Morgunblaðið - 07.04.2012, Side 37

MINNINGAR 37
MORGUNBLAÐIÐ LAUGARDAGUR 7. APRÍL 2012
✝ Unnur Jóns-dóttir fæddist
á Siglufirði 30.
ágúst 1928. Hún
lést á Heilbrigð-
isstofnun Suður-
lands 23. mars
2012. Foreldrar
hennar voru Jón
Anton Gíslason, f.
23. janúar 1889, d.
8. maí 1973 og
Helga Jóhann-
esdóttir, f. 29. maí 1890, d. 24.
nóvember 1971. Systkini Unnar
eru Hrönn, f. 1918, d. 2005,
Ragnheiður, f. 1919, d. 1998,
Dóróthea Anna, f. 1922, d. 1986,
Snorri, f. 1925, Jóhannes, f.
1926, d. 1987, Petra, f. 1931 og
Vilborg, f. 1932.
Unnur giftist 31. desember
kennari í Reykjavík, gift Hall-
dóri Leifssyni. Dætur þeirra
eru: a) Bergljót Björk, f. 1977,
gift Ingólfi Arnari Stangeland,
þau eiga synina Hilmi Viktor, f.
2005 og Valtý Karl, f. 2010, b)
Sara Lovísa, f. 1984, gift Gísla
Páli Sigurðssyni, dóttir þeirra
er Thelma Hrönn, f. 2009. c)
Katrín Rut, f. 1994. 3) Jón
Þröstur, f. 6. maí 1962, blóma-
skreytir og garðyrkjufræðingur
í Hveragerði.
Unnur bjó lengi í Aust-
vaðsholti en bjó síðustu þrjátíu
árin á Hellu. Hún var mjög stolt
af siglfirska uppruna sínum,
var dugnaðarforkur og gekk í
hvaða verk sem þurfti að vinna,
hvort sem var í fiski, eldhúsi,
búskapnum, sauma/prjóna-
stofu, ræstingum eða sem dag-
mamma svo dæmi séu tekin.
Útför Unnar fer fram frá Ár-
bæjarkirkju, Holtum, í dag, 7.
apríl 2012, kl. 14.
1955 Ólafi Hann-
essyni frá Austv-
aðsholti, f. 16. jan-
úar 1920, d. 11.
júní 1979. Þeirra
börn eru: 1) Hann-
es Ólafsson, f. 23.
desember 1953,
bóndi í Austv-
aðsholti, giftur
Kristínu Ragnheiði
Alfreðsdóttur.
Þeirra börn eru: a)
Ólafur, f. 1981, b) Gunnar Theo-
dór, f. 1986, í sambúð með Bar-
böru Olguin, dóttir Barböru er
Nathalía Lind Olguin Sölvadótt-
ir, f. 2007, c) Kristín Júlía, f.
1991, hennar kærasti er Árni
Þór Þorsteinsson, d) Egill Þór,
f. 1997. 2) Ingibjörg Ólafsdóttir,
f. 15. maí 1958, framhaldsskóla-
Elsku mamma mín, núna ert
þú búin að fá hvíldina og komin
til ástvina sem á undan þér eru
farnir.
Hún mamma mín var alla tíð
vinnusöm og dugleg kona. Hún
nam við Húsmæðraskólann á
Hallormsstað sem ung kona og
lærði þar allar helstu hannyrðir
og húsmóðurstörf sem talið var
að ungar konur þyrftu að kunna
skil á til að verða góðar hús-
freyjur. Tíminn á Hallormsstað
var henni góður og handavinnan
sem eftir hana lá var geymd eins
og gersemar.
Ég man alla tíð eftir henni
með sömu forvitnina að finna út
hvernig einhver dúkur var hekl-
aður eða hvaða prjónaaðferð var
beitt við að prjóna fallegt prjón.
Fallega dúka fannst henni nauð-
synlegt að hafa á borðum og oft
keypti hún efnisbút, faldaði
hann og saumaði blúndur á.
Margir hafa fengið slíka ger-
semi að gjöf frá henni. Henni
fannst líka gaman að skoða fal-
leg fataefni og að velja sér til að
sauma úr blússu eða buxur. Hún
var nákvæm og vildi þræða allar
flíkur saman til að máta áður en
saumað var í saumavél.
Mamma kenndi mér að
prjóna þegar ég var eitthvað um
7 ára í eldhúsinu heima þegar
við vorum einar. Handavinnu-
áhugann fékk ég svo sannarlega
með mér í veganesti þegar ég
valdi mér framtíðarstarf þar
sem ég er kjólameistari og
kennari á fatahönnunarbraut.
Þegar ég hafði menntað mig
sem kjólameistari gat ég launað
henni jólakjólasauminn og
saumað á hana.
Hún mamma hafði gaman af
að skoða falleg föt og þegar hún
kom í bæinn þá vissi hún ekkert
skemmtilegra en að fara í búðir
og skoða og máta og kannski
kaupa sér fallega flík.
Á seinni árum þegar hún var
orðin slæm í höndunum og gat
minna saumað og prjónað þá fór
hún að mála á dúka og gler og
síðasta jólagjöfin hennar til mín
var lampi sem hún hafði búið til
úr gleri og málmi. Alltaf var hún
tilbúin að prófa eitthvað nýtt.
Ég kveð góða móður og
þakka allt sem hún gaf mér í
veganesti út í lífið og ég get
komið áfram til dætra minna.
Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil, svo ég sofi rótt.
(Sveinbjörn Egilsson)
Þín dóttir,
Ingibjörg (Bugga).
Elsku tengdamamma.
Margar eru góðu minningarn-
ar en þær vilja ekki á blað, þess í
stað koma þessi ljóð sem ég fékk
að láni og mér finnst falleg.
Þú gengin ert hugglöð á frelsarans
fund
og fagnar með útvaldra skara,
þar gleðin er eilíf, þar grær
sérhver und.
Hve gott og sælt við hinn hinsta
blund
í útbreiddan faðm Guðs að fara.
Nú kveðja þig vinir með klökkva og
þrá
því komin er skilnaðarstundin.
Hve indælt það verður þig aftur að sjá
í alsælu og fögnuði himnum á,
er sofnum vér síðasta blundinn.
(Hugrún)
Takk fyrir allt og allt, og við
sjáumst.
Ragnheiður.
Amma mín er farin. Sú sem
alltaf gat grínast og bent á
skondnu hliðina á öllum málum.
Sem gat platað mann til að
hringja ýmiskonar símtöl til að
athuga með rútuferðir og brott-
farartíma og fá svo brjóstsykur
fyrir greiðann. Ég tengi oft fólk
og staði við matarminningu og í
mínum huga var Unnur amma
sandkökuamman. Sandkökur og
jólakökur. Þessar klassísku sem
voru alltaf á boðstólum ef við
áttum leið til hennar á Hellu.
Sem krakka fannst mér óheyri-
lega spennandi þegar ég fékk að
fara með henni í vinnuna í bak-
aríið á Hellu. Nóg að fá þar.
Fyrsta skipti á ævinni sem ég
fékk heilt sætabrauð alveg sjálf
(hefð hjá foreldrum mínum að
skipta öllu kaffibrauði sam-
viskusamlega í minnst tvo bita).
Ömmu fannst nú ekki að maður
ætti að líða þann skortinn. Þessi
skipti sem ég fékk að fara sjálf í
rútu og gista hjá ömmu; því
gleymi ég seint. Stússa með
henni í eldhúsinu og garðinum,
hlaupa á eftir Randveri kisu,
horfa á RÚV til dagskrárloka og
sofna svo í gestaherberginu. Það
var svo næstum því orðin hefð
að ég læddist inn til hennar með
sængina mína og hrjúfraði mig á
kringlóttu mjúku mottunni sem
var við hliðina á rúminu hennar.
Þegar ég var sjálf komin með
fjölskyldu og flutt til útlanda var
ég heppin ef einhverjir stórvið-
burðir í fjölskyldunni kröfðust
þess að amma kæmi í bæinn svo
við gætum hist. Hversu barngóð
hún var sá ég svo greinilega
þegar hún gaf sig að langömm-
ustrákunum sínum tveim. Hilm-
ir grét sárt þegar hann fékk
fréttirnar af andláti ömmu og
henni til heiðurs höfum við safn-
að saman og stillt fram allri
handavinnunni hennar sem við
höfum fengið í jólagjöf síðustu
árin ásamt mynd af þeim tveim
tekinni á skírnardegi hans.
Hvíl í friði, elsku amma mín
og langamma drengjanna
minna.
Bergljót Björk
Halldórsdóttir.
Elsku amma.
Okkur langaði til þess að
hripa niður nokkur fátækleg orð
sem hinstu kveðju til þín í þessu
jarðríki. Hún amma okkar er
horfin yfir móðuna miklu til
fundar við Óla afa og vafalaust á
vit þeirra miklu ævintýra sem
hana langaði svo mikið í. Þær
eru margar minningarnar sem
standa eftir, en það tæki of lang-
an tíma að rifja þær allar upp og
segja frá. Það sem helst stendur
upp úr er hvað amma var glöð að
sjá okkur og dugleg að spyrja
eftir því hvernig við systkinin
hefðum það, hvað við værum að
gera og hvernig okkur gengi og
skipti þá litlu hvort við værum
við vinnu eða í skóla. Á milli
spurninga um okkur stóð auðvit-
að ekki á því að okkur var boðið
kex. Nú eða terta eða þá að
nammidallurinn var dreginn upp
og okkur boðinn moli. Við vorum
ávallt velkomin í Heiðvanginn til
þín hvort sem um var að ræða að
fá gistingu vegna þess að við
komumst ekki upp í Austvaðs-
holt vegna veðurs og færðar eða
bara bíða eftir hinu og þessu.
Oftar en ekki var samt bara
komið við í heimsókn að kíkja á
ömmu.
Æ, amma, hvar ertu? Æ, ansaðu mér.
Því ég er að gráta og kalla eftir þér.
Fórstu út úr bænum eða fórstu út á
haf?
Eða fórstu til Jesú í sælunnar stað?
(Höf. ók.)
Við systkinin viljum þakka
þér fyrir alla þá aðstoð og góðar
stundir sem við áttum með þér.
Það er okkar von að þér gangi
vel í þeim nýju ævintýrum sem
þú finnur ásamt Óla afa.
Ólafur, Gunnar,
Kristín og Egill.
Unnur Jónsdóttir
Elsku Unnur, okkur langar til
þess að kveðja þig með þessum
orðum og þakka þér fyrir gest-
risnina þegar við komum í heim-
sókn með þeim Kristínu og
Gunnari og þann hlýhug sem þú
sýndir okkur.
Árni og Barbara.
Elsku Unnur. Takk fyrir allt
sem þú hefur gefið mér síðan ég
fæddist. Takk fyrir allan kand-
ísinn sem ég hef fengið hjá þér
þegar ég hef komið í heimsókn
til þín. Takk fyrir flöskurnar
sem þú gafst mér um daginn,
vildi að ég hefði getað sýnt þér
fimleikabolinn. Takk fyrir bæn-
irnar sem þú gafst mér, ég kann
þær orðið utan að og er búin að
fara með þær oft síðustu daga.
Ég ætla að láta eina bænina
fylgja með:
Legg ég nú bæði líf og önd,
ljúfi Jesús, í þína hönd,
síðast þegar ég sofna fer
sitji Guðs englar yfir mér.
(Hallgrímur Pétursson)
Þín
María Björg Austmar.
„Ég er búin að hella upp á
kaffi og nú er það sko sérstak-
lega gott.“ Þetta heyrði ég nán-
ast á hverjum morgni þegar þú
hringdir í mig. Mikið sakna ég
þess að heyra þetta þegar ég er
orðin þreytt á að hlusta á fyr-
irlestra, það var eins og þú fynd-
ir það á þér, því þá hringdi sím-
inn. Það var svo gott að fá sér
smápásu frá lærdómnum og
kíkja til þín í kaffi elsku Unnur
mín eða bara spjalla við þig í
símann. Það verða hálftómlegir
morgnarnir hjá mér núna.
Þú varst mér svo miklu meira
en bara Unnur, þú varst mér
sem amma sem ég á eftir að
sakna svo mikið. Það var svo
gott að koma til þín og spjalla
við þig, við gátum spjallað enda-
laust um allt og ekkert og gátum
sagt hvor annarri allt. Það var
svo gaman að hlusta þegar þú
sagðir mér frá því þegar
mamma kom til þín í sveitina og
allar sögurnar frá Sigló. Við gát-
um hlegið endalaust saman og
þær minningar ætla ég að
geyma vel.
Það er margt sem á eftir að
minna mig á þig næstu árin. Ég
á sennilega alltaf eftir að hugsa
til þín þegar ég borða slátur því
ein af mínum fyrstu minningum
um þig er þegar ég, þú og
mamma vorum að gera slátur í
eldhúsinu hjá þér þegar ég var
lítil. Ég á líka eftir að hugsa til
þín þegar ég sé rabarbara og
hugsa um góða grautinn þinn
sem ég fékk hjá þér sem lítil
stelpa.
Síðustu árin gerðir þú mikið
af handavinnu og það voru ófáir
hlutirnir sem þú náðir í inn í
herbergi og sýndir mér og þeir
voru hver öðrum fallegri, það
var alveg sama hvort það voru
dúkar, kerti eða eitthvað annað
og mikið á ég eftir að passa vel
upp á lyklaskápinn sem þú mál-
aðir og gafst mér. Það verður
skrítið að koma ekki í garðinn
þinn, sem þér þótti svo vænt um,
í sumar með unglingavinnuna og
gera fínt hjá þér en þau voru ófá
skiptin sem ég kom til þín til að
gera fínt í beðunum þínum.
Nú hefur þú loksins fengið að
hitta hann Óla þinn og er ég viss
um að hann hefur tekið vel á
móti þér.
Takk fyrir allt elsku Unnur
mín.
Þín
Þórunn Inga Austmar.
Unnur Jónsdóttir
✝
Ástkær eiginmaður og vinur, faðir, tengda-
faðir, afi og langafi,
JÓN MARINÓ KRISTINSSON,
lést á hjúkrunarheimilinu Garðvangi Garði í
faðmi fjölskyldunnar, sunnudaginn 1. apríl.
Útförin fer fram frá Keflavíkurkirkju
þriðjudaginn 10. apríl kl. 14.00.
Þeim sem vildu minnast hans er bent á hjúkrunarheimilið
Garðvang Garði.
Sonja I. Kristensen,
Kamilla J. Williams,
Arne I. Jónsson, Soffía Pétursdóttir,
Ingibjörg Jóna Jónsdóttir, Bjarni Guðmundsson,
María J. Anninos, Joseph A. Anninos,
Kristín V. Jónsdóttir, Böðvar Snorrason,
Jón Marinó Jónsson, Jóna Björk Guðnadóttir,
barnabörn og barnabarnabörn.
✝
Elskulegur eiginmaður minn, faðir, tengda-
faðir, afi og bróðir,
DAGUR JÓNSSON
rafvirki,
Grenihlíð 24,
Sauðárkróki,
varð bráðkvaddur á heimili sínu að morgni
laugardagsins 31. mars.
Minningarathöfn verður í Sauðárkrókskirkju annan dag páska,
mánudaginn 9. apríl kl. 15.00.
Útförin fer fram frá Hafnarfjarðarkirkju fimmtudaginn 12. apríl
kl. 13.00.
Blóm og kransar afþakkaðir en þeim sem vilja minnast hins látna
er bent á Heilbrigðisstofnunina á Sauðárkróki.
Valdís Þórðardóttir,
Jón Dagsson, Aðalheiður Konstantínsdóttir,
María Rán Jónsdóttir,
Óskar Jónsson,
Bjarni Dagur Jónsson,
Rúnar Jónsson,
ættingjar, tengdafólk og vinir.
✝
Elskulegur eiginmaður minn, faðir, bróðir,
mágur og frændi,
HALLDÓR GUÐMUNDUR BJARNASON,
Kjarrhólma 20,
varð bráðkvaddur á heimili sínu fimmtu-
daginn 29. mars.
Útförin fer fram frá Kópavogskirkju föstu-
daginn 13. apríl kl. 13.00.
Blóm og kransar afþakkaðir, en þeim sem vilja minnast hans
er bent á reikning fjölskyldu hans, 0536-14-400417,
kt. 040675-3029.
Prakob Prawan,
Guðrún Sandra Halldórsdóttir,
Kristinn Jón Arnarson, Ekaterina Ivanova,
Margrét Marín Arnardóttir, Einar S. Karlsson,
Olesya, Dís Bjarney, Marín Elísabet og Ellen Andrea.
✝
Elskuleg móðir okkar, tengdamóðir, amma
og langamma,
ELÍN RANNVEIG JÓNSDÓTTIR,
Ránargötu 27,
Akureyri,
lést á dvalarheimilinu Hlíð þriðjudaginn
27. mars.
Útförin hefur farið fram í kyrrþey að ósk hinnar látnu.
Alúðarþakkir fyrir hlýhug og auðsýnda samúð.
Starfsfólkið Eini- og Grenihlíð fær sérstakar þakkir fyrir
frábæra umönnun.
Áslaugur Haddsson, Hulda Harðardóttir,
Margrét Haddsdóttir, Stefán Kárason,
barnabörn og barnabarnabörn.
✝
Elskulegur eiginmaður minn, faðir, tengda-
faðir og afi,
ÆVAR KARL ÓLAFSSON
fv. yfirtollvörður,
Kirkjulundi 6,
Garðabæ,
lést á líknardeild Landspítalans þriðjudaginn
3. apríl.
Sigrún Jóhannsdóttir,
Ólafur Þór Ævarsson, Marta Lárusdóttir,
Inga Jóna Ævarsdóttir, Tryggvi Agnarsson,
Jóhann Björn Ævarsson
og barnabörn.
✝
Ástkær móðir okkar, tengdamóðir, amma og
langamma,
ÁSTRÓS EYJA KRISTINSDÓTTIR
frá Norðurgarði,
Vestmannaeyjum,
til heimilis að Faxabraut 13,
Keflavík,
lést á hjúkrunarheimilinu Hlévangi laugardaginn 31. mars.
Útförin fer fram frá Keflavíkurkirkju fimmtudaginn 12. apríl
kl. 13.00.
Harpa Hjörleifsdóttir, Þórður Haraldsson,
Þröstur Elfar Hjörleifsson, Dýrborg Ragnarsdóttir,
Hrönn Hjörleifsdóttir, Þorgeir Kolbeinsson,
Sóley Vaka Hjörleifsdóttir, Jóhann Guðnason,
Bylgja Dögg Hjörleifsdóttir,Guðjón Paul Erlendsson,
barnabörn og barnabarnabörn.