Morgunblaðið - 07.04.2012, Blaðsíða 32

32 UMRÆÐAN
MORGUNBLAÐIÐ LAUGARDAGUR 7. APRÍL 2012
Opnunartímar: Mánudaga til föstudaga 9-18 og laugardaga 11-14
Smiðjuvegur 6 (rauð gata) // 200 Kópavogur // parketbudin.is
PARKET, LÖKK OG OLÍUR
Þú velur
og draumasófinn þinn er klár
GERÐ (yfir 90 mismunandi útfærslur)
STÆRÐ (engin takmörk)
ÁKLÆÐI (yfir 2000 tegundir)
Sófinn þinn útfærður eftir þínum óskum
Íslensk
framleiðsla
Mósel
30% afsláttur af völdum sófum
H Ú S G Ö G N
Basel
Patti verslun | Dugguvogi 2, 104 Reykjavík | Sími: 557 9510 | Netfang: patti@patti.is | vefsíða: patti.is
Verslun okkar er opin:
Virka daga kl. 9-18
Laugardaga kl.11-16
Sunnudaga lokað
Snorri Sturluson,
sagnaritari, skáld og
lögsögumaður, var
andstæðingur er-
lendra yfirráða á Ís-
landi. Bókmenntaverk
og stjórnmálastörf
Snorra bera því vitni.
Íslenska þjóðin á að
stórum hluta frelsið
og fullveldið að þakka
hinum mikla og gæfu-
ríka menningararfi Snorra Sturlu-
sonar. Hefur Snorra þótt samskipti
sín við norska valdamenn vera orðin
hættuleg Íslendingum og viljað slíta
þeim þegar hann mælti hin frægu
orð „út vil ek“.
Jón Loftsson, áhrifamesti goðinn
á Íslandi, sem var í frændsemi og
vináttu við norsku konungsættina,
var enginn agent né áróðursmaður
fyrir yfirráðum Noregskonunga á
Íslandi. Kirkju- og konungsvaldi
sem þá ríkti í Evrópu, ESB þeirra
tíma, vildi Jón halda í skefjum á Ís-
landi. Ævisaga þeirra fóstra Jóns
og Snorra er þjóðinni góð fyrir-
mynd í ævarandi varðgæslu fyrir
frelsi hennar og fullveldi. Vinátta og
viðskipti við aðrar þjóðir, en engin
yfirráð þeirra yfir landi og þjóð.
Sjö hundruð og sjötíu ár eru liðin
síðan morðsveit Hruna-jarlsins kom
í Reykholt og hjó þar níðingshöggið
örlagaríka. Þjóðveldisöld var lokið
formlega 1262, Ísland varð erlend-
um yfirráðum að bráð undirbúa ný-
ir Hruna-jarlar og sveit málaliða í
grænni treyju níðhögg gegn frelsi
og fullveldi Íslands?
ESB-aðildaráróðurstrúðar tönnl-
ast á þeim lygaáróðri að andstæð-
ingar ESB-aðildar Íslands vilji ein-
angra landið, séu á móti Evrópu,
útlendingum og aðild Íslands að al-
þjóðlegum samtökum og samvinnu.
Þær lygasögur ESB-aðildarforingja
eru aðal „rök“ þeirra fyrir aðild. Ís-
lendingar hafa alltaf haft í heiðri þá
skynsamlegu stefnu, að eiga vin-
samleg samskipti við aðrar þjóðir.
Íslenska þjóðin er trúlega enn sömu
skoðunar. Einangrun frá öðrum
þjóðum hefur aldrei verið stefnan.
Er ESB-báknið rekið núna með
bókhaldsbrellum og seðlaprentun?
Ávísun á verðbólgu og atvinnuleysi
til langrar framtíðar í ESB-löndum.
Er stöðuga myntin „evru-armadan“
sokkin, orðin að fæðu bankaþrjóta,
fjárglæfrahákarla og mafíósa? Ís-
lensku þjóðinni tókst að hrinda og
ógilda Ice-fake, fjörráða áætlanir
aðildarforingja og skósveina þeirra,
sem þeir ætluðu með blekkingum
og valdníðslu og stuðningi ístöðulít-
illa þingmanna að láta þjóðina sam-
þykkja. Gerum öllum lýðum ljóst að
Ísland, auðlindir þess, landsréttindi
og frelsi er ekki til sölu, hvorki fyrir
grjónaskál né baunadisk, hvað sem
líður landsölulauslæti full-
veldisprangara og ESB-sinnaðra
landsölutrúða.
Fyrstu skrefin í
ESB-væðingu ís-
lenskra auðlinda eru
stigin með frumvarpi
um fiskveiðiauðlindina.
Hlutir í íslenskum út-
gerðarfyrirtækjum
verði tilbúnir til sölu á
markaðstorgum ESB-
kauphalla, íslensk fiski-
mið opnuð fyrir ESB-
fiskveiðiflotum. Ís-
lenskir sjómenn látnir
víkja fyrir láglauna sjó-
mönnum frá Íberíuskaga takist
ESB-rembuliði og Brussel-nöglum
að narra Íslendinga inn í ESB-
þrælabáknið.
Aðildarforingjarnir leita nú ákaft
að ESB-þjónustulunduðum forseta-
frambjóðanda, sprellikarli eða
-kerlingu vel spottatengdum sem
þeir geta stjórnað eftir hent-
ugleikum. Þingmenn (ráðherrar)
hafa engar löglegar heimildir fyrir
samningum við ESB um afsal
(framsal) fullveldis- og löggjaf-
arvalds. Slíkir samningar eru gróft
brot á stjórnarskrá Íslands. Þing-
menn eiga ekki að sitja á svikráðum
og níðast á því sem þeim er fyrir
trúað.
Þeir sem þykjast til þess hæfir að
setja forseta Íslands siðareglur
ættu að byrja á sjálfum sér, t.d.
virða stjórnarskrá og lög landsins,
segja kjósendum satt um þeirra
raunverulegu pólitísku stefnu og
fyrirætlanir. Valdfrekju- og vald-
níðslupólitíkusar, sem ætla að selja
Íslands frelsi fyrir ESB-helsi.
„Græðum“ svo mikið á því er þeirra
fjörráða síbylja. Ætla, hvað sem
það kostar, að láta þjóðina líta
myrka dögun og svarta framtíð
svikabragða.
Fyrir tvö þúsund árum sagði
frelsarinn, sem við minnumst á
páskum: „Þið hafið gert hús föður
míns að ræningjabæli.“ Mundi
frelsisforingi Íslendinga, sem horfir
við Alþingishúsinu, segja: „Þið hafið
gert hús þjóðar minnar að land-
ráðabæli“?
Á mestu harðræðistímum Íslands
afþökkuðu landsmenn þjóðarflutn-
ing á Jótlandsheiðar. Þeir höfðu
meiri trú á fósturlandinu og farsælli
framtíð þjóðarinnar þar. Í fátækt
og skorti vaknaði vonin um end-
urheimt frelsis og viðreisn þjóð-
félagsins. Er okkur sem nú lifum og
njótum alls þess sem áunnist hefur
síðan einhver vorkunn að varðveita
það sem hverri þjóð er mikilvægast
og verðmætast, frelsið og fullveldið.
Þjóð sem skortir ekkert, nema
stjórnmálamenn sem hægt er að
treysta. Höfnum flutningi ESB- og
Brussel-valds á „Jótlandsheiðar“.
Þá mun engum takast að stela Ís-
landi og gera að ránsfeng útrás-
arvíkinga (RÚV) og tortólfa.
Því meira sem heyrist af lýð-
skrums- og rangfærslulygarugli
ESB-aðildarforingja, því hugþekk-
ari verður hugarmynd skáldsins um
leiðtoga. Þjóðsterkur láðvörður
lýða, lýðræðisstoð og landvarn-
arstólpi, viskusnjall. Forsetinn
raungerir ágætlega fáhugarmynd.
Fáir munu eftir leika.
Snorri átti Bessastaði um árabil
og dvaldi þar oft. Gæfa og hamingja
lands og þjóðar mun varðveita
menningar- og frelsisanda Snorra
Sturlusonar um ókomna tíð á þeim
bæ, sem nú er bær forseta Íslands.
Frelsi og fullveldi
Íslands
Eftir Hafstein
Hjaltason
Hafsteinn Hjaltason
»Er ESB-báknið rek-
ið núna með bók-
haldsbrellum og seðla-
prentun? Ávísun á
verðbólgu og atvinnu-
leysi til langrar fram-
tíðar í ESB-löndum.
Höfundur er vélfræðingur.
- nýr auglýsingamiðill
569-1100
finnur@mbl.is