Morgunblaðið - 12.05.2012, Blaðsíða 23

Göngin eiga að vera 4 km og eru nú komin
rúman kílómetra hvorum megin. Svo á eftir að
dýpka þau um helming þegar efri pallurinn er
kominn í gegn. Gísli býst ekki við að göngin
verði tilbúin fyrr en eftir ár. „Við erum í mjög
slæmu bergi hérna megin núna og fáum mikið
af vatni. Því verður að styrkja bergið mikið og
sprautusteypa,“ segir Gísli um leið og hann ek-
ur með blaðamann og ljósmyndara inn göngin
þar sem vatnið bunar úr berginu yfir bílinn.
Það er dimmt og rakt í göngunum og eflaust
ekki á hvers manns færi að vinna við að bora
slík mannvirki. Gísli segir líka ekki alla geta
unnið við gangagerð. „Um leið og menn tapa
birtunni missa þeir móðinn og fatast bara. Þeir
ráða ekki við það, svipað og innilokunarkennd
og lofthræðsla. Annaðhvort finna menn sig í
þessu eða ekki.“
Mikil stíflugerð í sumar
Austan megin við Búðarhálsinn er nú unnið
að stíflugerð og er sumarið mikilvægasti tím-
inn við hana. Miklar framkvæmdir eru áætl-
aðar nú um helgina. „Þeir hafa aðeins tvo sól-
arhringa til að stífla rennsli Tungnaár frá
Hrauneyjum og beina vatnsrennslinu yfir yf-
irfallið. Þá verður svokölluð Sporðöldukvísl
stífluð. Árfarvegurinn þar fyrir neðan þurrk-
ast upp svo hægt verður að fara í að undirbúa
stíflugerð fyrir Sporðöldulón. Á meðan við
hleypum vatni á yfirfallið verður viðgerðarhlé í
Hrauneyjavirkjun. Þegar aftur verður hleypt
vatni á Hrauneyjar á mánudagsmorgun hækk-
ar vatnsborðið hér mikið og vatnið fer yfir yf-
irfallið,“ segir Gísli.
Miklar malarhrúgur eru komnar hvor sínum
megin við ána þar sem á að stífla og verður
þeim ausið í skarðið. „Það verður allur mann-
skapur virkjaður og unnið dag og nótt um
helgina til að ná því að stífla á tveimur sólar-
hringum.“ Spurður hvort hann telji að það ná-
ist svarar Gísli: „Það bara verður.“
Morgunblaðið/RAX
Stöðvarhúsið Verkamenn voru að járnabinda í kringum einn hverfilinn í stöðvarhúsinu.
Mikilfenglegt Sveifluþróin fyllist af vatni sem fer inn í stöðvarhúsið.
FRÉTTIR 23Innlent
MORGUNBLAÐIÐ LAUGARDAGUR 12. MAÍ 2012
95
MW er áætlað afl virkjunarinnar.
Virkjunin er rennslisvirkjun.
585
GWst er áætluð orkugeta Búðarháls-
virkjunar á ári. Orkan verður notuð í
álver Alcoa í Straumsvík.
26
milljarðar króna er áætlaður heildar-
kostnaður við gerð Búðarhálsvirkjunar.
2010-2013
er verktíminn. Báðar vélar stöðvarinnar eiga
að vera komnar í rekstur fyrir árslok 2013.
7
ferkílómetrar er áætlað flatarmál Sporð-
öldulóns. Þaðan verður aðrennslisskurður inn
að Búðarhálsi þaðan sem vatnið fer um 4 km
löng aðrennslisgöng að stöðvarhúsinu.
‹ BÚÐARHÁLSVIRKJUN ›
»