Morgunblaðið - 07.04.2012, Blaðsíða 27

FRÉTTIR 27Viðskipti | Atvinnulíf
MORGUNBLAÐIÐ LAUGARDAGUR 7. APRÍL 2012
Brautarholti 10-14 / 105 Reykjavík / 575 2700 / pixel@pixel.is / www.pixel.is
Við prentum alla regnbogans liti.
Gulur rauður grænn og blár
svartur hvítur fjólublár!
Við bjóðum upp á alla almenna prentun,
ráðgjöf, skönnun, umbrot, bókband
og umsjón með prentgripum.
Pixel er alhliða prentþjónusta með
starfsstöðvar í Reykjavík og á Ísafirði.
Pixel þýðir myndeining - sem er minnsta eining úr mynd.
Orðið pixel er byggt á samblöndu úr orðunum
pix (pictures) og el (element)
gisting.dk
499 20 40 (Íslenskur sími) 32 55 20 44 (Danskur sími)
Herbergi frá Dkk 300 Íbúðir frá Dkk 900
Kaupmannahöfn
Ásgeir Ingvarsson
ai@mbl.is
Valgeir Sigurðsson segir að í tæp-
lega sex ára sögu Vinnuverndar ehf.
hafi orðið veruleg breyting á eðli og
umfangi þeirra mannauðs- og vinnu-
verndarvandamála sem íslensk
fyrirtæki glíma við. „Í dag erum við
að hjálpa stjórnendum að fást við
mál sem við urðum ekki vör við þeg-
ar allt lék í lyndi árið 2006 eða 2007.
Iðulega eru þetta erfið mál sem
hreinlega kalla á það að fyrirtækin
geti haft sérfræðinga sér til aðstoð-
ar.“
Fleiri eru með á nótunum
Um leið segir Valgeir að á síðustu
árum hafi orðið áberandi viðhorfs-
breyting varðandi mikilvægi þess að
huga að líkamlegri og andlegri líðan
starfsmanna. Vinnuvernd er þjón-
ustufyrirtæki sérhæft í heilsuvernd
og heilsueflingu starfsmanna stofn-
ana og fyrirtækja. „Áherslurnar
hafa breyst og sést m.a. í því að oftar
má finna innan fyrirtækja fólk sem
hefur menntað sig á sviði mannauðs-
mála og er betur að sér um hvernig á
að hlúa sem best að starfsfólkinu og
gerir sér grein fyrir mikilvægi þessa
málaflokks fyrir reksturinn. Við
fundum fyrir samdrætti árið 2009 en
síðan þá hefur verið stöðugur vöxtur
og við heyrðum það hjá viðskiptavin-
um okkar að okkar þjónusta er með
því allra síðasta sem menn myndu
vilja skera niður. Hafa raunar marg-
ir lagt talsvert á sig til að geta haldið
áfram að kaupa þessa þjónustu.“
Vinnuvernd hefur á sínum snær-
um lækna, hjúkrunarfræðinga og
sérfræðinga á ýmsum sviðum heil-
brigðis og vinnuvistar. „Við búum að
vel menntuðu fólki með langa og
mikla reynslu. Fyrirtækið býður
m.a. upp á ráðgjöf og fræðslu, gerir
heilsufarsathuganir, aðstoðar við
hönnun og betrumbætur á vinnu-
aðstöðu og annast fjarvistaskrán-
ingu og trúnaðarlæknisþjónustu.“
Aukin áhersla á andlega líðan
Nýlega lauk skipulagsbreytingum
á starfseminni þar sem Vinnuvernd
var skipt upp í tvö svið: vinnuvernd-
arsvið annars vegar og heilsuvernd-
ar- og heilsueflingarsvið hins vegar.
„Þetta er gert til að forma starfsem-
ina enn betur og vera vel í stakk búin
til að takast á við bæði fleiri og
stærri verkefni,“ útskýrir Valgeir.
Meðal nýrra liða í starfseminni er
þjónusta vinnusálfræðings. Valgeir
segir greinilega þörf á að huga enn
betur að andlegri líðan starfsfólks.
Mikið álag hefur verið að safnast upp
og víða sé ástandið eldfimt. „Síðustu
árin hafa mörg fyrirtæki gengið í
gegnum erfiðar breytingar og innan
fyrirtækjanna er svo að finna fólk
sem gengið hefur í gegnum persónu-
legar hremmingar. Allt hefur þetta
áhrif á andlega líðan hópsins,“ segir
Valgeir. „Við sjáum vandasöm mál
koma upp á vinnustöðum en þá má
heldur ekki gleyma að andlegu
álagsmeinin eru oft og tíðum falin
undir yfirborðinu. Með því að bæta
vinnusálfræðingi við hópinn ætlum
við ekki aðeins að standa betur að
vígi í „slökkvistarfinu“ heldur líka
koma með meiri krafti að fyrirbyggj-
andi aðgerðum.“
Vandasöm mál koma
oftar upp en áður
 Álag hefur safnast upp og víða í atvinnulífinu er ástandið
eldfimt  Vilja leggja meiri kraft í fyrirbyggjandi aðgerðir
 Breytingar hjá Vinnuvernd til að takast á við fleiri verkefni
Morgunblaðið/Kristinn
Spenna „Síðustu árin hafa mörg fyrirtæki gengið í gegnum erfiðar breytingar og innan fyrirtækjanna er svo að
finna fólk sem gengið hefur í gegnum persónulegar hremmingar,“ segir Valgeir Sigurðsson um ástandið.
Einn af þjónustuliðum Vinnuvernd-
ar er framkvæmd heilsufarsmæl-
inga á vinnustöðum. Valgeir segir
góða reynslu af því að vakta lykil-
þætti í heilsu starfsmanna með
reglulegum hætti en í mælingunum
er lögð áhersla á að skoða m.a.
heilsuvenjur starfsfólksins og
hvetja til heilsusamlegra lífernis ef
tilefni er til. „Þetta geta verið til-
mæli um allt frá því að huga að
hreyfingu og mataræði yfir í að
kíkja í tímabæra krabbameins-
skoðun. Markmiðið er m.a. að koma
af stað umræðu og hvatningu inn-
an vinnustaðarins, og iðulega verð-
ur heilsufarsmælingin til þess að
koma ákveðnum hópi af stað í rétta
átt. Smám saman, ár frá ári, stækk-
ar svo í hópnum og útkoman verður
mjög heilsumeðvitaður og virkur
vinnustaður.“
Byggja upp réttan
anda á vinnustaðnum
LANGTÍMAMARKMIÐ HEILSUFARSMÆLINGA