Morgunblaðið - 14.03.2012, Blaðsíða 29

VITA er lífið
VITA | Suðurlandsbraut 2
Sími 570 4444 | VITA.is
Þessi einstaka ferð býðst nú í annað sinn á Íslandi. Hver einasti
dagur er skipulagður þannig að farþegar upplifi eitthvað sér-
stakt og spennandi. Það sem gerir ferðina hreint einstaka er að
farið er í tvær siglingar. Annarsvegar um Amazon svæðið og
svo aftur þegar siglt er á milli hinna einstöku Galapagos eyja.
Fararstjóri: Sigmundur M. Andrésson
Julieta er með BA-próf í ensku og MA-próf í umhverfisfræði frá Háskóla
Íslands. Hún bjó í Reykjavík í fjögur ár, hefur ferðast víða og unnið við ferða-
þjónustu alla sína ævi. Þannig hefur hún kynnst öllu því sem Ekvador býður
upp á og lært að elska sitt stórbrotna heimaland, þar sem náttúra, dýralíf og
menning er sérlega fjölbreytt.
Skráðu þig í netklúbbinn - VITA.is
ÍS
LE
N
SK
A
SI
A
.IS
V
IT
58
33
9
02
/1
2
Viðtalstími
Julieta Munoz fulltrúi VITA í Ekvador er til viðtals
á skrifstofu VITA, Suðurlandsbraut 2
Fimmtudaginn 15.mars
milli kl. 10:00 og 12:00
Allir velkomnir
Ekvador, Amazon
og Galapagos
8. - 27. maí 2012Tvö sæti laus!
UMRÆÐAN 29
MORGUNBLAÐIÐ MIÐVIKUDAGUR 14. MARS 2012
Eitt stærsta verk-
efni íslenskrar þjóðar
á næstu misserum
verður að byggja upp
lífvænlegt samfélag.
Lífvænlegt samfélag
þar sem einstakling-
um, fyrirtækjum,
stofnunum og sveit-
arfélögum verða bún-
ar þær aðstæður að
geta skapað atvinnu
og verðmæti öllum til
heilla. Alþingi bíður á næstu vikum
það mikilvæga verkefni að taka til
afgreiðslu þingsályktun um ramma-
áætlun um verndun og nýtingu nátt-
úrusvæða með áherslu á vatnsafl og
jarðhitasvæði. Unnið hefur verið að
þessari áætlun í rúman áratug og nú
hillir undir lok þessa verks. Þá ríður
á að vanda til verka.
Einn mest rannsakaði
virkjunarkostur landsins
Síðastliðin 18 ár hefur virkj-
unarkostur í Skaftárhreppi, Bú-
landsvirkjun, verið til rannsóknar
með það fyrir augum að reisa þar
150 megavatta virkjun. Áætluð
framleiðslugeta Búlandsvirkjunar er
1000 GWh, sem yrðu u.þ.b. 6% við-
bót við núverandi framleiðslugetu ís-
lenska raforkukerfisins. Búlands-
virkjun er einn mest rannsakaði
virkjunarkostur á landinu, enda hafa
á undanförnum árum verið unnar 27
sérfræðiskýrslur um þennan virkj-
unarkost. Sérstök áhersla hefur ver-
ið lögð á að taka tillit til umhverf-
isverndarsjónarmiða í hvívetna og
virkjunin að öllu leyti utan Vatna-
jökulsþjóðgarðs og utan svæðanna
Langisjór og Eldgjá sem nýlega
hafa verið friðlýst. Nú þegar hefur
mörg hundruð milljónum króna ver-
ið varið í undirbúning þessa verk-
efnis.
Það kom forsvarsmönnum Suður-
orku því algerlega í opna skjöldu að
Búlandsvirkjun skyldi í fyrrasumar
vera sett í biðflokk sem virkjunar-
kostur, með þeim rökstuðningi að
kosturinn hafi komið seint fram,
upplýsingar hafi vantað og að erfitt
sé að meta virkjunarkostinn. Þetta
er alrangt enda er þessi niðurstaða
ekki studd neinum rökum. Margir
aðrir kostir voru settir í nýting-
arflokk þrátt fyrir að hafa verið
minna rannsakaðir.
Þessi niðurstaða kom sveitar-
stjórn Skaftárhrepps einnig í opna
skjöldu, enda hefur Suðurorka lagt
sig í framkróka við að vinna verkið í
fullri sátt og samvinnu við sveit-
arstjórnina. Búlandsvirkjun er á
staðfestu aðalskipulagi Skaftár-
hrepps og meirihluti sveitarstjórnar
styður að ráðist verði í fram-
kvæmdir.
Milljarðaframkvæmd
og hundruð starfa í húfi
Það er staðreynd að allri vinnu og
verkskipulagi verkefnisstjórnar að
rammaáætlun var ákaflega ábóta-
vant. Þetta telur Suðurorka að hafi
hugsanlega leitt til þess að þeir sem
á endanum mátu virkjunarkosti hafi
fengið mjög skakka mynd af þeim
virkjunarkosti sem fyrirtækið lagði
fram og þeim umfangsmiklu gögn-
um sem lögð voru fyrir vinnuhópana.
Til viðbótar við óvandaða skjala-
stjórn verkefnisstjórnar er einnig
rétt að geta þess að í verkefnisstjórn
sat fólk sem vann markvisst gegn
einstökum virkjunarkostum og
virkjunaráformum á ákveðnum
svæðum. Slík vinnubrögð eru nátt-
úrlega hvorki boðleg né verjandi
þegar í húfi eru milljarðafram-
kvæmdir og hundruð starfa. Þá er
rétt að benda á að stærð virkjunar-
kostsins væri talin framkvæmdinni í
óhag, en í þeim efnum er rétt að
benda á að það hefur meiri áhrif á
umhverfið að reisa fimm smærri
virkjanir sem framleiða sama magn
raforku og Búlandsvirkjun.
Búlandsvirkjun er
gríðarlega mikilvæg
framkvæmd. Fram-
kvæmdir við virkjunina
munu skapa mikla at-
vinnu og mikil verð-
mæti. Þær kæmu til
með að standa yfir í 3 ár
og skapa um 700 árs-
verk. Kostnaður er
áætlaður tæpir 40 millj-
arðar króna og ljóst er
að verði af virkjuninni
munu fasteignagjöld í
sveitarfélaginu Skaft-
árhreppi nánast tvöfaldast. Það
munar um minna, sér í lagi fyrir
sveitarfélag eins og Skaftárhrepp
sem rær lífróður til að ná endum
saman og sporna gegn enn frekari
fækkun íbúa. Þar eins og víða í
byggðum landsins hefur íbúum
fækkað jafnt og þétt. Sveitarfélög á
borð við Skaftárhrepp þurfa stöð-
ugri og traustari rekstrargrundvöll
og fjölbreyttara atvinnulíf til að
byggja á en eingöngu landbúnað og
ferðaþjónustu, þó svo að hvort
tveggja sé allra góðra gjalda vert.
Staðreyndirnar tala sínu máli: Bú-
landsvirkjun er þaulrannsakur
virkjunarkostur sem mun verða at-
vinnu- og verðmætaskapandi til allr-
ar framtíðar. Í undirbúningsvinnu
hefur verið lögð áhersla á að taka til-
lit til umhverfissjónarmiða og tekist
hefur að skapa breiða pólitíska sátt
um málið í héraði.
Það er því þyngra en tárum taki
að verða vitni að þeim ómarkvissu
vinnubrögðum við Rammaáætlun
sem urðu til þess að Búlandsvirkjun
var sett í biðflokk en ekki í nýting-
arflokk.
Þingmenn styðja málið
Þessu þarf að breyta og það er því
gríðarlegt ánægjuefni að verða vitni
að því á síðustu dögum að þingmenn
kjördæmisins og annarra kjördæma,
jafnt úr stjórnar- sem stjórnarand-
stöðuflokkunum, eru að vakna til vit-
undar um hversu brýnt hagsmuna-
mál Búlandsvirkjun er og ætla sér
að leggja fram þingsályktunartillögu
til að reyna að breyta drögum að
rammaáætlun og koma Búlands-
virkjun í nýtingarflokk.
Það er óskandi að það megi tak-
ast. Allar réttar forsendur eru fyrir
hendi. Íslenskt samfélag þarf að rísa
úr öskustónni. Til þess þarf að vinna
og skapa verðmæti. Er það ekki það
sem við viljum öll?
Viljum við skapa
atvinnu?
Eftir Guðmund
Valsson
Guðmundur
Valsson
» Framkvæmdir við
Búlandsvirkjun
skapa mikla atvinnu og
mikil verðmæti. Þær
kæmu til með að standa
yfir í 3 ár og skapa um
700 ársverk.
Höfundur er framkvæmdastjóri
Suðurorku.
- nýr auglýsingamiðill
569-1100
finnur@mbl.is
12-36 mánaða binditími
Engin útborgun
Ábyrgðar- og kaskótrygging
Bifreiðagjöld
20.000 km á ári
Sumar- og vetrardekk
Þjónustuskoðanir og smáviðhald
Leigð´ann
Eigð´ann
Nýlegir bílar
Allir í toppástandi
Fara í gegnum gæðaskoðun AVIS
Þriggja daga reynsluakstur
www.avisbilar.is
S. 5914000
... og krækja sér í bíl á frábæru verði!
til þess að fara inn á avisbilar.is
11 ástæður