Morgunblaðið - 07.04.2012, Blaðsíða 11

kom Hafdís heldur tómhent, stóran disk lagði
hún á borð sem var hlaðinn nýbökuðum múff-
um sem vöktu mikla lukku viðstaddra. Spennan
lá í loftinu og blessuð börnin gátu ekki beðið að
fá að byrja að blása og mála öll þessi egg sem
biðu þeirra, nýþvegin og ljómandi. Fljótlega
kom í ljós að sá elsti í hóp barnanna, Hrafn
Flóki, var sá eini þeirra sem réð við að blása
innvolsi úr eggjum. Stúlkurnar tvær höfðu ekki
alveg nógu mikinn kraft í blásturinn, því það
þarf jú þó nokkuð til að koma öllu því sem er
inni í eggi út um lítið gat. Kría vildi líka svo
gjarnan borða eggin og skildi ekki alveg þetta
blástursvesen. Litlar og ákafar hendur eiga líka
erfitt með að passa að brjóta ekki innantóm egg
sem þær eru að mála, og því höfðu nokkur
eggjanna verið harðsoðin áður en gleðigjaf-
arnir komu í hús. Þá gátu þau kreist eggin eins
fast og þau vildu. Síðan var málað og málað og
næsta víst að stund í slíkt páskaföndur er dýr-
mæt stund.
Mikið um að vera Flóki stóð sig með mikilli prýði við að blása úr eggjunum en Kría var meira fyrir að kasta eggjum.
Skrautlegt Elín Agla notaði m.a. túss við eggjaskreytinguna.
Flinkur Flóki passaði að brjóta ekki eggin þegar hann var að blása úr þeim.Páskagleði Þessi þrjú sóma sér vel sem páskaskraut.
DAGLEGT LÍF 11
MORGUNBLAÐIÐ LAUGARDAGUR 7. APRÍL 2012
FINNDU LEYNIKÓÐANN INNI Í PÁSKAEGGINU ÞÍNU
SLÁÐU LEYNIKÓÐANN INN Á FREYJUHEIMUR.IS
ÞÚ GÆTIR UNNIÐ GLÆSILEGA VINNINGA!