Morgunblaðið - 12.05.2012, Blaðsíða 16

16 FRÉTTIRInnlent
MORGUNBLAÐIÐ LAUGARDAGUR 12. MAÍ 2012
Rau›arárstígur 14 · sími 551 0400 · www.myndlist.is
Opið virka daga 10–18, laugard. kl. 11–16, sunnud. 14–16
Gallerí Fold í 20 ár 1992–2012
28. apríl – 13. maí
Ole Ahlberg
Pétur Gautur
Síðasta sýningarhelgi
Ný málverk
28. apríl – 13. maí
Erum að taka á móti
verkum á næsta uppboð
Listmunauppboð
Myndlist til 29. maí
Bækur til 27. maí
Hljómplötur til 13. maí
Vefuppboð
Vorbingó Alþjóðlegu barnahjálp-
arinnar verður í
Suðurhlíðarskóla, Suðurhlíð 36 í
Reykjavík, á sunnudaginn klukkan
16.
Fram kemur í tilkynningu að
ágóðinn renni til munaðarlausra
barna í Austur-Kongó.
Bingó fyrir
barnahjálp
Baldur Arnarson
baldura@mbl.is
„Við höfum tryggt okkur sæti í röð-
inni hjá nokkrum framleiðendum
þegar þeir koma með nýja rafbíla á
markað. Þegar frumvarpið um
breytingar á virðisaukaskattslög-
unum um niðurfellingu hluta virðis-
aukaskattsins af hreinorkubílum
hefur verið samþykkt mun rekstrar-
grundvöllurinn skýrast. Þegar það
gerist getum við lagt fram pantanir
og þá kemur í ljós hvað við fáum
mikið af bílum,“ segir Gísli Gíslason,
stjórnarformaður Northern Lights
Energy, um fyrirhugaðan innflutn-
ing á rafbílum á næstu misserum.
Í gegnum tíðina hafa ýmis
áform um innflutning á rafbílum
ekki gengið eftir og hefur það orðið
vatn á myllu þeirra sem telja hug-
myndir um rafbílavæðingu íslenska
bílaflotans óraunhæfar.
Eru orðnir samkeppnishæfir
Gísli blæs á slíkar efasemdir og
bendir á að rafbílar séu orðnir það
fullkomnir og drægnin orðin það
góð að þeir séu orðnir samkeppn-
ishæfir við suma bensín- og dísilbíla.
„Við bindum vonir við að geta
flutt inn 100 rafbíla áður en skól-
arnir byrja í september. Á næsta ári
teldum við svo gott að geta selt hér
300 rafbíla. Við viljum hins vegar
ekki spá fyrir um söluna árið 2014.
Hvað varðar einstakar tegundir höf-
um við tryggt okkur 100 rafbíla af
gerðinni Reva NXR og auk þess
aðrar tegundir sem við munum til-
kynna síðar. Sá bíll verður sam-
keppnishæfur við aðra smábíla en
við vonumst til að geta boðið hann á
3-3,5 milljónir kr. Drægnin er allt að
160 km og ætti bíllinn því að nýtast
einstaklingum og fyrirtækjum.“
Munu sjá um allt viðhald
Að sögn Gísla mun fyrirtækið
Even sjá um söluna, eða réttara
sagt leiguna, þar sem rafbílarnir
verða leigðir, til dæmis til 60 mán-
aða, gegn útborgun og fastri mán-
aðarleigu. „Það þarf að leggja fram
útborgun. Síðan tekur við greiðsla á
hverjum mánuði sem ætti að vera
svipuð og útgjöld til bensín- og dísil-
kaupa í dag. Miðað við fimm ára
leigusamning erum við að horfa á
40.000 til 60.000 krónur á mánuði.
Það fer eftir viðtökunum hversu góð
kjör við getum veitt og hversu há
útborgun er í hverju tilviki. Við er-
um að bjóða fólki aðgang að öku-
tæki sem við sjáum um allt viðhald
á.
Við afhendum bíl, orku og
hleðslulausn. Það fylgir allt í pakk-
anum. Við setjum upp hleðslustaur
fyrir viðskiptavini og verður lausnin
löguð að hverjum og einum. Þá er
ætlunin að bjóða upp á hraðhleðslu
á rafhlöðum. Við teljum að flestir
muni líta á rafbílinn sem bíl númer
tvö á heimilinu,“ segir Gísli sem sér
fyrir sér markað með notaða rafbíla
á Íslandi frá og með árinu 2018.
Notaðir rafbílar á boðstólum
„Flestir rafbílaframleiðendur
eru með allt að 8 ára ábyrgð á raf-
hlöðunum. Miðað við eðlilegan akst-
ur áætla framleiðendur að þá séu
enn 80% eftir af endingu rafhlöð-
unnar. Það eru því allar forsendur
fyrir markaði með notaða rafbíla á
Íslandi sem hafa drægni upp á 120
km. Þá verða rafhlöðurnar stöðugt
fullkomnari og verðið lækkar.“
Ætlar að flytja inn
100 rafbíla í sumar
 Fyrirtækið Even undirbýr mikinn innflutning  Ætlar að
flytja inn 300 rafbíla árið 2013  Bílarnir verða leigðir út
Nokkrar tegundir
» Fyrirtækið Even horfir til
innflutnings á rafbílum frá
ýmsum framleiðendum.
» Nefna má að Nissan Leaf
er að fara í fjöldaframleiðslu.
» Þá ætla frönsku bíla-
smiðjurnar í Renault að bjóða
upp á nokkrar tegundir rafbíla
á næstu mánuðum.
» Einnig má nefna rafbíla-
merkin Tesla og Coda.
Á leiðinni Even stefnir á að selja rafbílinn Reva NXR í miklu magni hér á landi á næstu misserum.
Háskólalest Háskóla Íslands heim-
sækir um helgina Fjallabyggð sem
er annar áfangastaður lestarinnar
á ferð hennar um landið í maí.
Nemendur á efsta stigi í Grunn-
skóla Fjallabyggðar sóttu í gær
námskeið í Háskóla unga fólksins.
Gátu ungmennin þar kynnt sér
efnafræði, jarðfræði, nýsköp-
unarfræði, japönsku og tómstunda-
og félagsmálafræði.
Í dag verður efnt til vísindaveislu
fyrir alla fjölskylduna í Tjarnar-
borg, samkomuhúsi Ólafsfjarðar,
kl. 12-16. Segir í tilkynningu, að
þar sýni Sprengjugengið kröftugar
og litríkar efnafræðitilraunir og
gestir geti kynnt sér undraspegla,
stjörnufræði, syngjandi skál,
spennandi sýnitilraunir, eldorgel
og ótalmargt fleira. Einnig verði
sýningar í Stjörnuveri á hálftíma
fresti.
Háskólalestin ferðaðist um land-
ið í fyrra, á aldarafmæli Háskóla Ís-
lands, og er leikurinn endurtekinn í
ár. Dagskrá Háskólalestarinnar er
öllum opin og aðgangur er ókeypis.
Háskólalestin verður í Grindavík
16. og 19. maí og á Ísafirði 25. og
26. maí.
Háskólalestin í Fjallabyggð
Sprengingar Sprengjugengi HÍ sýndi list-
ir sínar á Kirkjubæjarklaustri nýlega.
Alþjóðlegt ljóðaspjall, þar sem kynntur verður afrakst-
ur úr þýðingasmiðju með reykvískum skáldum af er-
lendum uppruna verður haldið í Tjarnarbíói í dag kl.
18.
Þýðingasmiðjan var haldin í tilefni Fjölmenning-
ardags Reykjavíkur og skipulögð af Reykjavík Bók-
menntaborg UNESCO og Mannréttindaskrifstofu
Reykjavíkur. Þýðingasmiðjan er, að sögn skipuleggj-
enda, fyrsta skrefið að því að kynna verk erlendra
skálda sem gert hafa Ísland að heimili sínu. Markmiðið
með henni er að auka skilning á fjölmenningunni sem
finna má á Íslandi og skapa brú milli menningarheima.
Ljóðskáldin sem taka þátt í verkefninu eru Aðalsteinn Ásberg Sigurðs-
son (Ísland), Elías Portela (Galisía/Ísland), Björn Kozempel (Þýskaland),
Harutyun Mackoushian (Armenía), Juan Camilo Román Estrada (Kól-
umbía), Kári Tulinius (Ísland), Mazen Maarouf (Palestína) og Þórdís
Björnsdóttir (Ísland). Aðgangur er ókeypis.
Alþjóðlegt ljóðaspjall í Tjarnarbíói
Aðalsteinn Ásberg
Sigurðarsson
Opnuð verður sýningin Svipmyndir
frá Austurlandi með sautján mynd-
um Eyjólfs Jónssonar í Ljós-
myndasafni Reykjavíkur í dag.
Í tilkynningu frá safninu segir að
Eyjólfur (1869-1944) hafi ekki verið
maður einhamur. Ásamt því að
reka ljósmyndastofu frá árinu 1893
hafi hann m.a. verið með klæð-
skeraverkstæði á sínum snærum,
setið í bæjarstjórn Seyðisfjarðar,
gegnt stöðu útibússtjóra Íslands-
banka og verið með ýmiss konar
inn- og útflutning.
Myndirnar á sýningunni eru að
stærstum hluta af fjölskyldu-
meðlimum Eyjólfs og umhverfi
þeirra. Þær þykja gefa góða mynd
af hinum fjölhæfa athafna- og fjöl-
skyldumanni Eyjólfi auk þess sem
þær veita innsýn í bæjarlífið á Seyð-
isfirði um aldamótin 1900.
Ljósmynd/Eyjólfur Jónsson
Veiðimaður Sigurður Stefánsson kemur
heim með feng sinn árið 1906.
Svipmyndir frá
Austurlandi
Sérstök hverfisguðsþjónusta verður haldin í Seltjarn-
arneskirkju sunnudaginn 13. maí kl. 11. Til hennar er
sérstaklega boðið íbúum við fjórar götur á Nesinu, þ.e.
Austurströnd, Eiðistorg, Hrólfsskálavör og Steinavör.
Íbúar úr þessum fjórum götum munu lesa ritningar-
lestra og bænir og Bjarni Þór Bjarnason sókn-
arprestur þjónar í athöfninni. Jóhann Helgason, tón-
listarmaður og tónskáld, býr í einni af þessum götum
(Austurströnd). Hann ætlar að syngja og leika eitt laga
sinna. Kammerkór kirkjunnar undir stjórn organistans
Friðriks Vignis Stefánssonar syngur lög eftir Jóhann í
athöfninni. Jóhann á 40 ára útgáfuafmæli á þessu ári, en fyrsta platan
hans kom út árið 1972. Eftir guðsþjónustuna verður boðið upp á veit-
ingar í safnaðarheimili.
Lög Jóhanns flutt í hverfisguðsþjónustu
Jóhann Helgason
Sýningin Skúlptúr verður opnuð á
morgun, 13. maí klukkan 15, á Hót-
el Glymi í Hvalfirði. Á henni sýnir
myndhöggvarinn Anna Sigríður
skúlptúra sem hún hefur unnið úr
steini og stáli. Um verkin segir í til-
kynningu að þau séu lítil frumdýr
sem hægt sé að handfjatla og ýmiss
konar stærri verur og farartæki.
Anna Sigríður hefur haldið fjölda
sýninga á verkum sínum hér á landi
sem erlendis. Hún lauk námi frá
Myndlista- og handíðaskóla Íslands
árið 1985 og Akademie Voor Beel-
dende Kunst í Hollandi árið 1989.
Sýningunni lýkur 24. júní.
Lítil frumdýr, stærri
verur og farartæki
STUTT