Morgunblaðið - 12.05.2012, Blaðsíða 28

28
MORGUNBLAÐIÐ LAUGARDAGUR 12. MAÍ 2012
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Ásama tíma ogmeirihlutiSamfylk-
ingar og Besta
flokksins í borg-
arstjórn Reykjavík-
ur er upptekinn við
að hunsa vilja foreldra í skóla-
málum, losa borgarstjóra undan
starfsskyldum sínum og missa
tökin á fjármálastjórn borg-
arinnar lætur hann eiga sig að
svara óskum Alþingis um um-
sögn um frumvörp um fisk-
veiðistjórnun.
Nú er að vísu vitað að sjávar-
útvegur á ekki upp á pallborðið
hjá Samfylkingunni og er
greinilega ekki nógu skemmti-
legur fyrir Besta flokkinn.
Engu að síður verður að teljast
með ólíkindum að þessir flokkar
skuli ekki hafa sinnt því að
Reykjavíkurborg sendi inn um-
sögn um frumvörpin.
Þó að þessum flokkum þyki
sjávarútvegur ekki spennandi
ber borgarfulltrúum þeirra
skylda til að gæta hagsmuna
borgarinnar og borgarbúa fyrst
þeir buðu sig fram til þeirra
starfa.
Og það er ekki eins og meiri-
hlutinn í borgarstjórn hafi ekki
verið minntur á skyldur sínar í
þessu efni. Í byrjun mánaðarins
lögðu til dæmis fulltrúar Sjálf-
stæðisflokksins fram tillögu um
að samin yrði umsögn borg-
arinnar um frumvörpin, en af-
greiðslu tillögunnar var frestað.
Borgarfulltrúar Sjálfstæð-
isflokksins lögðu einnig fram
tillögu í haust um að gerð yrði
úttekt á áhrifum hugsanlegra
breytinga á umhverfi sjáv-
arútvegsins á Reykjavík, en því
hefur meirihlutinn ekki sinnt.
Nú virðist loks
hafa verið ákveðið
að borgin semji
umsögn og að
gengið verði frá
henni í næstu viku,
næstum mánuði
eftir að frestur til að skila um-
sögn rann út.
Reykjavíkurborg er einn
stærsti útgerðarstaður landsins
og sjávarútvegur er ein mik-
ilvægasta atvinnugrein borg-
arinnar. Þetta er ekki eins aug-
ljóst og á mörgum minni
þéttbýlisstöðum í kringum
landið vegna þess að borgin er
stærri og atvinnulífið fjöl-
breyttara. Engu að síður er
þetta nokkuð sem borg-
arfulltrúar, ekki síst þeir sem
skipa meirihlutann, mættu að
ósekju átta sig á og þar með
hversu mikilvægt það er að
borgin gefi álit sitt á jafn stóru
hagsmunamáli.
Raunar verður að teljast lík-
legt að borgarfulltrúarnir átti
sig á þeim hagsmunum sem um
er að tefla og að skýringarnar á
sinnuleysinu séu aðrar en skort-
ur á þekkingu á mikilvægi út-
gerðarinnar fyrir Reykjavík-
urborg. Ætli skýringarnar á því
að meirihlutinn í Reykjavík
dregur lappirnar í því að veita
umbeðnar umsagnir um fisk-
veiðistjórnunarfrumvörpin séu
ef til vill þær sömu og valda því
að meirihlutinn fagnar því þeg-
ar ríkisstjórnin ákveður að
hætta að leggja fram fjármagn
til vegamála í borginni? Það
skyldi þó ekki vera að Besti
flokkurinn og Samfylkingin
velji að gæta frekar hagsmuna
ríkisstjórnarinnar en íbúa
Reykjavíkurborgar.
Forgangsröðun
Besta flokksins og
Samfylkingar í borg-
inni er sérkennileg}
Í hagsmunagæslu
fyrir ríkisstjórnina?
Tveir alsírskirunglingar voru
dæmdir til 30 daga
óskilsorðsbund-
innar fangavistar
vegna þess að þeir
framvísuðu föls-
uðum vegabréfum við komuna
til landsins 25. apríl. Deilt hefur
verið um aldur drengjanna, en
þeir segjast vera 15 og 16 ára og
í dómnum er gengið út frá því-
.Vegna inngrips Ögmundar
Jónassonar innanríkisráðherra
voru drengirnir látnir lausir
þegar þeir höfðu afplánað níu
daga af dómnum.
Bæði Rauði kross Íslands og
Unicef, barnahjálp Sameinuðu
þjóðanna, sendu frá sér álykt-
anir út af þessum dómum.
Í yfirlýsingunum er vísað
bæði í barnasáttmála Samein-
uðu þjóðanna og flóttamanna-
samning Samein-
uðu þjóðanna, sem
báðir hafa verið
fullgiltir á Íslandi.
Í barnasáttmál-
anum segir að
tryggja beri að
barn, sem leiti eftir réttarstöðu
sem flóttamaður eða talið sé
flóttamaður samkvæmt viðeig-
andi reglum og starfsháttum
þjóðaréttar eða landslaga, fái
viðeigandi vernd og mann-
úðlega aðstoð við að nýta sér sín
réttindi.
Í flóttamannasamningnum er
skýrt tekið fram að flóttamenn
og hælisleitendur njóti verndar
gegn sakhæfi fyrir að hafa í fór-
um sínum eða framvísa stolnum
eða fölsuðum vegabréfum.
Það er undarlegt að þessi
réttindi og skuldbindingar skuli
ekki virt í íslensku réttarkerfi.
Flóttamenn njóta
verndar í flótta-
mannasamningi og
barnasáttmála SÞ}
Að virða réttindi
S
egjum sem svo, að sólin komi ekki
upp í dag. Hver yrðu viðbrögðin
önnur en að einhver gréti það, að
ekki væri hægt að fara út í sólbað?
Tækju Íslendingar almennt eftir
því, nema bændur og sjómenn?
Samkvæmt Veðurstofu Íslands sést ekki til
sólar næstu daga, en hún hlýtur þó að koma
upp, fjandakornið.
Hér í gósenlandinu, þar sem engan dreymir
um að svíkja undan skatti, frekar en í Grikk-
landi eða Ítalíu, hrykki fjöldinn ugglaust í kút,
ryki í Bauhaus eða BYKO (eða Húsasmiðjuna
eða Múrbúðina; ég verð að passa mig að verða
ekki kærður fyrir mismunun) til þess að
kaupa sólarlampa. Útlitið er fyrir öllu sem
kunnugt er og kannski jafnvel frádráttarbært
frá skatti.
Ljósdrappað er fallegur litur, hvort sem er á húð eða
vegg. Allir litir eru það reyndar, hver á sinn hátt; það
lærði ég þegar ég seldi eldri konum málningu, teppi og
veggfóður í gamla daga. „Afskaplega, fallegt, já. Sann-
arlega mjög lekkert.“ Þannig var best að bregðast við ef
þær lýstu yfir ánægju með eitthvað. Ég þurfti ekki bein-
línis að segja ósatt, einungis að vera sammála síðasta
ræðumanni. Var þó ekki á prósentum, vildi innst inni
bara vera vinalegur.
Því verkefni lauk heldur aldrei; þegar þurfti að mála
aftur, ef veggfóðrið skemmdist (eða fór úr tísku) eða
hundurinn pissaði of mikið í teppið (eða það fór úr tísku)
þurfti að kaupa nýtt og þá mátt ég alveg vera
búinn að skipta um skoðun – ef kúnninn var
búinn að því áður.
Vilji viðskiptavinurinn snjókomu þá fær
hann snjókomu. Ég fór reyndar ekki fram á
allt þetta heldur bað einungis um hjálp til að
geta frestað því að slá lóðina og bera á girð-
inguna um helgina. Þarf að fara á völlinn og
undirbúa herrakvöldið og vonaðist þess
vegna bara eftir smá-skúr. Mér finnst norð-
anbál og snjókoma fullmikið af því góða, satt
best að segja.
Ég þarf líka fá tækifæri til að óska besta
vini mínum til hamingju með daginn. Með til-
liti til stúlkna sem voru í bekknum og eru þar
af leiðandi jafnaldrar okkar, tel ég ekki ráð-
legt að upplýsa hverju hann fagnar, en hlýt
að mega upplýsa, með góðri samvisku, að
leyndóið byrjar á 5 og endar á 0.
Viðbrögð mín við því, ef sólin kæmi ekki upp, yrðu því
fyrst og fremst vonbrigði yfir því að þurfa að óska vini
mínum til hamingju með afmæli í of miklum kulda. Ef
vetur og sumar frjósa saman má reyndar reikna með
góðu sumri og kannski er það eins með fyrri og seinni
hálfleik í lífinu; skelli á skítaveður í dag en aftur verði
blíða á morgun, verða seinni 5+0 árin hugsanlega far-
sælli en ella. Ef ekki verður hundi út sigandi í dag, jafn-
velt ófært á milli húsa, sendi ég hér með góða afmæl-
iskveðju. Þeir taka til sín sem eiga.
skapti@mbl.is
Skapti
Hallgrímsson
Pistill
Áfram gakk, 5+0
STOFNAÐ 1913
Útgáfufélag: Árvakur hf., Reykjavík.
Ritstjórar:
Davíð Oddsson Haraldur Johannessen
Aðstoðarritstjóri:
Karl Blöndal
Útgefandi:
Óskar Magnússon
FRÉTTASKÝRING
Kjartan Kjartansson
kjartan@mbl.is
Nú þegar aðeins rétt rúmartvær vikur eru eftir afþessu þingi er fjöldi málaenn óafgreiddur, þar á
meðal þrjú stærstu mál ríkisstjórn-
arinnar. Þjóðaratkvæðagreiðsla
vegna stjórnlagaráðs verður rædd í
næstu viku en kvótafrumvörpin og
rammaáætlun um nýtingu og vernd
virkjunarkosta er enn inni á borði at-
vinnuveganefndar þingsins.
Að sögn Ástu R. Jóhannes-
dóttur, forseta Alþingis, liggur dag-
skrá þingsins á þriðjudag að hluta til
ljós fyrir en þá verði m.a. IPA-
styrkir Evrópusambandsins, áfeng-
islög og náttúruvernd til umræðu
auk mála sem komi úr þingnefndum.
„Svo er ákveðið að umræðan um
stjórnlagaráð verði á miðvikudag og
föstudag. Ef henni verður ekki lokið
höfum við líka laugardaginn upp á að
hlaupa,“ segir Ásta. Ómögulegt sé
hins vegar að segja hversu mörg mál
eigi eftir að komast á dagskrá fyrir
þinglok. Mál séu alls staðar í ferlinu
en einnig séu einhver mál sem ákveð-
ið hafi verið að mæla ekki fyrir á
þessu þingi.
Jóhanna Sigurðardóttir for-
sætisráðherra hefur ýjað að því að
þingað verði fram á sumar svo hægt
verði að ljúka stórum málum. Ásta
segir hins vegar að starfsáætlun Al-
þingis sem samþykkt var í ágúst liggi
fyrir. Sú áætlun gerir ráð fyrir þing-
lokum hinn 31. maí. Forsetakosn-
ingar eru í júní en hefð hefur verið
fyrir því að ekki sé þing á meðan á
kosningabaráttu stendur fyrir þær
eða sveitarstjórnarkosningar. Ásta
segir þó allan gang vera á því og
dæmi séu um að þing hafi dregist
fram í kosningabaráttu. „Það hefur
þó verið reynt að taka tillit til henn-
ar,“ segir hún.
Tekur rifrildi fram yfir sátt
Ragnheiður Elín Árnadóttir,
þingflokksformaður Sjálfstæð-
isflokksins, segir að vandamál þings-
ins sé ekki skortur á þingdögum
heldur forgangsröðun. „Mér reikn-
ast til að eftir séu tíu þingdagar, þar
á meðal eldhúsdagsumræður. Ef
menn ætluðu sér að klára þetta á
réttum tíma og einhver vilji væri til
að ná samkomulagi við stjórnarand-
stöðuna held ég að það væri alveg
hægt. Vilji forsætisráðherra hafa
þingið starfandi í allt sumar óttumst
við það ekki,“ segir hún.
Þá spáir hún því að stjórn-
arflokkarnir muni ekki þora að taka
rammaáætlun úr nefnd vegna inn-
byrðis deilna þeirra og finnst réttast
að leggja kvótafrumvörpin til hliðar
til að ná sátt um þau. „Ríkisstjórnin
sneiðir alltaf fram hjá sátt þegar gott
rifrildi er í boði,“ segir hún.
Þingið fram í júní ef þarf
Magnús Orri Schram, formaður
þingflokks Samfylkingarinnar, telur
að það náist að afgreiða stóru málin á
þessu þingi en varar þó við að þing-
hald gæti dregist eitthvað. Hann tel-
ur ekki að það myndi trufla aðdrag-
anda forsetakosninganna.
„Þetta fer eftir því hversu
einbeittir og samheldnir þing-
menn eru í því að klára þetta.
Ég er fullviss um það að þetta
mun klárast,“ segir Magnús
Orri sem býst við því að
kvótafrumvörpin verði
tekin úr nefnd í næstu
viku.
„Ef með þarf þá
þarf þingið að starfa
fram í júní. Við þurfum
að aflétta óvissunni um
stjórn fiskveiða á Ís-
landi. Þess vegna er mik-
ilvægt að Alþingi ljúki
þessu máli.“
Mörg stór mál eru
óafgreidd á Alþingi
Morgunblaðið/Kristinn
Alþingi Það verður tómlegt í þingsal á mánudag en þá verður nefndadagur.
Svo má búast við stífum þingfundum fram að mánaðarlokum.
Breytingar voru gerðar á þing-
sköpum Alþingis í fyrra til að
bæta störf þingsins og von er á
frekari breytingum. Traust til Al-
þingis mælist hins vegar lítið í
könnunum og mikið er rætt um
litla virðingu þess. Magnús Orri
segir ekki nógu góðan brag á
störfum þingsins en ekki sé við
aðra en þingmenn sjálfa að sak-
ast sem mættu vera duglegri að
fara í „boltann í stað manns-
ins“. Ragnheiður Elín segir
vandamálið veikan meiri-
hluta stjórnarinnar. Kosn-
ingar frekar en breytt þing-
sköp gætu breytt þessu.
Forseti Alþingis segir
þó vinnubrögðin hafa
batnað. „Mér sýnist á
Alþingistíðindum að í
gamla daga hafi oft
heilmikið gengið á
en það fór ekki eins
hátt og nú þegar allt
er í beinni útsend-
ingu,“ segir Ásta.
Ekki nógu
góður bragur
VIRÐING ALÞINGIS
Ásta Ragnheiður
Jóhannesdóttir