Morgunblaðið - 07.04.2012, Blaðsíða 33

UMRÆÐAN 33
MORGUNBLAÐIÐ LAUGARDAGUR 7. APRÍL 2012
12-36 mánaða binditími
Engin útborgun
Ábyrgðar- og kaskótrygging
Bifreiðagjöld
20.000 km á ári
Sumar- og vetrardekk
Þjónustuskoðanir og smáviðhald
Leigð´ann
Eigð´ann
Nýlegir bílar
Allir í toppástandi
Fara í gegnum gæðaskoðun AVIS
Þriggja daga reynsluakstur
www.avisbilar.is
S. 5914000
... og krækja sér í bíl á frábæru verði!
til þess að fara inn á avisbilar.is
11 ástæður
Nýttu svalirnar allt árið um kring
idex.is - sími: 412 1700
- merkt framleiðsla
Skjól
Lumon svalagler veitir skjól
gegn rigningu og roki. Mjög
einfalt er að opna svalaglerið
og renna því til og frá.
Hljóð- og hitaeinangrun
Svalaglerin veita hljóð- og hita-
einangrun sem leiðir til minni
hljóðmengunar innan íbúðar
og lægri hitakostnaðar.
Óbreytt útsýni
Engir póstar eða rammar
hindra útsýnið sem helst
nánast óbreytt sem og ytra
útlit hússins.
Auðveld þrif
Með því að opna svalaglerið
er auðvelt að þrífa glerið að
utan sem að innan.
Stækkaðu fasteignina
Með Lumon svalaglerjum má segja að þú stækkir fasteignina
þína þar sem þú getur nýtt svalirnar allan ársins hring.
hefur svalaglerin fyrir þig!
Hrunið allt í fangið fékk.
Flúðu lyddur argar.
Situr einn á sakabekk.
Saknar Ingibjargar.
Margir hafa velt því
fyrir sér hvers vegna
Sjálfstæðisflokkurinn
hefur löngum notið
meiri lýðhylli en sam-
bærilegir flokkar ann-
ars staðar á Norð-
urlöndunum.
Óvenjulegir yfirburðir í
blaðaútgáfu eiga þar ef-
laust drjúgan þátt, svo
og nafnið, sem er tengt
frelsis- og sjálfstæð-
isbaráttu þjóðarinnar
og fangar því ungar og
ómótaðar sálir – það
þekki ég sjálfur. Bros-
leg foringjadýrkun hef-
ur löngum þótt loða við
flokksfólk og svokölluð
„hjúameðvirkni“, sem
oft hefur verið spilað á.
Þannig hefur hið mikla launþega-
fylgi Sjálfstæðisflokksins, sem aðrir
norrænir hægriflokkar geta ekki
státað sig af, gefið bábiljunni um
„flokk allra stétta“ töluverðan sann-
færingarkraft. En þangað leitar
klárinn sem hann er kvaldastur.
Þegar helsti hrunvaldurinn er sam-
kvæmt skoðanakönnunum að end-
urheimta fyrra fylgi er ekkert skrít-
ið þótt manni komi í
hug að við Íslendingar
séum heimskari, sið-
blindari og meiri höfð-
ingjasleikjur en nor-
rænir frændur okkar.
Enginn í brúnni?
Á áttunda áratug
síðustu aldar er ég var
í förum hjá Eimskip
og stóð hundavaktina
þegar gamli Tungu-
foss öslaði myrkar
öldurnar fyrir Skag-
en, einhverja fjölförn-
ustu skipaleið á norð-
urhveli, var notaleg
tilfinning að bera ekki
ábyrgð á þeirri sigl-
ingu. Ég þurfti aðeins
að éta stefnubreyt-
ingar upp eftir stýri-
manni, framkvæma
þær og skima eftir
siglingaljósum ann-
arra skipa og breyt-
ingum á þeim. Okkar
vökuli og varkári skip-
stjóri, Björn Kjaran, kom líka oft
upp þegar svona stóð á, ekki síst
þegar stýrimenn voru nýgræðingar
og jafnvel af þeim smávegis kaup-
staðarlykt, að ekki sé nú minnst á
þegar þoka bættist við náttmyrkrið.
Þegar íslenska þjóðarskútan
sigldi upp í klettana 2008 spurði
maður mann: Hvernig gat þetta
gerst? Var myrkur eða þoka og rad-
arinn bilaður? Voru stórsjóir og
sterkir straumar? Sjókortin týnd,
stýrið farið, náði ankerið ekki botni
eða var enginn í brúnni? Frést hafði
af svokölluðum skipherra nokkru
fyrr, ásamt Ingibjörgu, fyrsta stýri-
manni, í útlöndum þar sem þau
sungu saman af hjartans lyst: Stolt
siglir fleyið mitt stórsjónum á, sterk-
legur skrokkurinn vaggar til og frá.
Þessi sami kafteinn seldi sig og
sinn flokk kjósendum 2007 fyrst og
fremst út á „trausta efnahagsstjórn“
og varð vel ágengt. En í afdölum hér
vestur við Djúp vissi þó hvert
mannsbarn að nýyrðið „að hardera“
merkti að vera vilja-, getu-, ráð- og
rænulaus.
Landsdómsskrípaleikur
Nei það var svo sannarlega eng-
inn Björn Kjaran á þessum örlaga-
vettvangi 2007 og 2008 og sjálfgefið
að aðalsyndaselurinn færi fyrir
landsdóm, ásamt hrunríkisstjórninni
eins og hún lagði sig, seðlabanka-
stjórum og forstjóra fjármálaeftir-
litsins. En samspillingin grisjaði
hópinn með mannúðarsjónarmið að
leiðarljósi svo Geir mátti einn hírast
á sakabekknum. Og þá hélt skrípa-
leikurinn áfram því ekki skyldi al-
menningur njóta útvarps eða sjón-
varps frá yfirheyrslum og mál-
flutningi. Þó liggur það fyrir að
silkihanskarnir náðu að minnsta
kosti upp að olnbogum því hvað er
eitt „svokallað“ þjóðarskipbrot milli
vina?
Öll lætin við að bjarga Geir frá
landsdómi eru illskiljanleg í ljósi
þess að hann fagnaði sjálfur þang-
aðkomu til að geta útskýrt að síðasta
spölinn hefði hvorki ríkt þingræði né
lýðræði á þjóðarskútunni heldur
bankaræði, sem hann hefði alls ekki
getað farið gegn. Enda ekkert vitað,
sér hefði verið sagt ósatt um stefnu,
sjólag og veðurútlit, aðrir verið í
brúnni og hann því alsaklaus.
Á landsfundi flokksins bað hann
þó sjálfstæðismenn af einhverjum
ástæðum afsökunar en restin af
þjóðinni mátti éta það sem úti fraus.
En þar sem þorri landsdómsfólks er
skipaður eða kosinn af bláu hendinni
þarf varla að efast um niðurstöð-
urnar.
Strandkafteinninn
Eftir Indriða
Aðalsteinsson
» Brosleg for-
ingjadýrkun
hefur löngum
þótt loða við
flokksfólk og
svokölluð „hjúa-
merðvirkni“,
sem oft hefur
verið spilað á.
Indriði Aðalsteinsson
Höfundur er bóndi á
Skjaldfönn við Djúp.
Það er mikill hug-
ur í bæjarstjórn og
starfsmönnum Garða-
bæjar þessa dagana.
Við búum ekki aðeins
við traustan og góðan
fjárhag heldur sýnir
nýleg könnun okkur
að íbúar bæjarins eru
almennt ánægðari
með þjónustu sveitar-
félagsins en íbúar
annarra sveitarfé-
laga. Þessar góðu
niðurstöður gefa okk-
ur vind í seglin og
hvetja okkur til að
halda áfram að leita
leiða til að gera sí-
fellt betur.
Þjónustukönnun
Capacent var gerð í
október sl. í 16
stærstu sveit-
arfélögum landsins. Fyrirtækið
hefur nú tekið út niðurstöðurnar
fyrir Garðabæ. Í stuttu máli sagt
kemur þar fram að mikil ánægja
er með þjónustu Garðabæjar við
íbúa sveitarfélagsins. Ríflega 94%
íbúanna telja að það sé gott að
búa í Garðabæ og bærinn fær
hæstu einkunn allra sveitarfélag-
anna þegar spurt er hversu
ánægðir íbúar séu með þjónustu
bæjarfélagsins almennt.
Hæstur í sjö spurningum
af 11
Alls eru 11 spurningar í könn-
uninni þar sem spurt er út í við-
horf íbúa til ólíkra þátta í þjón-
ustu viðkomandi sveitarfélags.
Garðabær er það sveitarfélag sem
kemur best út í svörum við sjö af
þessum 11 spurningum. Í svörum
við einni spurningu var bærinn í
öðru sæti, í þriðja sæti í tveimur
og fimmta í einum.
Garðabær er efstur á blaði í
spurningum um almenna ánægju
með bæinn sem búsetustað og um
þjónustu sveitarfélagsins almennt.
Hann er líka í fyrsta sæti þegar
spurt er um ánægju með skipu-
lagsmál, með gæði umhverfis í ná-
grenni við heimili, þjónustu við
barnafjölskyldur,
þjónustu grunnskóla
bæjarins og loks
ánægju með viðbrögð
starfsfólks á bæj-
arskrifstofum við er-
indum íbúa. Síðasta
spurningin var aðeins
lögð fyrir þá sem
höfðu samskipti við
bæjarskrifstofur á
undangengnum tveim-
ur árum.
Garðabær raðast í
annað sæti í spurn-
ingu um ánægju með
þjónustu leikskóla og í
þriðja sæti í spurn-
ingum um þjónustu
við eldri borgara og
aðstöðu til íþróttaiðk-
unar. Í svörum við
spurningu um hvernig
Garðabær sinnir
menningarmálum rað-
ast bærinn í fimmta
sæti.
„Kúltúr“ sem skilar árangri
Ekki er hægt að segja annað en
að þessar niðurstöður séu mjög
góðar fyrir Garðabæ og segi okk-
ur að bæjarstjórn, stjórnendur og
allir starfsmenn eru í góðum
tengslum við íbúa og leggja sig
fram við að mæta kröfum þeirra.
Eina af ástæðum þess tel ég vera
að okkur hafi tekist að skapa það
sem ég kalla „vinningskúltúr“ í
starfsemi bæjarins. Það ríkir mik-
ill metnaður í öllum okkar stofn-
unum og starfsfólki finnst eðlilegt
að gera þá kröfu að vera fremst á
sínu sviði. Það er mjög dýrmætt
þegar slíkur andi myndast á
vinnustað og það skilar árangri
eins og tölurnar sýna okkur.
Á haustmánuðum munum við
leggja ítarlegri könnun fyrir íbúa
Garðabæjar þar sem kafað verður
dýpra ofan í einstaka þætti þjón-
ustunnar. Þannig getum við greint
hvað það er á hverju sviði sem
íbúar eru ánægðir með og hvar við
getum bætt okkur enn frekar.
Ég þakka Garðbæingum fyrir
það traust sem þeir bera til sveit-
arfélagsins.
Ánægðir íbúar
Eftir Gunnar
Einarsson
Gunnar Einarsson
» Íbúar Garða-
bæjar eru
almennt ánægð-
ari með þjón-
ustu sveitarfé-
lagsins síns en
íbúar annarra
sveitarfélaga.
Höfundur er bæjarstjóri Garðabæjar.