar, hélt félagsfund í Iðnó í
fyrrakvöld þar sem helstu stefnu-
mál flokksins voru kynnt. Í fram-
haldinu var stofnfundur aðildar-
félags Samstöðu í Reykjavík
haldinn. Kosið var um samþykktir
félagsins og til stjórnar. Tveir gáfu
kost á sér til formanns; Rakel Sig-
urgeirsdóttir og Ásgerður Jóna
Flosadóttir. Kosningu hlaut Rakel
Sigurgeirsdóttir, að því er fram
kemur í fréttatilkynningu.
Stjórnin er annars öll skipuð kon-
um en þær eru: Hildur Mósesdóttir,
Sigurbjörg K. Schiöth, Pálmey
Gísladóttir og Guðrún Indriða-
dóttir. Ásgerður Jóna Flosadóttir
hlaut kosningu sem varamaður í
stjórn.
Konur í stjórn Sam-
stöðu í Reykjavík
STUTT
Kostnaður vegna sjúkraflutninga
hefur aukist mikið á undanförnum
árum að því er kemur fram í svari
velferðarráðherra á Alþingi við fyr-
irspurn Sigurðar Inga Jóhanns-
sonar, þingmanns Framsóknar-
flokksins.
Fram kemur í svarinu að kostn-
aðurinn nam 1.208 milljónum króna
árið 2007 en 1.649 milljónum króna
árið 2011. Um er að ræða rúmlega
36% hækkun á kostnaði við sjúkra-
flutninga með bílum, flugvélum og
þyrlum.
Á sama tímabili hefur sjúkra-
flutningum fjölgað um rúm 5%, úr
31.842 flutningum árið 2007 í
33.519 flutninga árið 2011.
„Það er augljóst að kostnaðurinn
hefur aukist mikið á sumum stöð-
um,“ segir Sigurður Ingi.
Hann segist jafnframt óttast, að
þjónusta við fólk sé að verða lakari
á sama tíma og verið sé að gera
hana miðlæga.
Þá virðist sem sparnaður hjá ein-
stökum heilbrigðisstofnunum hafi
leitt til þess að kostnaður hafi orðið
til á nýjum stöðum, svo sem hjá
einkareknum læknastöðvum á höf-
uðborgarsvæðinu. Sé það raunin
hafi þessi niðurskurður mistekist,
því verið sé að færa til peninga
milli staða um leið og þjónustan
versnar.
Kostnaður mestur í Reykjavík
Kostnaður við sjúkraflutninga er
langmestur í Reykjavík, var 476
milljónir á síðasta ári og hafði
hækkað um rúmar 100 milljónir
króna frá árinu 2007. Alls voru
sjúkraflutningarnir 23.267 í
Reykjavík á síðasta ári samkvæmt
svarinu og hafa verið álíka margir
undanfarin ár, fæstir þó árið 2009
eða 20.262 talsins.
Kostnaður við sjúkraflutninga
var næstmestur á Suðurlandi en
kostnaður Heilbrigðisstofnunar
Suðurlands vegna sjúkraflutninga
nam rúmum 188 milljónum króna á
síðasta ári en rúmum 125 millj-
ónum króna árið 2007.
Kostnaður tvöfaldast
Alls voru sjúkraflutningar á Suð-
urlandi 2.112 árið 2007 en 2.345 ár-
ið 2011. Kostnaður Heilbrigðis-
stofnunar Vesturlands vegna
sjúkraflutninga hefur aukist úr 68,9
milljónum króna árið 2007 í 127,7
milljónir króna árið 2011. Sjúkra-
flutningar á svæðinu voru 1.163
talsins árið 2007 en 1.656 árið 2011.
Kostnaður við sjúkraflug var
126,4 milljónir króna á síðasta ári
en var 110 milljónir króna árið
2007.
Hjá þremur heilbrigðisstofn-
unum dróst kostnaður saman á
tímabilinu, hjá Heilbrigðisstofnun
Vestfjarða, Heilbrigðisstofnun Suð-
austurlands og Heilbrigðisstofnun
Þingeyinga.
Sigurður Ingi segir að hann ætli
að afla frekari upplýsinga hjá ein-
stökum heilbrigðisstofnunum til að
fylla upp í þá mynd sem sé að
verða til af afleiðingum niðurskurð-
arins í heilbrigðiskerfinu.
gummi@mbl.is
Útgjöld vegna sjúkra-
flutninga aukast mikið
Kostnaðurinn nam rúmum 1,6 milljörðum á síðasta ári
Morgunblaðið/Skapti
Sjúkraflug Mýflug sinnir sjúkraflugi samkvæmt samningi við ríkið.
Á sama tíma og sjúkraflutn-
ingum með bílum fjölgar hefur
sjúkraflug heldur dregist sam-
an, ef marka má svar velferðar-
ráðherra á Alþingi við fyrirspurn
um kostnað við sjúkraflutninga.
Alls var 571 sjúkraflug farið
árið 2007, árið 2008 voru ferð-
irnar 582, árið 2009 fækkaði
þeim í 464, árið 2010 voru þær
448 og á síðasta ári voru
sjúkraflugsferðirnar 460.
Mýflug sinnir nær öllu sjúkra-
flugi innan Íslands samkvæmt
samningi við velferðarráðu-
neytið, og gildir sá samningur
til ársins 2013. Félagið sinnir
einnig sjúkraflugi frá Græn-
landi.
Dregur úr
sjúkraflugi
400-500 SJÚKRAFLUGS-
BEIÐNIR BERAST ÁRLEGA
Draumurkonunnarernúuppfyllturmeð
nýja farðanum frá Guerlain. Farðinn
bland-ast húðinni fullkomlega og út-
koman verður sama áferð og húðin
sjálf, “Second Skin”. Farðinn er allt
í senn rakagefandi, hyljari og samla-
gast húðlit hverrar konu fullkomlega.
Með kaupum á tveimur
vörum frá Guerlain fylgir
glæsilegur kaupauki.
GUERLAIN kynning
dagana 14. -17. mars
í Snyrtivöruversluninni
Glæsibæ.
20% afsláttur af
Lingerie De Peau
farðanum og nýja
G Noir maskaranum
frá GUERLAIN.
Sími 568 5170