SunnudagsMogginn - 15.04.2012, Blaðsíða 10

10 15. apríl 2012
Ingibjörg Ösp Óttarsdóttir er deildar-
bókavörður á Borgarbókasafni, Folda-
safni í Grafarvogi. Hún er í hópi sem
stendur á bak við undirbúning Bóka-
safnsdagsins. Bókasafnsdagurinn verð-
ur haldinn í annað sinn þriðjudaginn
17. apríl á bókasöfnum um allt land.
07:30 Um þetta leyti er ég al-
mennilega búin að ranka við mér. Ég
er búin að klæða mig, sækja blöðin og
taka til morgunmatinn sem er líkt og
aðra daga, ab-mjólk og múslí. Blaða-
lesturinn og maturinn vekur mig
smám saman til lífsins og um átta kíki
ég á tölvupóstinn og dagbókina og geri
mig tilbúna fyrir daginn.
08:30 Ég er mætt á kaffihús á Suð-
urlandsbraut á undirbúningsfund fyrir
Bókasafnsdaginn. Við förum yfir stöðu
mála. 106 bókasöfn eru skráð til leiks.
Mikið af skemmtilegum myndum hef-
ur borist í stuttmynda- og ljós-
myndakeppnina og bókasöfnin eru í
fullum gangi við að skipuleggja
skemmtilega viðburði fyrir daginn. Í
lokin ræðum við aðeins um þema
dagsins í ár, Lestur er bestur, og
komumst á flug í umræðu um upplýs-
ingalæsi, lestur í fræðasamfélaginu og
bóklestur barna og unglinga. Tíminn
flýgur frá okkur og áður en við vitum
af er klukkan orðin hálftíu og tími til
kominn að mæta til vinnu.
09:50 Eftir slökunarstund í strætó
með bókina mína er ég komin á
Foldasafn. Ég bý mig undir sögustund.
Ég tek á móti hóp af leikskólabörnum
og les fyrir þau söguna af hundinum
sem átti að verða stór. Þau lifa sig inn
í dramatíkina og hlusta af athygli.
11:00 Eftir uppröðun og tiltekt á
safninu sest ég fyrir framan tölvuna og
fer í gegnum tölvupóstinn minn. Fram
að hádegi gef ég, fæ og miðla upplýs-
ingum, prenta auglýsingar og tilkynn-
ingar og færi þær inn á hina ýmsu
vefmiðla.
13:00 Ég er mætt upp í Gerðu-
bergssafn á fund. Sex konur, ein úr
hverju útibúi Borgarbókasafns, eru
mættar til að undirbúa dagskrá Borg-
arbókasafns á Bókasafnsdaginn. Við för-
um yfir hugmyndir af hugarflæðisfund-
inum okkar, veljum úr það sem okkur
líst vel á og útfærum það nánar. Við
leggjum drög að dagskrá sem er ólík
eftir söfnum og erum ánægðar með að
geta boðið upp á fjölbreytta og
skemmtilega dagskrá.
15:00 Ég er mætt aftur á Foldasafn
og það er líflegur dagur í afgreiðslunni.
Ég aðstoða ungan nema við að finna
efni um Kleópötru og konu sem vantar
upplýsingar um beinkrabbamein. Lítill
strákur sýnir mér ánægður bók sem
hann fann og byrjar að spjalla. Þó svo
ég skilji ekki orð af því sem hann segir
náum við þó smá spjalli um bókina og
hann brosir út að eyrum. Það fær mig
til að brosa líka. Svo lána ég út, tek á
móti, endurnýja ýmis gögn og fylli á
sykurkarið hjá kaffinu.
17:00 Ég kveð Foldasafn og held
heim á leið.
18:00 Ég hitti dómnefnd stutt-
myndasamkeppninnar. Við fáum okkur
sushi og núðlur og horfum svo á mynd-
irnar sem bárust. Það er gaman að sjá
hvað það bárust ólíkar myndir sem ger-
ir dóminn enn erfiðari.
20:00 Ég kem heim og dunda mér
við að setja nýjustu ljósmyndirnar í
ljósmyndasamkeppninni inn á Face-
book- og Flicr-síðu Bókasafnsdagsins
meðan ég horfi á sjónvarpið með öðru
auganu.
21:00 Við Davíð kærasti minn
hellum okkur upp á te, setjum góðan
sjónvarpsþátt í tækið og slökum á.
22:00 Ég ákveð að hátta mig
snemma og skríða upp í rúm með bók-
ina mína. Hungurleikarnir hafa gripið
mig eins og svo marga aðra. Strætó-
ferðir dagsins hafa gefið mér stund til
að sökkva mér í bókina og nýt ég þess
að lesa áfram þar til augnlokin fara að
síga. Ég legg frá mér bókina og sofna
eftir góðan dag.
Dagur í lífi Ingibjargar Aspar Óttarsdóttur bókavarðar
Lestur er bestur
Skar og skarkali | 31
Þorgrímur Kári Snævarr