Morgunblaðið - 07.04.2012, Blaðsíða 16

16 FRÉTTIRInnlent
MORGUNBLAÐIÐ LAUGARDAGUR 7. APRÍL 2012
Arður í orku framtíðar
ÁRSFUNDUR LANDSVIRKJUNAR
Silfurbergi, Hörpu
Fimmtudagur 12. apríl 2012 kl. 14-16
Aukin eftirspurn eftir raforku úr endurnýjanlegum
orkugjöfum skapar margvísleg tækifæri sem
Landsvirkjun hefur að undanförnu unnið við að
greina. Niðurstöðurnar gefa til kynna áhugaverð
tækifæri með aukinni orkuvinnslu innan núverandi
kerfis, uppbyggingu fjölbreytts iðnaðar og útflutningi
um sæstreng.
> Hver er sérstaða Íslands á alþjóðlegum
raforkumörkuðum?
> Hver yrðu áhrif sæstrengs á íslenskt samfélag?
> Hverjir eru fjármögnunarmöguleikar
Landsvirkjunar við breyttar markaðsaðstæður?
Landsvirkjun býður öllum til kynningar og opinnar
umræðu um þau tækifæri sem fyrirtækið stendur
frammi fyrir og árangur ársins 2011.
Oddný G. Harðardóttir
fjármálaráðherra
Ávarp
Bryndís Hlöðversdóttir
stjórnarformaður
Ábyrgir stjórnarhættir
Hörður Arnarson
forstjóri
Árangur og áskoranir
Rafnar Lárusson
framkvæmdastjóri fjármálasviðs
Rekstrarniðurstöður 2011
Spurningar og umræður
Fundarstjóri er Ragna Árnadóttir,
aðstoðarforstjóri Landsvirkjunar.
Allir velkomnir
Skráning:
landsvirkjun.is/skraning
Markmið opinna funda Landsvirkjunar er
að stuðla að gagnsærri og faglegri umræðu
um málefni tengd starfsemi fyrirtækisins,
sem er í eigu íslensku þjóðarinnar.
„Upphaf vertíðarinnar hefur verið
nokkuð gott, sérstaklega fyrir Mið-
Norðurlandi frá Skagaströnd að
Húsavík. Þar hefur veiði verið mjög
góð miðað við tvö síðustu ár,“ segir
Örn Pálsson, formaður Sambands
smábátaeigenda, um upphaf grá-
sleppuvertíðarinnar.
Hann segir að 60% veiðinnar hafi
verið landað á þessu svæði en það sé
langt síðan það hafi gerst síðast. Alls
sé búið að veiða jafngildi 2.500 tunna
af hrognum hingað til. Þannig hafi
jafngildi 272 tunna verið landað á
Siglufirði, þar sem mestu hefur verið
landað, og 254 tunna á Húsavík.
„Veiðin sem af er vertíð er mjög
svipuð og á metvertíðinni 2010 en
þegar nýttir dagar og annað slíkt er
skoðað hef ég samt sem áður ekki
trú á því að þetta verði nein met-
vertíð núna,“ segir Örn.
Þá segir hann sérstaklega athygl-
isvert að nú þegar sé búið að landa
825 tonnum af heilli grásleppu en á
sama tíma á vertíðinni fyrir tveimur
árum var aðeins búið að landa sex
tonnum.
„Þá var enginn markaður fyrir
hana en núna er góður markaður og
öllum er skylt að koma með grá-
sleppuna að landi. Það hefur sann-
arlega verið til verðmæta það sem af
er vertíð,“ segir hann.
kjartan@mbl.is
Ágæt byrjun í grásleppu-
veiðum en engin metvertíð
 Þegar búið að
landa 825 tonnum
af heilli grásleppu
Ljósmynd/Sigurður Ægisson
Grásleppuvertíðin Afla landað á Togarabryggjunni á Siglufirði í vikunni.
Fiskistofa hefur kært nokkra grá-
sleppuveiðimenn á Norðurlandi
fyrir að vera með of mörg grá-
sleppunet í sjó. Eftirlitsmenn frá
Fiskistofu fóru um borð í báta úti
fyrir Norðurlandi eftir að skoðun á
gögnum og veiðarfærum á veiði-
slóð gáfu vísbendingar um að
netafjöldi væri umfram leyfilegan
fjölda. Voru þeir viðstaddir þegar
öll netin voru dregin. Í framhaldi af
því var veiðimönnum gert að færa
öll net sem voru umfram leyfileg-
an fjölda í land. Talning eftirlits-
manna leiddi í ljós að fjöldi neta í
sjó var langt umfram það sem
heimilt er. Jafnframt voru gerðar
nokkrar athugasemdir við merk-
ingar veiðarfæra. Nokkur mál hafa
verið kærð til lögreglu ásamt því
að vera til meðferðar hjá Fiski-
stofu.
Með allt of mörg net í sjó
EFTIRLIT FISKISTOFU MEÐ GRÁSLEPPUVEIÐUM
„Krakkar hafa gefið fermningarpen-
ingana sína, börn koma með spari-
bauka og sá elsti sem gaf var kominn
vel yfir nírætt. Sem betur fer tekur
almenningur svona neyðarköllum
mjög vel,“ segir Stefán Ingi Stef-
ánsson, framkvæmdastjóri Unicef á
Íslandi, um söfnunarátak sem sam-
tökin standa fyrir til aðstoðar van-
nærðum börnum á Sahel-svæðinu í
Afríku. „Fyrst og fremst er átakið til
að sporna gegn mikilli vannæringu,“
segir Stefán, en vandamálið er af-
leiðing þurrka og uppskerubrests á
svæðinu. Yfir ein milljón barna
yngri en fimm ára er í lífshættu. „Á
sumum svæðanna er hlutfall barna
sem þjást af bráðavannæringu þeg-
ar komið yfir töluna 15% sem eru
skilgreind hættumörk. „Af því að við
höfum tækin, reynsluna og þekk-
inguna til að koma í veg fyrir þetta
viljum við fyrir alla muni gera það.“
Árangurinn af matargjöfum er óum-
deildur: „95-99% vannærðra barna
sem fá meðferð lifa af. Það er auðvit-
að kraftaverk sem mann skortir orð-
in til að lýsa.“
gudrunsoley@mbl.is
Íslendingar
svara neyðarkalli
AFP
Hættuástand Yfir ein milljón barna er í lífshættu vegna vannæringar.
 Bráð hungursneyð á Sahel-væðinu
Söfnunarátak
» Söfnunarsími átaksins er:
908-1000 fyrir 1.000 kr., 908-
3000 fyrir 3.000 kr. og 908-
5000 fyrir 5.000 kr.
» Hægt er að styrkja söfn-
unina á vefsíðu Unicef á Ís-
landi, eða leggja inn á reikning
701-26-102040 með kennitölu:
4812032950.