Morgunblaðið - 12.05.2012, Blaðsíða 46

46 DÆGRADVÖL
MORGUNBLAÐIÐ LAUGARDAGUR 12. MAÍ 2012
Stjörnuspá
21. mars - 19. apríl 
Hrútur Þér finnst fjölskylda þín óþægilega
gagnrýnin og letjandi í dag. Farðu yfir öll
efnisatriði og gefðu þér tíma til þess að
vega þau og meta.
20. apríl - 20. maí 
Naut Passaðu þig á því að einblína ekki svo
mikið á praktíska hluti, að þú missir sjónar á
gleði þinni og sköpunargáfu. Horfstu í augu
við það sem þú forðast.
21. maí - 20. júní 
Tvíburar Þú ert óvenju kraftmikil/l þessa
dagana og nýtir meðbyrinn til þess að bæta
ástarsamband. Fólk gæti farið að trúa þér ef
þú værir ekki alltaf að stríða því.
21. júní - 22. júlí 
Krabbi Þú ert svo heillandi núna að þú gæt-
ir fengið fólk til að gera allt fyrir þig sem þú
nennir ekki að gera. Jafnvel þótt þú viljir
ekki ástarsamband er gott að eignast nýjan
vin.
23. júlí - 22. ágúst 
Ljón Ekki gefa loforð sem þú getur ekki
staðið við. Undirbúðu þig aftur og aftur fyrir
komandi áskoranir, og þú öðlast öryggi.
23. ágúst - 22. sept. 
Meyja Ástæða þess að þú ert svo gleyminn
þessa dagana er að þú ert með of mörg járn
í eldinum. Farðu yfir stöðuna í rólegheitum
og þá muntu geta leyst málin fyrirhafn-
arlítið.
23. sept. - 22. okt. 
Vog Þú veist hvað þú vilt, og þarft ekki álit
annarra til að styðja valið. Þér er óhætt að
treysta eðlisávísun þinni í bland við hæfileg-
an skammt af raunsæi.
23. okt. - 21. nóv.
Sporðdreki Þú ert í léttu skapi þessa dag-
ana og átt auðvelt með að umgangast fólk á
öllum aldri. Samskiptin við hitt kynið ganga
glimrandi vel.
22. nóv. - 21. des.

Bogmaður Slíðraðu sverðin og láttu ekki
ómerkilegan kryt eyðileggja ágætan dag.
Mundu að við uppskerum eins og við sáum.
22. des. - 19. janúar 
Steingeit Deginum er vel varið, því þú átt
eftir að njóta afraksturs hans í einkalífinu og
ekki síður í starfi.
20. jan. - 18. febr. 
Vatnsberi Þú nærð þeim árangri sem þú
ætlar þér. Samvera í góðum félagsskap mun
vafalaust veita þér mikla gleði. Taktu á hon-
um stóra þínum og láttu vita af tilfinningum
þínum.
19. feb. - 20. mars

Fiskar Gáta sem þú hefur lengi velt fyrir þér
verður nú leyst og lausn hennar mun koma
þér verulega á óvart. Tillögur þínar eru að
öllum líkindum ekki góðar og gætu valdið
vandræðum.
Karlinn á Laugaveginum varmeð dagpoka á bakinu þegar
ég hitti hann og sagði án þess að
heilsa: „Góð er vorblíðan en leið-
inleg garðverkin. Ég er búinn að
stinga upp fyrir kerlinguna, svo að
hún getur farið að setja niður kart-
öflurnar. Annars flaug mér vísa í
hug. Hún er eins og góðar vísur
eiga að vera, sjálfbjarga en skiptir
þó engu máli:
Þó að nóg sé nú um sýsl
með neftóbak í pontu
skýst ég upp í Köldukvísl
og kasta fyrir lontu.“
Og var horfinn.
Í gær birtist í vísnahorni gátuvísa
eftir Einar Benediktsson:
Settist ég á bungu baks (kistill)
bar í höndum fundinn goða (askur)
veifaði skíði skerja þaks (spónn úr
hvalskíði)
skvetti að lending kyrnu boða (munnur
og skyr).
Orðið „kyrningur“ þýðir „gróft
skyr, graðhestaskyr“ og þekkir Jón
Eyjólfur Jónsson læknir þá merk-
ingu frá heimsókn sinni í veitinga-
húsið Lögberg í Lækjarbotnum,
þar sem honum var boðið upp á
þennan rétt ungum dreng og þótti
ekki lystugur.
Mér hefur alltaf þótt gaman að
vísum Einars Jochumssonar. Í bók-
inni „Upp á Sigurhæðir“ er sagt frá
því, að þegar Einar lærði að ganga
hafi hann fengið vísu frá Þóru móð-
ur sinni eins og hin börnin, – „þessi
varð til er hún mætir Einari í bæj-
argöngunum, nývöknuðum og
„lafalúðalegum“ í útgangi:“
Einar kemur akandi,
allur sundur flakandi.
Var þá mamma vakandi
vel mót drengnum takandi.
Þessa léttu hrynjandi og mælsku
tók Matthías í erfðir frá móður
sinni.
Enn fremur segir frá því að Ein-
ar hafi í riti sínu „Kristindómur,
Árás á kennimenn lúthersku kirkj-
unnar“ kallað séra Matthías „dýrk-
aðan óðinshana þjóðkirkjunnar“.
Þessi vísa fékk vængi:
Helgasonur séra Jón
sínum beitir hroka
rigsar upp í ræðustól
með riddarakross og poka.
Og þessa vísu fann ég á miða með
minni rithönd og krotað í hana. Mig
minnir að hún sé eftir mig. Ég þori
ekki að fortaka það:
Gjálífið við Öxará
einkum þó á kveldin
þegar sól á himni há
í hjörtunum kveikti eldinn
olli því að þellu hjá
Þorgeir skreið und feldinn.
Halldór Blöndal
halldorblondal@simnet.is
Vísnahorn
Með neftóbak í pontu
G
æ
sa
m
a
m
m
a
og
G
rí
m
u
r
G
re
tt
ir
S
m
áf
ó
lk
H
ró
lfu
r
h
ræ
ð
ile
g
i
Fe
rd
in
a
nd
ROP! ÉG ER ALLTAFÁ VAKT
ÆI,
NEI!
ÞETTA ER EIN AF ÞESSUM
NÓTTUM ÞAR SEM ÉG GET BARA
EKKI FUNDIÐ ÞÆGILEGA
STELLINGU TIL AÐ SOFA Í
STUNDUM
VERÐUR
MAÐUR
BARA AÐ
PRÓFA
SIG
ÁFRAM
ÞETTA LÍTUR ÚT FYRIR AÐ
VERA SAMI VIÐBJÓÐURINN OG
ÞÚ GAFST OKKUR Í GÆR
HONUM FINNST HANN
SVO SVALUR EFTIR AÐ
EIGANDINN HANS FÓR MEÐ
HANN Á FÓTBOLTALEIK
ÉG BIÐST
FORLÁTS
ÞETTA
FINNST
MÉR
MÓÐGANDI!
ÞETTA
ER FERSKUR
VIÐBJÓÐUR SEM
ÉG ELDAÐI Í
MORGUN!
Það er magnað hvað Íslendingareru fótboltasinnuð þjóð. Þrátt
fyrir að við höfum náð hvað minnst-
um árangri einmitt í þeirri grein á al-
þjóðavísu. Víkverji eins og margir fé-
laga hans hugsar til þess sem
gullaldartíma þegar kraftaverkamað-
urinn Guðjón Þórðarson kom okkur
svo nálægt því að komast á heims-
meistarakeppnina í fótbolta að þáver-
andi heimsmeistarar slógu möguleika
okkar ekki út af borðinu fyrr en í síð-
asta leik undanriðilsins og á síðustu
mínútunum þegar þeir unnu okkur
3-2 í París í Frakklandi. Það var stór-
kostleg keppni og á Guðjón Þórð-
arson skilda fálkaorðu fyrir að hafa
gefið landanum loksins möguleika
sem þó var sleginn út af borðinu eins
og alltaf. Því á endanum var þessi sig-
ur eins og allir okkar sigrar í fótbolta,
svona næstum-því-sigur. Við kom-
umst næstum því áfram. Það er svo
sjaldgæf tilfinning að það var ynd-
isleg tilfinning.
x x x
En í handboltanum komumst viðekki aðeins á heimsmeistaramót,
ólympíumót og Evrópumót nánast
alltaf heldur höfum við náð silf-
urmedalíu á hinum háu Ólympíu-
leikum. Algjörlega stórkostlegur ár-
angur. Þegar HK varð
Íslandsmeistari í handbolta á Íslandi
varð það vissulega forsíðufrétt á
Morgunblaðinu, en ekki aðalfréttin á
forsíðunni. Aðalfréttin með risastórri
fjögurra dálka mynd á forsíðunni var
um það að fótboltakeppni landsins
væri að byrja. Knattspyrnutíðin væri
hafin og myndin var úr einum af
fyrstu leikjum Íslandsmeistaramóts-
ins í knattspyrnu, tíðindalitlum leik í
móti sem var að hefjast. En sigur HK
í Íslandsmeistaramóti í handbolta
endaði í eins dálks mynd á forsíðunni.
x x x
Fótboltinn virðist eiga hug flestra.En handboltinn og körfuboltinn
mega ekki gleymast. Hvað þá jaðar-
íþróttirnar. Það er oft ótrúlega lítið
fjallað um þau afrek sem piltar og
stúlkur þessa lands eru að fram-
kvæma ef þau eru ekki í fótbolta-
skóm. Saga HK og þessi langþráði
Íslandsmeistaratitill er svo sannar-
lega falleg og verðugt fréttaefni.
víkverji@mbl.is
Víkverji
Orð dagsins: Ég lít svo á, að ekki séu
þjáningar þessa tíma neitt í saman-
burði við þá dýrð, sem oss mun opin-
berast. (Rm. 8, 18.)
Auðbrekku 3, 200 Kópavogur ~ Sími: 564 1660 ~ www.oreind.is
YFIR 100 FRÍAR
SJÓNVARPSSTÖÐVAR
FRÁ GERVIHNETTI
Þar sem að gervihnattabúnaðurinn fæst
26.500kr.Verð frá