Morgunblaðið - 14.03.2012, Blaðsíða 6

6 FRÉTTIRInnlent
MORGUNBLAÐIÐ MIÐVIKUDAGUR 14. MARS 2012
Kristján Jónsson
kjon@mbl.is
Ljóst er að fjallað verður um mál
Ólafs Melsteð, fyrrverandi fram-
kvæmdastjóra tækni- og umhverf-
issviðs Seltjarnarnesbæjar, á bæjar-
stjórnarfundi klukkan 17 í dag en
honum var sagt upp störfum í fyrra.
Ólafur telur sig hafa sætt einelti af
hálfu bæjarstjóra, Ásgerðar Hall-
dórsdóttur, og krefst bóta. Innanrík-
isráðuneytið hefur úrskurðað Ólafi í
vil og hyggst hann höfða mál ef bær-
inn bregst ekki við kröfum hans.
Bæjarlögmaður Seltjarnarnes-
bæjar, Anton Björn Markússon,
segist ósammála úrskurði ráðuneyt-
isins. Ásgerður sagði í samtali við
blaðamann í gær að meirihlutinn,
sem skipaður er sjálfstæðismönnum,
hefði ekki enn ákveðið hvernig tekið
yrði á málinu.
Fleiri deilur hafa komið upp
vegna starfsmannamála hjá sveitar-
félaginu. „Þetta er lítið samfélag og
mál af þessu tagi því alltaf snúin,“
sagði einn heimildarmannanna. „Ás-
gerður hefur að mörgu leyti unnið
gott starf en beita þarf lagni og ekki
valta yfir gamla starfsmenn.“
Harkaleg uppsögn
Bryndísi Richter, deildar-
stjóra launadeildar, var sagt upp
í september í fyrra en hún hafði
unnið hjá bænum í 25 ár. Starf
hennar var lagt niður en auglýst
eftir mannauðsstjóra. Hann
staldraði þó mjög stutt við
og mun innanbúðarmaður
þá hafa tekið að sér verkið
Steinþór Guðbjartsson
steinthor@mbl.is
Talið er að tveir Rúmenar hafi af-
ritað samtals um 1.500 greiðslukort
hér á landi í liðinni viku. Kortunum
hefur verið lokað og fá eigendur
þeirra ný kort auk þess sem þeir
bera engan kostnað vegna ólög-
legra úttekta af kortunum.
Eins og greint hefur verið frá
komu mennirnir fyrir búnaði í
hraðbönkum við Hlemm og í Aust-
urstræti og afrituðu upplýsingar af
segulrönd korta viðskiptavina þess-
ara hraðbanka. Eftirlitskerfið sá
hins vegar við þeim og tókst að
koma í veg fyrir mikið tjón.
Óverulegur kostnaður
Mennirnir afrituðu tæplega 1.000
kort frá Valitor og um 600 kort frá
Borgun. Kristján Harðarson, yfir-
maður markaðs- og þróunarsviðs
hjá Valitor, segir að mennirnir hafi
aðeins náð peningum út af örfáum
kortum en öllum afrituðum kortum
hafi verið lokað í öryggisskyni. Við-
komandi bankar sjái síðan um að
láta viðskiptavini sína fá ný kort
þeim að kostnaðarlausu. Fórnar-
kostnaðurinn sé þess virði og sé
brotabrot af þeim kostnaði sem
hefði getað orðið hefði kortunum
ekki verið lokað. „Við viljum ekki
að viðskiptavinur okkar lendi í ein-
hverju tjóni,“ segir hann.
Haukur Oddsson, fram-
kvæmdastjóri Borgunar, tekur í
sama streng. Hann segir að heimild
hafi verið breytt á um 1.900 kortum
frá Borgun og um 600 kort verið
endurnýjuð. Ætla megi að nýtt kort
kosti um 1.000 krónur. „Þetta fór
eins vel og hægt var,“ segir hann.
Lítill fórnarkostn-
aður miðað við
hugsanlegt tap
 Greiðslukortaeigendur bera engan
kostnað vegna afritaðra korta
Morgunblaðið/ÞÖK
Hraðbanki Svikarar eru víða og
kortasvik eru með ýmsum hætti.
Hæstiréttur hefur staðfest úrskurð
Héraðsdóms Reykjavíkur þess efnis
að karlmaður sæti gæsluvarðhaldi
til 4. apríl nk. en hann játaði hjá
lögreglu að hafa kveikt í íbúð sinni
14. janúar sl. Mál á hendur mann-
inum verður þingfest á föstudag.
Samkvæmt matsgerð bygginga-
verkfræðings sem dómkvaddur var
til að meta almannahættu vegna
íkveikjunnar, er staðfest að al-
mannahætta vegna bæði fólks og
eigna hafi verið til staðar er kærði
bar eld að húsnæðinu, sem er par-
hús.
Brotið getur varðað fangelsi allt
að 16 árum ef sök sannast og eftir
atvikum ævilöngu fangelsi.
Staðfesti úrskurð
um gæsluvarðhald
vegna íkveikju
Steinþór Guðbjartsson
steinthor@mbl.is
Magnús Leopoldsson, löggiltur fast-
eignasali, segir að lítið sé um það að
fólk búsett erlendis falist eftir því að
kaupa land eða jarðir á Íslandi. „Ég
heyri af svona tveimur til þremur til-
fellum á ári,“ segir Magnús og bætir
við að sér vitandi hafi ekki orðið nein
umtalsverð breyting á þessu í ára-
tugi.
Fyrir helgi var greint frá því að
rússneskir auðmenn hefðu verið á
ferð í Biskupstungum og víðar í leit
að hentugu landsvæði og ekki er
langt síðan samfélagið nötraði og
skalf vegna áhuga kínversks at-
hafnamanns á því að kaupa Gríms-
staði á Fjöllum. Málin hafa ekki
gengið lengra, að minnsta kosti enn
sem komið er, og ekki hafa borist
fregnir af áhuga annarra útlendinga
á íslensku landi undanfarna mánuði.
Helst Íslendingar erlendis
Magnús hefur unnið við fasteigna-
viðskipti í nær þrjá áratugi og hefur
séð um flestar jarðasölur hérlendis.
Hann segist oft fá fyrirspurnir frá
Íslendingum vegna einhverra út-
lendinga en í flestum tilfellum sé að-
eins um fyrirspurnir að ræða og
sjaldnast sé málunum fylgt eftir. Það
séu helst Íslendingar, sem hafi búið
lengi erlendis, sem slái til þegar
jarðir forfeðra þeirra séu settar í
sölu og svo komi fyrir að Vestur-Ís-
lendingar fjárfesti hérlendis. Annars
sé nánast ekkert um það að útlend-
ingar kaupi jarðir hérna nema vegna
sérstakrar tengingar.
Erlendir ekki á hverju strái
 Íslenskar jarðir ekki sérstaklega eftirsóknarverðar hjá fólki í útlöndum  Ís-
lendingar búsettir erlendis fjárfesta frekar en útlendingar í fasteignum hérlendis
Áhugi
» Síðsumars lýsti Huang Nubo
yfir áhuga á því að kaupa
Grímsstaði á Fjöllum og miklar
umræður voru um málið í kjöl-
farið en undanfarnar vikur hef-
ur ekkert borið á því.
» Nú beinist athyglin að
nokkrum Rússum og áhuga
þeirra á landi á Suðurlandi.
Nýtt skipurit fyrir Seltjarnarnesbæ, unnið með aðstoð Capacent, var
samþykkt 2010 og sagði meirihlutinn að lykilorðin á bak við það væri
samvinna, breytingin hefði í för með sér meiri skilvirkni og sveigjan-
leika. Stjórnsýslan yrði betur í stakk búin til þess að takast á við ný
verkefni sem komið gætu skyndilega upp. Var markmiðið sagt
vera að ná fram meiri „skilvirkni og hagkvæmni í rekstri og
starfsemi bæjarins.“ Minnihlutinn í bæjarstjórn hafnaði því að
staðfesta skipuritið, sagði rökstuðninginn ónógan.
Í kjölfarið á skipuritinu fylgdu uppsagnir, oft var starfið lagt
niður eða falið öðrum. Bryndís Richter fékk í gær í hendur
greinargerð lögmanns síns um mál sitt. Formaður starfs-
mannafélags Seltjarnarness, Ingunn Þorvaldsdóttir, vildi
ekki tjá sig um málshöfðun þegar rætt var við hana.
„Skilvirkni og hagkvæmni“
NÝTT SKIPURIT BÆJARINS SAMÞYKKT 2010
Ásgerður
Halldórsdóttir
í hlutastarfi. Bryndís var ekki sátt
við aðferðina við brottreksturinn.
„Við lokuðum klukkan tvö á föstu-
degi og þá var ég beðin að koma á
fund með mínum yfirmanni og sagt
að yfirgefa svæðið, taka með mér
mínar persónulegu eigur,“ segir
Bryndís. „Þetta hafði aldrei gerst
áður á vinnustaðnum og það var
meira að segja árshátíð kvöldið eft-
ir!“ BSRB segir Bryndísi eiga rétt á
miskabótum, brottreksturinn hafi
verið gerræðislegur og hefur ráðið
lögfræðing sem mælir með máls-
höfðun.
Brotin persónuréttindi
Fram kom í fyrra að bærinn hefði
tvisvar á skömmum tíma brotið lög
um persónuvernd og meðferð per-
sónulegra upplýsinga þegar áfram-
send voru gögn Ólafs Melsteð en
einnig Ellenar Calmon, fræðslu- og
menningarfulltrúa bæjarins. Starf
hennar var einnig lagt niður og
sömuleiðis starf sviðstjóra sem var
yfir henni, Óskars Sandholt.
Tveir bæjarfulltrúar eru í minni-
hluta, þau Margrét Lind Ólafsdóttir
fyrir Samfylkinguna og Árni Ein-
arsson fyrir Neslistann. Þau létu í
mars í fyrra bóka að þau litu þessi
brot alvarlegum augum og sögðu að
vinnureglur í þessum efnum virtust
vera á reiki í stjórnsýslu bæjarins.
Þau tvö lögðu einnig fram bókun á
bæjarstjórnarfundi í lok október
vegna máls Bryndísar. Töldu þau
vinnubrögðin ámælisverð og þvert á
starfsmannastefnu bæjarins.
Morgunblaðið/Ómar
Brim Oft er þungur sjór við Seltjarnarnes og nú er þung undiralda í bæjarmálunum.
Ráðið og óspart rekið
í Seltjarnarnesbæ
 Nokkrir brottreknir starfsmenn íhuga málshöfðun
Veldu einhverja tíu ávexti
á ávaxtamarkaði Krónunnar
– fyrst og fre
mst
ódýr!
og þú borgar...