SunnudagsMogginn - 09.09.2012, Page 4

4 9. september 2012
Það er ekki hlaupið að því að feta
í fótspor Steve Jobs, en það þurfti
Timothy D. Cook þó að gera
þegar leiðtoginn féll frá á besta
aldri í október síðastliðnum. Cook
þykir þó hafa staðið sig vel, en
hann hóf störf hjá fyrirtækinu
1998 og varð starfandi stjórn-
arformaður þegar Jobs dró sig i
hlé vegna veikinda í janúar síðast-
liðnum og hefur því í raun stýrt
Apple frá þeim tíma.
Hann hefur reynst fyrirtækinu
vel og ýmsir þakka samstarfi
þeirra Jobs og Cook það að fyr-
irtækið hafi náð jafn langt á síð-
ustu árum og raun ber vitni; Jobs
uppstökki hugsjóna- og spámað-
urinn en Cook maður sátta og að-
halds sem sá til þess að draumar
Jobs rættust. Hann nýtur og mik-
illar virðingar í viðskiptaheiminum
og hefur þegar þreytt frumraunina
að standa á sviði frammi fyrir
blaðamönnum og heillað þá.
Vissulega ekki eins algerlega og
Jobs, en kannski tekst honum
betur upp á miðvikudaginn.
Maður sátta og aðhalds
Tim Cook á sviði – svört skyrta en ekki rúllukragabolur.
AFP
Undanfarnar vikur hefur nafnApple-tæknirisans þá helstborið á góma að sagt sé frámálaferlum víða um heim þar
sem Apple glímir við ýmsa keppinauta
sína fyrir að hafa stolið frá sér hug-
myndum og hönnun. Ýmist hefur fyrir-
tækið tapað málum eða unnið, en í vik-
unni birtist merkileg frétt vestan hafs:
Mest seldi snjallsími Bandaríkjanna var
ekki lengur iPhone 4 frá Apple, nýi Sam-
sung Galaxy-farsíminn var kominn á
toppinn. Skýringin á þessu er þó einföld
þegar grannt er skoðað: Það eru allir að
bíða eftir iPhone 5!
Apple er frægt fyrir leyndarhyggju og
passar vel upp á að enginn fái að frétta af
tækninýjungum fyrr en fyrirtækinu hent-
ar, hart er brugðist við frétta- og mynda-
lekum til að skapa sem mesta spennu sem
nær svo hámarki þegar nýir gripir eru
kynntir á hátíðum sem eru nánast eins og
vakningarsamkomur, eða voru það í það
minnsta á meðan Steve Jobs var og hét.
Ein slík samkoma er framundan, verður
haldin næstkomandi miðvikudag. Svo
mikil er leyndin að ekkert er gefið upp um
hvað eigi að kynna, en allir telja víst að
það verði ný útgáfa af iPhone og einnig að
sú útgáfa muni heita iPhone 5, eða það
lesa menn í það minnsta í myndina sem
sést hér á síðunni og Apple sendi frá sér –
er skugginn á myndinni ekki að segja
okkur hvað síminn á að heita (að því gefnu
að kynna eigi nýjan síma)?
Öll leyndin sem er í kringum nýjan
Apple-varning gerir erfitt að átta sig á
hvernig hinn nýi sími verður en óhætt að
spá tvennu: 1) Hann verður eins og iPhone
4, bara miklu flottari og betri og 2) Allir
símar munu vilja verða eins og hann.
Annað giska menn á af mikilli íþrótt á net-
inu. Nokkur dæmi:
Satt og logið
Skjárinn verður stærri, sennilega 4
tommur (iPhone 4 er 3,5") ef marka má
myndir sem birtust á franskri vefsíðu,
Nowhereelse.fr. Eða kannski bara 3,95".
Skjárinn verður líka mun þynnri en fyrri
gerðir, enda styðst hann við nýja skjá-
tækni, léttari og betri að öllu leyti. Og
upplausnin meiri.
Það verður í honum NFC-örgjörvi, en
NFC er tækni sem gerir kleift að láta síma
senda gögn sín á milli með því að láta þá
snertast og einnig til að mynda að kaupa
far- eða bíómiða án þess að slá eitthvað
inn svo dæmi séu tekin.
Það verður ekki í honum NFC-örgjörvi,
það er ekki pláss fyrir hann.
Síminn styður 4G LTE gagnaflutninga,
sem eru margfalt hraðari en 3G; 4G getur
skilað allt að 300 Mbitum á sekúndu í nið-
urhal og 75 Mbitum á sekúndu í upphal.
Rafhlaðan verður stærri, sem mun
gleðja marga iPhone-eigendur.
SIM-kortið verður minna, svokallað
Nano SIM, sem er 12,3 mm x 8,8 mm og
0,67 mm að þykkt.
Á símanum verður nýtt tengi, 9 pinna
tengi. Eða kannski 19 pinna. Eða 8 pinna.
Það bendir þó flest til þess að það verði í
það minnsta ekki 30 pinna, eins og á eldri
gerðum.
Örgjörvinn verður fjögurra kjarna
ARM.
Myndavélin verður miklu betri og not-
ast við 16:9 hlutföll. Myndavélin á fram-
hlið símans tekur myndir í HD-gæðum,
en myndavélin á bahliðinni verður áfram
8 Mdíla, en hámarksljósopið stækkar úr
2,4 to 2,2 = hægt að taka myndir í minni
birtu.
Beðið eftir
uppljómun
Nýr farsími frá Apple,
iPhone 5, verður
kynntur í vikunni.
Eða kannski ekki.
Vikuspegill
Árni Matthíasson arnim@mbl.is
Svona gæti síminn kannnski orðið, eða því spáir í það minnsta Makkavinur á MacRumours.
Sími eða ekki sími
- og hvað á hann
að heita? Hvað
segir skugginn?
GJÖRIÐ
SVO VEL!HÁDEGISMATUR
TIL FYRIRTÆKJA
HAFÐU SAMBAND
OG FÁÐU TILBOÐ!
HEITT & KALT | S: 533 3060 | heittogkalt@heittogkalt.is
HEITT OG KALT býður fyrirtækjum á höfuðborgarsvæðinu
heimsendingu á hollum og kjarngóðum hádegismat.
Matseðill fyrir hverja viku er birtur á: www.heittogkalt.is
Sturla Birgisson er margverðlaunaður matreiðslumeistari
og er í dómnefnd fyrir Bocuse d’Or sem er ein virtasta
matreiðslukeppni heims.