Morgunblaðið - 06.06.2012, Page 6
6 FRÉTTIRInnlent
MORGUNBLAÐIÐ MIÐVIKUDAGUR 6. JÚNÍ 2012
Stefán Gunnar Sveinsson
sgs@mbl.is
Atvinnuástand hjá iðnaðarmönnum
hefur skánað allverulega í sumar, og
mun sumarið „sleppa fyrir horn“ að
sögn Finnbjörns A. Hermannssonar,
formanns Samiðnar: „Það sem við
höfum áhyggjur af er að það byggist
allt upp á skammtímaverkefnum,
þannig að við sjáum ekki að núver-
andi ástand endist nema fram á
haustið.“
Finnbjörn segir ekki mikið um
langtímaverkefni fyrir iðnaðarmenn,
og því muni ástandið líklega fara í
svipað horf og verið hefur í haust.
Þau verkefni sem eru í boði í sumar
eru mestmegnis viðhaldsverkefni.
„Þokkalegt“ hjá rafiðnaðar-
mönnum og pípurum
Kristján Þórður Snæbjarnarson,
formaður Rafiðnaðarsambands Ís-
lands, segir að staðan hjá rafiðnaðar-
mönnum sé þokkaleg í sumar, og að
verkefni liggi fyrir hjá mörgum út
þetta ár og eitthvað fram á það
næsta. Mesta áhyggjuefni rafiðn-
aðarmanna sé, þrátt fyrir þetta, við-
varandi atvinnuleysi í greininni, en
um 120 félagsmenn sambandsins eru
nú á atvinnuleysisskrá. Einhverjir
þeirra hafi leitað út fyrir landsstein-
ana í atvinnuskyni. Þá sé framboð af
verkefnum ekki nægilega mikið.
Aðspurður um horfur hjá rafiðn-
aðarmönnum segir Kristján Þórður:
„Við vonum að ástandið fari að batna,
að það komi inn fleiri verkefni og
þeim sem eru á atvinnuleysisskrá fari
að fækka, því að fjöldi þeirra hefur
haldist stöðugur í svolítið langan tíma
og virðist ekki vera að fækka. Það er
það sem maður hefur mestar
áhyggjur af.“
Skarphéðinn Skarphéðinsson, for-
maður Félags pípulagningameistara,
segir að ástandið hjá pípurum sé
þokkalegt hjá flestum. Píparar séu
mest núna að sinna viðhalds- og þjón-
ustuvinnu hjá fyrirtækjum og stofn-
unum auk tryggingarvinnu en lítið
sem ekkert sé að gerast í nýfram-
kvæmdum hjá almenningi. Þá sé lítið
um langtímavinnu.
Mesta áhyggjuefnið hjá pípurum
er hversu mikil fækkun hefur orðið
hjálærðum mönnum í greininni á síð-
ustu fjórum árum, en Skarphéðinn
áætlar að á milli 100-120 sveinar hafi
farið úr landi í nám eða vinnu, lang-
flestir til Noregs. Þar sé stórt skarð
höggvið í raðir pípara, því að sveinar
og meistarar á landinu eru einhvers
staðar á milli 700-800 manns.
Skarphéðinn er ekki bjartsýnn á
haustið: „Markaðurinn hefur náð
vissu jafnvægi eftir þessa miklu
fækkun, en án innspýtingar í atvinnu-
lífið í sumar og haust mun næsti
vetur verða erfiður eins og síðustu 2-3
vetur hafa verið.“
Morgunblaðið/Styrmir Kári
Viðhald í fullum gangi Iðnaðarmenn munu mest sinna viðhaldsvinnu í sumar.
Mikið að gera hjá
iðnaðarmönnum
Mest þó skammtímaverkefni Nýframkvæmdir fáar
Guðni Einarsson
gudni@mbl.is
„Þetta hefur dregist eitthvað. Ég
fer út í fyrsta lagi í haust,“ sagði
Guðmundur Felix Grétarsson, sem
bíður eftir því að komast í handa-
ágræðslu í Lyon í Frakklandi. Hann
missti báða handleggi sína í vinnu-
slysi árið 1998. Guðmundur sagðist
búa sig undir að fara utan í sept-
ember næstkomandi.
Samkvæmt fréttum sem Guð-
mundur fékk snemma í maí var
ítalskur maður, sem bíður eftir að
fá græddan á sig framhandlegg,
búinn að bíða í þrjá mánuði í Frakk-
landi eftir aðgerð en var samt ekki
kominn á aðgerðalista. Ástæðan
var stjórnunarlegs eðlis en þeir
Guðmundur og Ítalinn eru fyrstu
útlendingarnir sem eru ekki í
franska sjúkratryggingakerfinu og
sækjast eftir því fara í ágræðslur á
sjúkrahúsinu.
„Þetta tengist eitthvað því að við
erum fyrstu útlendingarnir að ég
held. Þegar mál Ítalans leysist
verður búið að leysa þetta í eitt
skipti fyrir öll svo ég kemst beint á
aðgerðalistann,“ sagði Guðmundur.
Hann sagði að þetta tæki lengri
tíma en hann ætlaði og nú dygði
ekkert annað en þolinmæðin.
Styrktarfélagið Handahlaup er
búið að safna 40 milljónum króna
fyrir aðgerðinni. Félagið hefur
einnig fengið undanþágu frá gjald-
eyrishöftum til að millifæra kostn-
að vegna aðgerðarinnar, að sögn
Guðmundar. Hann kvaðst stöðugt
fá fyrirspurnir frá fólki um hvernig
sér gengi.
„Það er allt klárt og nú bíðum við
bara eftir því að Ítalinn fái sína að-
gerð,“ sagði Guðmundur.
Handaágræðslan
framkvæmd í
fyrsta lagi í haust
Guðmundur Felix Grétarsson stefnir
á að fara til Frakklands í september
Morgunblaðið/Kristinn
Styrkur Svölurnar eru á meðal
þeirra sem hafa styrkt Guðmund.
Davíð Már Stefánsson
davidmar@mbl.is
Hingað til hafa leiðsögumenn á
landi ekki þurft að hafa formlegt
leyfi til að fara með hópa í ferðir.
Þessu er verið að breyta, að sögn
Helenu Þuríðar Karlsdóttur, lög-
fræðings Ferðamálastofu.
„Það er verið að vinna að reglu-
gerð um framkvæmd leyfisveitinga
í ferðaþjónustu. Það er verið að
gera auknar kröfur til ferðaþjón-
ustuaðila og meðal annars er verið
að leggja drög að því að leiðsögu-
menn í ferðum skuli hafa sótt
ákveðin námskeið.“
Afþreyingin verður samkvæmt
upplýsingum Helenu flokkuð niður
eftir tegundum og mismunandi
kröfur gerðar til starfsmanna eftir
hættustigi hverju sinni.
„Flestir leiðsögumenn í ferðum
eru þaulreyndir. Margir eru búnir
að vera í þessum bransa í mörg ár
og eru komnir með mikla reynslu
og þurfa hugsanlega bara að bæta
við sig einhverju smávægilegu,“
segir Helena. Hún tekur það fram
að málið sé ennþá í vinnslu og eng-
in endanleg mynd komin á það.
„Fyrir Alþingi liggur nú frum-
varp til breytinga á lögum um skip-
un ferðamála og varða breyting-
arnar öryggismál. Þegar við fórum
af stað með þessa reglugerð þá
ræddum við við marga ferðaþjón-
ustuaðila um öryggiskröfur og
þeirra mál var að stærsta og mik-
ilvægasta öryggismálið gagnvart
viðskiptavinum væri
reynsla og
þekking
leiðsögu-
manna.“
Öryggi ferðamanna aukið
Tekið á öryggiskröfum í ferðaþjónustu Hingað til hefur hver sem er getað
boðið upp á fjalla- og jöklaferðir Starfsmönnum gert að sækja námskeið
Samkvæmt skýrslu sem var samstarfsverkefni ASÍ,
ríkislögreglustjóra og SA hefur svört atvinnu-
starfsemi dregist saman að undanförnu. Finnbjörn
A. Hermannsson, formaður Samiðnar, sagði að það
væri mikið fagnaðarefni, þar sem svört atvinnu-
starfsemi skekkti samkeppnisstöðu fyrirtækja
verulega. Allir vinna-átakið svonefnda hefði skipt
verulegu máli við að sporna við svartri vinnu.
Vegna fréttar í vikunni um að erlendir menn
hefðu verið að ganga í hús og bjóða vinnu sína
sagði Finnbjörn að afstaða félagsins væri sú að
hvetja fólk til þess að ráða iðnaðarmenn í vinnu
sama hverrar þjóðar þeir væru: „Við leggjum þó höfuðáherslu á að sú
starfsemi sem fer fram sé uppi á yfirborðinu, og að það séu fagmennt-
aðir iðnaðarmenn sem eru ráðnir. Ef það er gert, þá skiptir þjóðerni
þeirra engu máli.“
Skiptir máli að nota fagmenn
SVÖRT ATVINNUSTARFSEMI Í RÉNUN
Finnbjörn A.
Hermannsson
Aðspurð segir Helena starfs-
reglur erlendis vera strangari á
þessu sviði og þar séu gerðar
meiri kröfur til öryggismála.
„Sérstaklega hvað varðar jökla-
og fjallaferðir. Það eru gerðar
ríkari kröfur til dæmis í Nýja-
Sjálandi, Frakklandi, Austurríki
og einnig í Noregi.“
Helena segir stöðuna hér-
lendis vera þá að í raun geti
hver sem er boðið upp á
ferðir og farið upp á
fjöll.
Aðrar kröfur
erlendis
HÆTTUNNI BOÐIÐ HEIM
Fagurt Jöklar geta verið varasamir.
Sími 412 2500 - sala@murbudin.is - www.murbudin.is
– Afslátt eða gott verð?
Eldhúsvaskar og tæki
Kletthálsi Reykjavík
Reykjanesbæ
Akureyri
Húsavík
Vestmannaeyjum
Bol-871 48cm þvermál
þykkt 0,8mm
6.990,-
Bol-834 80x48x18cm þykkt 0,8mm
11.990,-
AGI- Eldhústæki
3.990,-
Bol-897 66x43x18cm þykkt stáls 0,8mm
10.450,-
Bol-604 48x43x18cm Þykkt stáls 0,8mm
7.490,-
(fleiri stærðir til)