SunnudagsMogginn - 15.04.2012, Blaðsíða 27

P-38 vélar. Um 80% Jökuldömunnar eru
sögð upprunaleg. Gerð var tilraun til að
fljúga vélinni til Englands; til að ljúka för-
inni frá 1942, en mistókst vegna bilunar.
Fólk fær nú reglulega tækifæri til að berja
vélina augum á flugsýningum í Bandaríkj-
unum.
Flugvöllurinn í Ikkateq var lagður niður
undir lok sjötta áratugarins, þegar nýr
hafði verið tekinn í notkun í Kulusuk, í
tengslum við radarstöð Bandaríkjahers
þar, DYE-4 (Big Gun). Flugfélag Íslands
flaug margar ferðir til Ikkateq á árunum
1956-1959, að öllum líkindum aðallega
fyrir Bandaríkjaher, einkum á DC-4 og
lítillega á DC-6 vélum.
Nokkrar ferðir voru farnar með ferða-
menn frá Reykjavík til Ikkateq sumarið
1959, til dæmis fóru 60 farþegar með Sól-
faxa. Meðal þeirra var Leifur Sveinsson
lögfræðingur, sem sagði frá ferðinni í
Morgunblaðsgrein fyrir nokkrum árum.
Bandaríkjamenn hirtu ekki um að taka
til eftir sig þegar herinn yfirgaf Ikkateq á
sínum tíma, og sú sjón er með hreinum
ólíkindum sem blasir við þegar komið er á
staðinn. Þúsundir olíutunna, bifreiðar og
ýmiss konar önnur tæki á víð og dreif á
risastórum ruslahaug inn á milli tignar-
legra fjalla. Ekki beint glæsileg aðkoma,
en aðstæður þó merkilegur minnisvarði
um liðna tíð og þarna má sjá með eigin
augum hvernig á ekki að ganga um.